【陪我玩一次會死人的KILLER好嗎?】: 22. 特點

眾人的眼光和壓力都落在面色陰睛不定的陳威隆身上，我感覺阿恩的手開始變冷，神情變得有點空洞。而一旁的文山楓則手慢慢朝腰部藏刀的位置摸去，我相信如果陳威隆一有甚麼奇怪的動作，文山楓肯定就會毫不猶豫地撲上去。 陳威隆一直低下頭，不敢和我們對視，只見他忽然抬頭瞧一瞧周圍的人，然後把聲音壓得更低一點，低得連賈凱賢等人也聽不到，才緩緩吐出幾個字：「後生仔，話你地唔夠歷練就真係唔夠歷練。」 如果給閻白海聽到，他肯定就爆發出來，然後就跟陳威隆撕殺起來了，但我們跟他不同。我向他們倆打個眼色，示意他們別動聲色，且看他想玩甚麼把戲。 「你估我真係所謂既隊長？」我們面前的中年人彷彿帶上了面具般，面色一瞬間由陰睛不定變得極其難看。他也沒有正視我們，我聽得出他的語氣中帶點失落。 「你話呢班人如果狼死起上黎我可唔可以壓制得住佢地？如果你地肯留心聽哂我遇到呢班人既過程，你地就會知道根本呢隊人就各懷鬼胎，我呢個所謂既隊長根本係半逼半就而做既。」說罷又緊張地看看四周。 「REX好明顯係有啲目的既，由佢既淡定我睇得出呢個人既背景絕不簡單；瘦鬼楊皓湘個腦就有問題既，發起癲上黎真係咩都做得出； 個個賈凱賢呢就刷鞋仔加牆頭草黎，一味只係識附和人，我敢打賭，係關鍵既時候佢肯定會賣隊友黎換返自己條狗命！到最後張言斌，佢係最後先加入我地，呢個人一路上都好少講野，而我地都唔敢同佢有咩接觸。因為我地曾經見識佢既殘忍同力量。」