《相交的平行線》: 第二十二話
「壓到她的不是重，而是生命中不能承受之輕。」──生命中不能承受的輕
「爸，媽。」 我們停下來之後妳驚慌的道。
「呢個就係你所講嘅男朋友？」 淇淇的母親審視著我說。
「係…係呀。」 妳低下頭細聲的說。
「係呀，伯母你好，我叫呀單。」 我嘗試幫淇淇解局。
「嗯。」 淇淇母親一臉不屑的看一看我。
「你記唔記得我講過啲咩？」 她續道。
「記得。」
「記得就得啦，我番屋企先同你計。」 說罷，他們便頭也不回的向著停車場方向去了。然而，緊緊被妳抓著的手還未放開，看來妳的父母真的給妳很大的壓力。
「好啦，淇淇公主，佢地走左啦，唔駛咁緊張啦。」我摸一摸妳的頭。
「呀，對唔住呀，痛唔痛呀？」
「唔痛，妳冇事嘛？」
「我…有事呀。」
「點呀，莫非妳又想食甜品？」
「嘻嘻，係呀。」
然後，我們便到了一間糖水舖去，嘗試以甜品開解妳的心情。但情況比我想像還要天嚴重。
「唔該，我想要朱古力棉花冰，楊支甘露，芝麻餬，糖不甩同埋香蕉船。」
「小姐，你仲有朋友嚟緊？」 侍應忍不著問了一問。
「唔係呀，得我地兩個咋。」
「okay，冇問題。」他迅速就失去了蹤影，一張單輕輕飄落。
「公主大人，妳食得哂啲野嗎？」
「梗係食唔哂啦。」
「咁妳又叫咁多？」
「咁我樣樣都想食呀嘛，係咪有問題呀？你唔係唔陪我食呀？」 妳扁嘴的說，我每次也敗給妳這個樣子。
「好好，冇問題冇問題，我陪你。」
「都係福爾摩單對我最好，嘻嘻。」
「又變福爾摩單啦而家？」
「係呀，唔得呀？」
「得得得。」
然後，妳所點的餐已經逐個來到，看著妳看著甜品的樣子，像是個小孩子一樣。看到妳，便會萌生出憐愛之情，令人想保護你的感覺。然而，妳拿著匙羹展開妳的解慰時間。看到妳唇舌一下一下的活動著，凝重的臉容一下一下的減退，我亦開始葬身於這甜品地獄。
「咁妳係時候講我知發生咩事啦喎。」
「你估唔到咩福爾摩單？」
「估到少少，但我想知妳同屋企人有咩協議？」
「已經知到呢個地步啦，果然係福爾摩單呀，嘻嘻。以前我地爸、媽、家姐同我住埋一齊，生活雖然草根，但亦都過著相親相愛嘅時光。我父親一向都係嚴肅，但又帶啲斯文嘅樣，而我母親就大方溫柔持家有道。為左培養我地，雖然屋企規矩多多，但我都算係過著幸福嘅生活。六年前，父親嘅生意開始擴展，佢當然把握呢個能夠改變我屋企狀況嘅機會，自此雙親就開始埋頭咁做。我屋企狀況雖然好左，但當你想得到一樣嘅時候，你必須捨棄另一樣嘢。而我雙親所捨棄嘅就係屋企嘅和睦。父母親每一日都早出晚歸，而我家姐亦因為感情而一樣。雙親同家姐經常為左少少事就嘈，直至有一日，父母知道家姐為左男朋友而早出晚歸，就要求佢分手專心學業，我家姐一怒之下就離家出走。」妳熱淚盈眶的說著。
「家姐跟父母嘈完之後，我父母將對佢嘅期望同要求，都放埋係我身上，希望我唔會步家姐嘅後塵。無幾耐，父親嘅生意有海外拓展嘅機會，佢地就搬左出香港打理生意，所以我就自己一個人住啦。」 妳續道。
「咁妳唔叫番妳家姐返嚟住？」
「我問過呀，佢話而家過得好好，所以唔會返嚟，費是父母突然返嚟而又嘈過。不過佢話過有咩可以打俾佢，佢會第一時間過嚟搵我。」
「嗯，明白。你唔鐘意自己只係對住屋企四面牆嘅感覺，所以成日過嚟黐餐，係想懷念昔日嘅屋企，仲有妳同屋企人應該係約定入大學之前唔準拍拖。」
「真係完全俾你看透我啦。」
「嘻，只係推論出嚟姐。」
我在想，有什麼可以幫到妳呢？嚴苛的家庭，能夠待在那兒已經不易，更不用說爭取自己所想的。這般禁斷的愛，好比Romeo and Juliet的家庭還境，能拋開一切去愛是浪漫的，但不是我所喜的。難怪妳會喜歡生命中不能承受的輕，因為書中所描述的跟妳境況有點像，壓到妳的不是重，而是生命中不能承受之輕。生命中無形的規限，倫理才是壓到妳的主因。
2014年9 月28日
當日，香港發生了史無前例的大規模佔領運動。歷時兩個多月的佔領運動，除了見證了香港人的覺醒與追求外，也見證了我們相愛的決心。像是我們這般喜愛看米蘭昆德拉的人，一定會對社會、政治和哲學存在著意見。因為，沒有意見的人根本不會看米蘭昆德拉，尤其是生命中不能承愛的輕這本書，這本書有很大部分講述政治、媚俗還有輕與重的思想，而我們當日來到金鐘聲援一班大專生及聲討政府所有的不是。
「單，估唔到只有我地係呢到。」
「冇辦法啦，睇左米蘭昆德拉嘅書就覺得唔可以唔理。雖然都係認為台上嘅所謂民主代議好媚俗，但總覺得我地唔能夠犬儒咁接受一切，香港係我們嘅，我地要改變自己睇唔過眼嘅事。又有如村上春樹所講，無論高牆是多麼正確，雞蛋是多麼地錯誤，我永遠站在雞蛋這邊。」
「懶惰嘅背後竟然咁有咁嘅想法，真係冇諗到。」
「唔好咩？」
「唔係，我愈來愈鐘意。」 妳搖搖頭的說。
我牽著你的手，站在海富中心之前，看著所有人的神態。然而卻對妳說，
「拖實我隻手，我有啲唔好嘅預感，唔好離我太遠。」 然後我們便沿著夏愨道向添美道方向去看，有示威者衝出馬路及佔領了多條行車線。之後，我們與其他人看準時機，衝出了干諾道中，並向中環方向行去。
突然間，前方煙霧瀰漫，還有前方聚集的人反方向向我們的方向走過來，當中更夾雜多個爆炸聲。
「做咩事呀？」 妳突然問。
「淇淇，妳有冇手巾？」
「有呀，做咩？」
我立時用背囊裡的水倒濕了手巾，然後給淇淇。
「揸住，掩著口鼻同眼，盡量用口呼叫。」 說畢，我便拉著妳向煙的相反方向跑走。可是，黃煙來得很快，我便被那煙嗆了眼晴，所以我便突然停下來了，我及時的用淚水沖掉那刺激物質，然後強行睜開雙目走回海富中心外休息。
「淇淇，妳有冇事呀？有冇邊度痛？」
「冇呀，你睇下你，顧好自己先啦，雙眼紅哂啦。」
「嗯，幫我用水沖對眼就冇事嫁啦。」
然而，我睜大雙眼給淇淇把水倒在眼裡。沖洗之後，已經沒那麼刺激的痛。但還是有點不適，所以我合埋眼休息著。突然，我感到有人坐在我身旁，撓著我的手，頭挨在我肩膀上。
「呀單，好驚呀我，但係你係身邊總會覺得安心。」 妳說。
我沒有回應，只是靜靜的休息著。
「而家我地點呀？」 妳再問。
「我會留係度，你會唔會跟著我？」 我睜開眼睛望著妳。
「我會，因為我都認為有責任要留守。」
我看一看天，夜空已經掛上。然而，電話的whatsapp 突然響起，我們的手機有很多未讀的訊息，但當中都是由不同人發出的同一訊息。盡是說了警察已經發射催淚彈及使用橡膠子彈，我見妳想把訊息再轉發出去，而我阻止了妳，不要轉發未經證實的訊息出去，不要幫助散播恐慌，因為妳的訊息有影響力。
「咁我地而家要點做？」 妳問。
「搵口罩眼罩，保護自己。」 我觀察著前方的景況，催淚氣體看來有散去的跡象，所以我們便回到馬路上繼續佔領。