《許怨遲》: 1.開端

第一章會長d，之後嘅會縮番短，因為第一章係比較悶嘅。
1.「夠啦！我覺得你唔適合我，分手啦。」「唔好呀！我錯，我錯，你比多次機會我啦！求下你！如心！」我同我嘅女朋友⋯⋯唔係，係前女朋友許如心喺某個外國神社嘅許願池前面糾纏緊，嚴格黎講，係我纏住佢姐。「人地周柏豪都知道『無力挽回要懂得放手』啦，你唔好咁啦。」佢由港女態度轉左做安慰我嘅態度。「我⋯⋯我⋯⋯我唔可以冇左你㗎，求下你，唔好離開我！」我一時之間諗唔到講咩，只係吐出左一句咁嘅說話，而如心都冇比咩回應我，直接轉身走左。我跪喺地上，望着個許願池發呆。「咇咇咇咇」手機鬧鐘響左。我打開眼望住個mon，「係喎，我失左戀唔洗咁早起身陪女朋友食早餐，哈⋯⋯哈⋯⋯」自從果日，我每日瞓覺果陣都係出現呢個畫面，冇錯，係分手果個畫面。而每朝我第一件事就係打比如心，但係，每次都冇人聽。
我叫楊命，係個自細就好X黑仔嘅雙失人士，失咩？仲洗問？失業同失戀囉。講番個名先，個名咁中二，應該有人估到係比個風水佬改㗎啦。個爛鬼風水佬話我係勉強生到嘅bb，將來條命唔係好好，再加上我家族姓楊，所以會好似碌木咁咁q長壽，即係話，我係黑足成世，要改名為「命」先有機會逆轉命運。但係個風水佬fake9晒我地，我生命中係冇出現過好事，係冇呀，我頂，24歲都黎啦，我嘅生活仍然係「一盅兩件」，一日最少有兩件黑到hihi嘅事，有一個女朋友已經係我人生中最好嘅事。但係而家連女朋友都冇埋，我真心咁想講一句：「屌你老母冚家鏟你家陣係咪挽鳩我」有句說話講得真係好啱—「生活就像強姦」「仆街，就9點，要見工呀屌！」我即刻彈左起身換衫，5分鐘rush出去。
2.估唔到喺見工嘅路上發生嘅事就係我一生嘅轉折點，我嘅人生⋯⋯因為呢件事開始變得複雜。
我8點幾出門口飛奔落樓下搭車，我想講嘅就係：「屌你好撚多人」於是就過左對面馬路截的士。我企左喺到等⋯⋯一直等⋯⋯等⋯⋯等⋯⋯要遲到啦！不過得番20分鐘，去地鐵站搭車係唔夠嘅，我唯有繼續喺到硬膠膠咁等啦。
突然有個啡色頭髮，身型細小嘅女仔跑過黎，之後佢再跑去對面馬路。過馬路果陣，佢喺半路跌低左，之後又咁啱有架車黎左，仲要係貨車，所以貨車司機係睇唔到佢嘅。講起就一把火，我見到對面馬路d人喺到食花生，有d仲喺到影相，我心諗：頂你影遺照咩，仲唔幫拖？見到個個人都係咁，我唯有做個英雄救一救美。相信有好多人都會以為我會衝出去抱起佢跑番黎，錯，我冇咁做，因為時間唔夠我跪低抱起佢。我衝左出去條馬路到，大字形咁企喺到叫佢停車，個司機差d反應唔到車死我，好彩我有主角光環死唔去，個司機差d撞到我嘅時候黎左個「魯芬急轉彎」鏟左上行人路，好事就係行人路冇人，如果唔係我就係千古罪人。我轉身扶起佢，好老套咁問左佢一聲「大丈夫（無事丫嘛）？」呢d咁L老套嘅劇情令我懷疑自己睇緊tbb。我估唔到佢唔係答指定答案，佢同我講：「你信唔信平行時空？」佢呢句野好成功咁嚇窒左我。「嗯⋯⋯少少啦，唔可以話完全相信嘅。」出自於禮貌上我唯有答佢，之後佢望住我點左一下頭就走左。睇真d佢都幾靚，j得過呀。我睇左一下錶，心諗，真係要遲到啦。我終於截到架的士，搭車去公司。
去到間公司啱啱好時間，真係嚇q死我。一入部lift果下見到好L老套嘅劇情，我又見番個啡髮。「hi。」佢同我講「應該講初次定二次呢？唔理啦，總之又見面啦。我叫莫奈，你可以叫我mono，我係呢間公司嘅老闆。」「下？！？！？！？！」我嗌左出黎「sorry我失禮左，我叫楊命，你可以叫我joe或者叫我命。」「啱啱真係多謝你救左我，同埋好對唔住我咁冇禮貌。」「唔緊要。」我心諗，兩個人黎㗎？咁大分別嘅？！「我唔知點報答你好喎」佢微笑住同我講「不如⋯⋯以身相許？」我聽到呢句果陣真係呆左一呆，成塊面紅晒。「講笑咋，你真係好好挽。係呢，你黎見工呀？」「係呀，你可唔可以教我點去人事部？」我問番佢。佢同我講：「唔洗咁煩啦，我同你面試未得囉，反正我都好耐冇親自出手，你跟我黎我間房啦。」於是我就跟mono入房。
待續⋯⋯