《果日，我喺FB見到初戀嘅婚紗相》: 地理室

「跟住呢？跟住呢？」地理室裡，阿昌追問昨日我和Carla離開甜品店後的事情。
 
我和阿傑雖然與阿昌並非同班，但同樣修讀地理科，每逄課堂開始前都會先霸佔最後一行的三人座位。
 
「跟住咪送咗佢返屋企，然後我就去小巴站搭車走。」
 
「唔係去咗附近殘廁Gathering咩？」阿傑的神情，實在很像成人電影中的色狼。
 
「你痴咗線咩！我先唔會喺殘廁…」我忍不住高聲澄清，但見四周的同學都向我這邊望過來，硬生生把要說的話吞回肚裡。
 




「林子軒！」地理科的陳Sir呼喚我的名字：「你想話唔會喺殘廁做咩啊？」
 
但見陳Sir瞇起眼，笑容顯得僵硬，這是他一向準備要罵人的表情。
 
「我…我喺想話，唔會喺殘廁開大，應該讓比有需要嘅傷殘人士嘛…」
 
「既然你咁有公德心，唔差在放學之後留低打掃地理室。」
 
我只好低頭回應一句：「係，我知道…」
 




「林子軒，你成績已經夠差，上堂仲掛住傾計！仲要講埋D 鹹濕野！你唔係第一次架喇，上星期…」結果，我被陳Sir教訓了大半堂，還得忍受同學們異樣的目光。

雖然我早已經習慣被陳Sir責罵，但仍然盯了阿傑一眼，而他則裝作一副無辜的表情。
 
放學後，我當然不會乖乖地留下來清潔地理室。經驗豐富的我，曾經好幾次成功偷走，逃離陳Sir的魔掌。而且，陳Sir作為科主任的公務繁重，跟本沒時間親自到地理室檢查，甚至可能忘記罸留堂的事宜。
 
唯一害怕的，就是離開學校中途被陳Sir發現。
 
「三樓Clear。」我躲在樓梯的轉角處，聽到阿傑的訊號便立刻向下一層跑去。
 




「放心喎，今日陳Sir要開會，應該唔會喺到出現。」阿昌亦會幫忙收集情報。
 
「小心駛得萬年船！」我回答說。
 
無驚無險到達一樓，原以為這次也能夠成功逃脫，但凡事都總可能有意外發生，我們偏偏在這節骨眼遇到Carla。
 
「阿軒！咁啱呀！」她朝我揮手道。
 
正常情況下，我定會向Carla打聲招呼，然後與她肩並肩同行，談笑風生。
 
可惜，當下我無暇分心與Carla談話，更不想她知道罸留堂的事宜。因此，我假裝沒留意到她的存在，心想一切等逃出學校再說。
 
但是Carla身旁的朋友卻沒有給我這個機會。

「阿軒，Carla bb搵你呀！」她們不停地喧鬧著。




 
「Hi，乜咁啱呀。」我回應道。要是她們繼續大叫我的名字，想不給陳Sir發現也難。
 
「嘩！你面色咁難睇，又流晒汗，係咪唔舒服？」Carla露出擔心的神色。
 
「無事無事！係天氣太熱，行多幾步都流晒汗。」我伸手抹去額頭的汗水：「我今日趕時間，下次搵你再傾。」
 
轉身準備離開之際，一隻強而有力的手抓住我的肩膀。
 
「想話去個洗手間姐，咁都比我撞到你。」一把熟悉的低沈男聲說。
 
「陳…陳Sir…」
 
「林子軒，諗住走去邊呀？！」
 




被陳Sir捉個正著，無奈下只好留在地理室消磨時間。
 
「劉文傑，夏景昌，你兩條友好野呀！留底我一個，自己就去打機！」我自言自語地說，心裡滿不是味兒。不過我最擔心的是Carla作為Prefect，知道我被罸留堂兼意圖逃走，會有什麼看法。
 
從剛才她帶點失望及鄙視的眼神看來，一定暗自扣了我不少分數。想到這裡，我就頭皮發麻，雙手胡亂地抓著頭髮，髮型都變得凌亂不堪。

在我意志消沉之時，地理室的房門打開。從那抹白色的校服裙，以及天藍色書包上的「超級小黑咪」飾品，不用看樣子都知道是Carla來了。更何況，我自覺沒面目正視她的雙眼。
 
「唉，點解你就唔可以好好哋讀書呢…」她嘆氣道。
 
「你依D優等生係唔會明架啦…」我側頭回答說。
 
下一秒，我又再次被她狠狠地彈額頭。
 
「好呀！就當我唔明，咁你講比我知。」她的語氣明顯很不滿。




 
「咁…咁唔係個個都可以考到好成績，做好學生架嘛…」我稍為抬高頭，偷偷望向Carla。她彷彿是在訓話的班主任，而我就是那位抄功課的壞學生。
 
只見她的眼珠子一轉，然後說道：「咁啦，如果你係嚟緊考試進步四十名，兼且直到學期完結果日都無再記缺點，我就幫你實現一個願望。」
 
「係咪咩願望都得先？！」我連忙跳起身來問道。
 
「能力範圍以內。」說罷，她伸出手指尾，目不轉睛地望著我。
 
「好！一言為定！」勾著她的尾指，我感到身體內有一團火熊熊燃燒…