《許怨遲》: 4-21:補償比大家嘅一堆字(下)

喊左好撚耐，喊到乾晒先肯?。「今日就到呢到先啦，我地都攰啦，剩低果4個聽日再做啦。」我驚mono頂唔順，提出左呢個方案。「嗯，我同你都攰啦，番去啦。」我地唔知搞左幾多粒鐘，終於可以?一下啦。我地番番去二代目世界，番番去我同mono嘅愛窩。
「mono，你覺得點？」「我覺得⋯⋯可以再入多少少。」「咁而家呢？」「嗯⋯⋯差唔多啦。」我地其實喺到傾緊張床放喺邊，話晒我都係住喺呢間屋入面㗎，唔通下下都瞓廳咁撚on9咩？mono間房咁大，放多兩張床都仲得呀。「其實⋯⋯我覺得唔洗買多張床，同我孖鋪咪得囉。」我又見番平時嘅mono啦，呢個先係我所愛嘅佢㗎嘛。嗱嗱嗱，我冇話唔愛認真嘅佢呀，我只係比較愛咁樣嘅佢，只要係mono我就會愛，頂，我自己都feel到骨痺。「你咁靚，我驚我忍唔住⋯⋯」「你食左蜜糖呀？」「你個樣甜d。」呢個世界上所有女人都係要取悅一下㗎，無論係幾冇感情都好，氹一下一定會開心。「瞓啦傻佬。」佢個甜樣甜到真係⋯⋯離遠5尺都聞到，所以話氹女朋友係必要㗎。「你都瞓啦傻婆，早?。」我好快就合埋左眼瞓着左，但係其實我feel到，幸福嘅日子就到尾聲。
22.我打開眼，睇左一下手機：「mono send you a voice message。」我已經知道唔多妙啦。「命⋯⋯對唔住⋯⋯我唔想你死⋯⋯我自己一個去左七罪嘅房間繼續做任務，我知道一個人做做完嘅物品可以共享，所以⋯⋯」點解⋯⋯「我⋯⋯」點解⋯⋯「⋯⋯」點解呀！！！！！！！！！！！「願下世能夠再一次遇上你。我愛你。」隨住錄音嘅終結，我開始發狂，甚至喊左出黎。我跪左喺地下。「mono⋯⋯點解你要咁傻⋯⋯如果當初我有反應到呢樣野⋯⋯我一定會⋯⋯」我嘅眼淚滴左上佢本日記嘅其中一頁，滴左喺果本一直放喺床頭嘅日記到。
「x月xx日 命話要做七罪嘅任務，我其實唔想做⋯⋯因為⋯⋯畢竟都係自己曾經犯過嘅錯，冇理由令自己回想番而前嘅事。其實我知道㗎，我知道呢個任務好危險，不過如果可以令到命開心嘅話，可以令佢幸福嘅話，我願意冒呢個險，我決定喺休息嘅時候扮瞓，然後再⋯⋯自己一個去做番淨低果d。我相信命一定會睇到呢篇日記㗎，所以我唔打算講佢隻錶喺邊，如果唔係佢就會黎搵我。不過，我可以比少少提示嘅：『能提取溫暖以後渡嚴寒 就關起那間房』『想到邂逅和他單一眼』最後，能夠同你相遇真係太好啦，命，我愛你。」mono⋯⋯點解你要⋯⋯比我一個人⋯⋯我真係唔想⋯⋯唔想再失去任何野。係你救左我，係你一開始幫我減痛，係你一開始信任我，所以，而家就到我救你啦。我開始諗：「那間房」究竟係邊間房？我個腦突然有少少痛，之後大概就係，我記番起一樣重要野：我係一代目嘅王黎㗎！
「『王只可以係一個人，你殺左我啦，命。
』mono叫我殺左佢。『冇可能！！我落唔到手！！如果要我殺你，咁不如一齊死，不能同年同月同日生，但願同年同月同日死。』最後我地選擇左徇情，將呢個on9遊戲終結。我地決定一齊飲毒藥自殺。佢同我kiss左一下，但係唔知點解佢抹左下嘴，再飲毒藥。『命，呢世我冇為你做過d咩，下世我再報答你，願能再次相遇⋯⋯』mono噴左一堆血出黎，之後佢就冇再打開眼。『多謝你，下世再見。』我合埋眼等死。1秒⋯⋯2秒⋯⋯3秒⋯⋯1分鐘⋯⋯2分鐘⋯⋯點解？我冇事？？我好驚訝咁打開眼。因為我收到個ms：『恭喜你已經成為王，統治世界啦，人民嘅王。』mono嘅衫袖上面有少少白色粉末，我聞左一下，我就明白點解我會冇死到。『唔怪之得你要抹嘴！！你將解藥搽喺嘴脣到同我kiss，之後再抹去解藥，等到我飲嘅時候順便沖埋d解藥入去！』我個心⋯⋯好痛⋯⋯好似要裂開一樣，我開始?唔到氣，我再一次跪喺地下痛哭。『唔得，我唔可以冇左你，我要去二代目，去二代目救你，等我呀！』我打開左通往二代目嘅大門⋯⋯」
to be continued⋯⋯