夢想穿越Ｇｏｏｄ Ｌｕｃｋ: 第一章 一切由穿越開始
第一章 一切由穿越開始
『輪到下一個死囚選手出場，請7號選手同19號選手準備』旁述員高聲呼叫
「喂！！到你啦」一個拿著酒瓶的男人跟我說到
「吓..........咁...咁..快到我？？？」我說
「係啊！！7號啊麻..你身上咪寫住囉！！」男子
「咁...19號選手係....？？」我問到
「你睇下對面！！」男子
會場的對面門打開了，走進一名大漢
「我....我要同佢打？？？」我說
「當然啦...佢叫薩克古！！應該係我地監獄入邊體型最大嘅死囚。應該有３米左右高度！」男子
「點解...我會遇到啲咁嘅事...」我說
就在這個時候，幾個士兵進來把我強行拖出比賽場地。接著，雙方選手進場的大門也關上
我聽到了無盡的喊聲和歡呼聲，正是場上幾萬個觀聚所發出的。難道..我會死在這個３米巨人的手下？？
「吼！！！」薩克古吼叫
我被叫聲嚇到跌在地上，手上的武器也掉在地上。巨人慢慢地行到我身邊，一腳把我剛剛選的雙劍跌飛了，雙眼睜大看著我
「呼呼...沒意義...的戰鬥...呼呼...」薩克古
巨人舉起了右手拳頭，準備向我揮來...
「點解...點解會咁....我..我唔想死...啊！！！！！！！！早知聽阿仁講啦！！！」
….................................................
…...........................................
….........................
…............
2015年 香港
「卓梓健！！你又話寫本小說俾我睇？？」女生
「諗緊架啦...俾啲時間我...」我說
「如果你可以係呢個星期之內完成...我又覺得好睇嘅，或者我可以考慮俾你做我男朋友」女生
「我無聽錯啊麻！！係咪真架？？？？」我說
夢想..每個人都會有..但在這一個生活壓力這麼大的香港下..許多人..一早已經忘卻了。隨著人愈來愈大..身邊的人都會把心思放在工作和生活上，夢想這個話題...隨著年紀增長...慢慢也會消失在我們之間，但我卻為了夢想，準備經歷一個不可思義的旅程
我的名字叫卓梓健，今年21歲。我很喜歡看一些很有創意的故事.我的夢想就是有朝一日可以擁有自己的一本小說和一套電影，就像『紅van』,『一路向西』『壹獄壹世界』般
現在的我看著高登萬萬千千的網絡小說，再看看自己很多套只寫了開端，就掉著不管的題材。所以..到現在為止，我很多小說也沒有放上網，也沒有分享給人看
但自從我的女神歐陽穎怡跟我說如果我寫到一本驚天地泣鬼神的小說就可以考慮做我的女朋友開始，我人生突然出現了希望之光
歐陽穎怡是以前我讀中學時期的女神。她的樣子有點像前ＴＢＢ新聞主播周嘉儀，雖然香港對周嘉儀本人的印象不是太好，但她卻是在我們班很受歡迎
就在一個平凡的早上，我收到了一個電話。我一看，原來是我的好友阿仁
「阿健！我啱啱收到電話，話King Sir 佢撞左車入左醫院...我地快啲去睇下佢！」阿仁
「咁大鑊，我即刻過黎！！」我說到
King Sir 是我們中學時的中文科老師，雖然是我們的阿Sir，但他的年紀只比我們大一點點，再加上他的教學方式較互動，為人又幽默，另外King Sir還是位作家，寫了幾本書在香港和內地也很受歡迎，所以他很受我們喜愛。就萛畢了業幾年，他和我們幾個同學也有聯繫，我更把他當成是我的偶像
我到了醫院，看見了幾位很久沒見的同學也在探病
看來King Sir還很清醒，沒什麼大礙，大家跟他談了約兩小時後便慢慢開始散去，只剩下我跟阿仁，因為我想King Sir談多一點關於寫作的事情。
「阿健...你係咪真係好想成為一位出色嘅作家？？」King Sir問到
「無錯，我見到King Sir你啲書咁受歡迎，而且入邊啲情節你仲寫好似親身經歷咁，點先可以做到！」我問到
「如果我同你講...我寫嘅故仔..全部我都親身經歷過，你信唔信？？」King Sir
「吓？？點可能？？好多都係天馬行空架啵！！」我驚訝答到
「你夠唔夠膽去經歷？？？」King Sir說
「............................」我說
「可能你唔會相信...呢條頸鏈吊咀係我傳家之寶，帶左上身之後，每晚我發夢就會經歷到一啲不可思義嘅事情」King Sir
「吓...唔係啊麻...King Sir，你咪水我地啵」阿仁也驚訝答到
「仲有，只要我將呢條頸鏈俾其他人帶，佢就會帶果個人穿越到另一個世界」King Sir
「吓....你講真定講笑！！！」我問到
「當然係真...阿健..你夠唔夠膽試下？？」King Sir
「我....試....？？？」我說
「無錯....不過提醒你...你穿越左，未必一定可以返到黎...因為如果你係果個世界有咩冬瓜豆腐，你嘅靈魂有機會返唔到黎」King Sir
「吓！！即係為左拎靈感，搵條命仔去博？？」阿仁說
「所以，先叫你考慮清楚！」King Sir
「咁...King Sir...你每次又可以安全返到黎？？」我問到
「的確...有幾次係好危險...但我最後都無事，所以，我先可以寫得出呢啲故仔，因為有好多野，係要親身經歷過先寫得真！」King Sir
「阿健！我勸你都係打消呢個念頭啦！你返去睇多啲書，抄下呢樣抄下果樣，一樣可以寫到架啫！」阿仁說
「................」我說
「阿健，我唔會逼你，你考慮清楚！」King Sir
「我決定左啦！！！King Sir，借你條吊咀黎啦！！」我說
「喂！！！你唔好亂黎啊！！！我唔想你嘅靈魂永遠返唔到黎！！！」阿仁
「阿仁...我走左果段時間，你就好好睇住我嘅肉體！！麻煩你！！」我說
「唉....」阿仁
King Sir把他身上的吊咀除下，交了給我。我拿上手一看，是一個圓型的頸鏈吊咀，上邊刻著幾個英文字----AGOOS
「 King Sir..呢個英文點解？？」我問道
「當你入到去之後...就會知道，因為，每一個世界，佢都會代表唔同嘅野」 King Sir說
「咁...我將會入去邊一個世界？？」我問到
「呢層我都唔清楚，我每次穿越都會唔同」 King Sir
「好...阿仁！！麻煩晒你啦！！」我說
「..............」阿仁
「為左女神，為左夢想！！我黎啦！！」我說
「阿健，祝你好運，Ｇｏｏｄ Ｌｕｃｋ」King Sir
我把吊咀頸鏈帶到身上，然後捉著了 King Sir的手，奇妙的事情發生了！！
突然眼前只有白光，很刺眼，什麼也看不見，難道我死了？不會是吧。慢慢地，我開始聽到很吵鬧的聲音，但我聽不清楚是什麼，好像...好多好多人在歡呼
白光開始慢慢轉弱，我慢慢睜開眼睛，慢慢看見高處好像有很多人影，再過了半分鐘左右，一個原全不同景象逞現在我的面前
這個地方，我完全沒有來過。比我的感覺就像一個大球場。我往上一看，這建築物像有三四十層坐位，每一層都坐滿著人，都在呼叫著
但我仔細再一看，這會場的中心點，沒有看見任何球員在比賽，也沒有看見歌星在唱歌，我看見的是.....
兩個人正準備格鬥.....
而我所在的位置，不是在觀眾席上，而是被困在籠裡....而這籠裡，不止我一個人...
『第一場希望之戰準備展開！！！』某人高聲呼叫
希....希望之戰？？？