《果日，我喺FB見到初戀嘅婚紗相》: 傳聞

「校呔事件」發生之後，我便向同學打聽女Prefect的資料。
 
講到人脈廣闊的同學，我第一時間想起阿昌。
 
阿昌是我由小學開始認識的好兄弟，性格外向好動，對朋友很有義氣，所以人緣甚佳。阿昌同時也是學生會的內閣成員，加上相識滿天下，學校的大少事情他都瞭若指掌。
 
我將女Prefect的外貌稍作形容，只消一日，阿昌果真查出許多資料，比想像中的更鉅細無遺。
 
「鄭子琳，英文名Carla，生日係9月15號，4A班，學校Prefect，女子排球隊成員，最鐘意嘅歌手係鄭秀文，最鐘意嘅野食係芝士蛋糕…」電腦室內，阿昌將調查得出的資料向我回報。
 




「等等先，點解你知得咁清楚？唔會係用D犯法途徑…」
 
「屌你，我似係D咁嘅人咩？」
 
「唔似，直頭係。」我第一時間回答。
 
「食屎啦你。」阿昌想用拳頭打向我的腹部，卻被我側身避過。
 
「講下笑，昌哥唔好嬲，話我知你點查到。」
 




「好簡單，睇佢Xanga咪知囉，唔信你自己睇下。」

望向電腦螢幕，正顯示的網頁是一個部落格，左上角可以見到Carla的自拍照，在照片下方有著她的一些個人資料。而網頁右手邊的，是Carla於不同日子寫下的文章，還有她和朋友一起拍的幾張合照。
 
「當然，有D料係我問4A班的朋友攞。記住，你差我一餐飯。」阿昌得意洋洋的說道。
 
「知啦，總之有拖無欠。」搭著阿昌的肩膀，我笑笑說。
 
「死仔，你上個月鋤Dee差我果包野飲，到依家都未比。」阿昌狠狠盯了我一眼，繼而說：「係啦，我仲打聽到一個關於Carla嘅傳聞…」
 




「傳聞？咩傳聞？！」
 
「關於Carla同我哋學校Head Prefect嘅傳聞。我聽學生會嘅師兄講，佢哋兩個最近玩得好埋，仲有人見到Head Prefect上咗Carla屋企…」
 
之後，阿昌還講了很多在校內盛傳一時的事情給我聽。有人見到Carla和Head Prefect單獨在餐廳約會，又有人說Head Prefect在聖誕節送了一只史迪仔布偶給Carla。
 
對於校內的流言蜚語，我一向無感且甚少理會，因為這「小學雞」的玩意多數都是誇張失真，與實情不合。但聽著阿昌「似層層」的說法，心裡泛起了一點酸溜溜的感覺。
 
「你睇，依個就係Head Prefect。」

學校網站的主頁中，標題為「傑出學生選舉」一欄內，有一名男學生與什麼太平紳士的合照。阿昌控制鼠標在男學生身旁打轉，示意他就是Head Prefect。
 
看著相片中那名外型討好，品學兼優的領袖生，相比之下，我只是個成績中等，樣貌平庸的普通學生。這場比賽，彷彿由開始時已分出勝負。
 
「聽講，佢運動成績都唔錯。」阿昌補充道。




 
「夠了，不要再說了。」這是我內心深處的吶喊。
 
果一刻，我覺得自己是零…