狼人遊戲: 第四章 銀子彈
狼人遊戲第四章:銀子彈
我的腦海中充滿了無數的疑惑和不安,這時手機又響了,原來是小柔致電給我,我接了電話,
「你有冇收到短信啊?」小柔緊張地問
「有啊...雖然我唔知啲短信係真定假…但唔知點解我有啲不詳預感...」
「咁你會唔會返去中學啊?」
「暫時唔好輕舉莽動住會好啲,我怕去到會有咩危險!」
「咁好啦!我都唔去喇,你都打俾阿風叫佢唔好去喇」
「好!我而家就打俾佢!」
接著我立即致電阿風
「阿風,你係邊呀?」
阿風意識模糊地說「大佬…尋晚出左去老蘭浦…好累啊…有咩陣間先講啦…」
看來阿風正在睡覺
我說「你有無收到果啲短信?」
「咩..短..信?果啲無聊短…信你唔係當真下化?我…先廢向左走向右走事理佢!」
「好啦,咁你慢慢訓,有咩打俾我啦!」
「得…啦…!bye勁bye」
我掛了電話,心想...我的預感千萬不要是真的...手機忽然震了一下,看看時鐘剛好是八時正!難道...又來了嗎?我看看我的手機....
狼人殺戮已結束,今次的死者是12號玩家「瀨屎」,其身份是「丘比特」,死者可以有2分鐘時間發表遺言,村民可在早上10:00前進行投票,把被認為的狼人處死.
瀨...屎...?
「哈哈!我角色係丘比特!大家估下我投左邊兩個做情侶?」我還記得瀨屎曾發出這條短信...難道!?
我二話不說立刻致電給瀨屎.... 瀨屎你一定要沒事啊....
「喂!瀨屎!你無事啊嘛?短信話你要死!」
「哈哈!呢啲咁嘅野你都信嘅!我而家仲係度睇梗香港早晨!」
「嚇死我...好在你無事...咁你揀左邊兩個人做情侶?」
「哈哈!唔話你知...你估下! 」
「好啦好啦!你唔講算啦,咁你小心啲喇!」
「哈哈!小心啲咩姐,都....話....我......啊...啊...啊... 」
「瀨屎!發生咩事啊?」
「啊...啊....好..辛...苦...啊....」
「你唔好嚇我啊!」
「救....命......啊......」
「瀨屎! 」
....................
接著我聽到的只是他母親在不停叫著他的名字…不會是真的吧?我立刻換了衣服趕去瀨屎的家中看看究竟發生什麼事,不竟瀨屎家離我不遠,我十五分鐘車程便能到達了。
當我到了瀨屎的家門前,看見的是一輛救護車,醫護人員正抬著一具屍體,瀨屎的家人不停地對著屍體痛哭,
我慢慢地走過去一看...看見的正是瀨屎的屍體.全身冰凍,一點血色也沒有.像是死了很久似的,
皮膚都是乾涸的,令我很自然想到...這真的是狼被人吸乾了血?我垂下頭跪在地上,眼淚也不停地流出來,
我是不是在造夢?是的話真想立刻醒過來...但很遺憾...這發生在我的眼前的一切正是我不想去面對的事實....
我把瀨屎的死訊通知了其他人,所有人也不敢相信,分分致電瀨屎家裡問過究竟,火山建議大家現在出來,一起商討一下事情,畢竟短信的內容真的應驗了,大家也決定早上09:30前一起到九記中學相討!
我看一看手錶,現在是上午09:26,我和小柔,阿風,一起來到了學校的門前,九記中學已經荒廢了兩年多,原著圍網生長的植物亦因為沒人修葺變得又密又高,完全看不到學校裡的情況,看到此境不禁有一重寒慄的感覺....
看來所有人都到齊了,連最為膽小的小君也跟她的好友栗子一起到來,
栗子-肥龍的前度女友,為人內向,喜歡看少女漫畫.對愛情充滿憧憬.據說後來因和自吹自擂的肥龍性格不合,所以分手收場...但有傳聞是因為栗子喜歡上另一位男生...所以他們每次互相見面都會有一點尷尬.
「大家對今日發生嘅事有咩野睇法?」火山先開口問道
似乎大家都接受不了瀨屎的死,每個人也一言不發。
「天佑,聽講係你最後一個同瀨屎通電話嘅人,你果時有無發現啲咩野?」火山
我將事情一五一十地說了出來...大家都聽到目定口呆,不敢相信這到底是不是現實。
「咁究竟你地人群中嘅狼人...尋晚有無出來進行投票?」火山繼續問
大家都保持沉默...其實這問題根本是廢話中的廢話,如果真的有投票,這個時候也不會有什麼表態吧!
這時人群中突然有一人舉手,那人正是阿誠
阿誠-Bosco的死黨,讀書時已經十分討人厭,為人貪生怕死,經常因為小小利益而出賣別人.如果不是因為Bosco,我們也不想叫他出來聚會,
阿誠「大家聽我講!今日發生左呢啲事大家都唔想...但係大家諗下...係邊一個人導致到今日嘅事件發生」
大家想了一想,好像有所覺悟...目光慢慢開始注視一個人-----肥龍。
「喂...喂...你咁講咩意思呀?!」肥龍不知所措地問道
「我意思就係,如果唔係你拎副牌出黎玩,我地而家洗攪到咁?你一定係副牌落左啲咩野降頭,所以先攪成咁!」
肥龍「副...牌...我都係就咁拎出黎.....我...我...真係唔..知會攪到咁...」
阿誠「你呃人!冇圖冇真相!係你叫我地去地下室,又話咩咩咩員工叫你,跟本無人見到!你快啲同我地講點樣可以停止呢個GAME」
見情況不妙我立刻幫口「阿誠!你無証無據唔好亂話人,可能肥龍真係咩都唔知!」
「冇錯喇!肥龍佢個人冇乜野!只係勁肥同勁自大!但我絕對唔向左走向右走信佢會害大家!阿誠你條亞太區有一天成為亞太區佳唔好係度屈人!」阿風也幫口
阿誠「佢會咩都唔知?死肥龍,以前係學校見你傻下傻下亂講野啫,估唔到你今日玩啲咁嘅野,仲攪出人命添!」
「我真係唔知架,我都係好奇先偷佢出黎喳...我連裡邊係有啲乜野都唔知..」我從未見過如此激動的肥龍。
「你快啲講有咩方法可以停止,如果唔係我地所有人都投票處死你,睇下你係咪真係會死!」阿誠怒道
我「夠喇阿誠!唔好再拎人命黎玩!」
Bosco也開始激動說「阿誠就講得啱喇!肥龍你知道啲咩咪講出黎囉!」
火山也開始激動起來「而家真係有人死左喇!肥龍你快啲停止個GAME啦,最多我教你點先可以冇哂啲暗瘡喇!」
被阿誠煽動後…大部份人都情緒激動..所有槍頭紛紛指向肥龍...
阿誠「你真係唔講啊嘛?好!我而家就投你一票!睇下係咪真係咁堅!」
肥龍「唔好啊!」
咇的一聲...阿誠按下手機短信,投了5號玩家肥龍...Bosco也按了一下手機,
Bosco「係你自己攪出黎,唔關我地事!」
這時手機震了一下..我打開手機一看短信...這時手機的時間是10:00
「5號玩家肥龍被村民投予了最多的票數,被受予火灸之刑。
以下為投5號(肥龍)的玩家:
2號玩家(阿誠) 14號玩家(Bosco)
現在公怖5號玩家肥龍的身份為「獵人」」
‧獵人效果為當獵人在死亡時，他可以射出一粒子彈（就是找人陪葬）
5號玩家肥龍可以有5分鐘的時間去發表遺言和選擇射殺的目標玩家
肥龍激動得落下男兒淚來,怒道「阿誠!你條Hi Hi!我有咩對你唔住?!點解要咁對我?!我只不過係拎副牌俾大家玩...點..解...啊..啊...啊?」
此時,肥龍感覺到好痛苦的樣子...像是全身開始慢慢發熱...情緒已經完全失控...我們所有人都眼睜睜地看著肥龍...
難道...這就是火灸之刑?我們就這樣看著他被活活燒死嗎?
肥龍「阿誠....你要我死...我要搵你陪葬!我要用我獵人的身份射殺你!」
阿誠「肥....肥...龍....唔好啊....我...我...真係唔知會攪到咁...我只係想個遊戲快啲完結...我...我無心架...Bosco都有份投你票架... 」
「阿誠!你係咪咁講野啊?!」Bosco怒道
肥龍「去死啦!阿誠!」
阿誠「停手啊!你唔好殺我啊!你殺Bosco啦!係..佢..佢...當年攪到你同栗子分手架!」
什麼...這究竟是什麼回事.....
Bosco「關我咩事啊?!阿誠!你唔好亂講野啊!」
阿誠「唔信你問下栗子!佢當年同左栗子上床架!你問下佢啦!」
肥龍「栗...子....阿誠講係咪真架.... 」
栗子此時已經哭成淚人...
栗子「對唔住肥龍...係我對你唔住...我唔應該同Bosco....對唔住....」
「栗子...點解...點解會係咁....Bosco!我要你對當年做嘅野負上責任!」肥龍憤怒地說
Bosco「停手啊!你聽我解釋啦!」
肥龍「去!死!啦!」
突然我們所有人的手機發出砰的一聲!
滴...滴...滴....Bosco身上不停地滴出鮮血....接住一句話也沒說,倒在地上了....
同時手機收到了短信:14號玩家Bosco被獵人槍殺,其身份為”村民”
此時,肥龍感覺到好痛苦的樣子...像是全身開始慢慢發熱...情緒已經完全失控...我們所有人都眼睜睜地看著肥龍...
難道我們就這樣看著他被活活燒死嗎?
肥龍的全身突然著火!拼命地在地上打滾!
阿風「今次真係碌Seven大過菠蘿蓋喇!你地班蛋散仲碌葛咁企係度睇!快啲去搵水啦!」
火山,阿風等人都跑出去找尋水源...但很可惜...看來已經來不及了....
肥龍痛苦地說「栗子...你知唔知我真係好愛你...到而家...都仲係...永遠都係....啊!」
栗子「對唔住...我真係好對唔住你...我低擋唔住Bosco嘅甜言蜜語...」
時間一分一秒地過去...我們所有人就眼白白地看著肥龍這樣活生生地燒死了....但卻無能為力...