《相交的平行線》: 第一話

唔知你仲記唔記得好多人話過，我地嘅性格就好似平行線一樣，永遠唔會有交點，但係其他人又點會知道其實根據黎曼幾何(Riemannian geometry)，平行線係球體上面係會彼此相交的。正如我地呢兩條本來毫無瓜葛嘅平行線將會因為一個偶爾嘅機會，由一個球體協助下而得以相交。

「喂，柒頭，星期五入唔入camp啊，聽講好多囡囡架。」高佬搭一搭我膊頭。

高佬係我老死，人如其名，身高有成6尺幾，籃球隊隊長，不知幾多囡囡鐘意佢。但係佢偏偏就群埋我地呢班毒撚度一齊玩，話咩咁先可以體現佢嘅真性情喎，我地呢啲真毒通常叫呢類人做──偽毒。

「唔啦，呢個weekend有嘢做啊，暑期功課未做完啊。」

「收皮啦，功課使鬼做嘅咩，開學嗰日返學抄咪得囉。」肥仔一面囂張咁講。





呢個咁串嘴嘅死肥仔都係我嘅死黨之一，又係學校的籃球隊，而且一樣人如其名，肥頭耷耳。佢近排話要脫毒喎，但講咩脫毒呀，明明只係想有囡囡之嘛。

但同佢地Fd都只係因為我地住得近。

「冇計啦，而家都就8月啦，再唔搞就做唔切啦。」

 「到時搞掂咪借你抄囉！今次camp呀，全級最靚個4朵級花都去呀，你知我想追裡面嘅呀喬嫁。同我地一齊去啦，你仲可以近距離見到女神淇淇呢。」
 
「係囉，你都知我脫緊毒嫁，我都想知以我嘅功力，可唔可以連女神都落係我手上。」
 




「收皮啦！」
「收皮啦！」
 
 
「但係始終女神都只可以遠觀而不可褻玩焉，仲要好似肥仔幻想咁玩弄於股掌之間，冇番10個鐘頭去訓都做唔到呀。」
 
「唔係喎，你諗下，當我過左個camp 追到呀喬就咩事都有可能啦。黎啦，你都唔想我好似你咁啦。」 高佬扯著我隻手。
 
「妖！你條死Gay佬好放手啦。」
 




當然我知道，法官大人，有得屌死人都要屌，但又係咪真係有機會……？
 
 
就係咁，我俾個兩條hihi說左去學校嘅無聊夏令營。至少當時嘅我，的確係咁諗。豈料，我會真係與妳認識，並且同妳這條平行線第一次相交。
 
 
 
2014年8月1日 上午11時
 
因為集合時間係12點，所以我地約左11點等，順便食埋個晏。
 
 
到左荃灣站A出口，就見到高佬企左係出口，正因為佢咁Q高，搵佢真係好方便。一如以住，肥仔佢仲未見人。
 
 




「呀單，我地搵野食先啦，都係唔好等佢啦。」高佬一臉不滿話。
 
無錯，我就係呀單，都唔知係咪前世做左啲咩，老豆老母改我個名叫呀單，搞到的十幾年黎都係單身一個，果然係唔怕生壞命，最怕改壞名。而肥仔呢，佢每一次都係遲到。係「每一次」！所以我地都係食住等。
 
「咁照舊飯堂啦，唔好諗咁多啦，廢事陣間遲到。」
 
我地就去左街市街嘅名人飯堂—牡丹樓。過了半刻鐘，肥仔先斯斯然，頂著頂捧球帽，加副機師Ray-ban，登台咁的行入黎。
 
「大哥，你都幾早嫁喎。」 高佬不屑咁話。
         
「Sor 囉，晏左起身嘛。」
         
「都叫你咪打咁多飛機啦。」我說。
         
「係撚呀，執野執夜左咋，雖然話今日會見到女神姐姐，我都要留番啲精力今晚沖定涼，擦定牙，擎乾水好好服待佢地嫁嘛。」




 
「仲要著到登台咁喎…」
 
「梗係要啦，呀單你諗下，我地有成個月冇見過女神，呢次一出場，一定要隆重咁華麗登場，先至可以震撼到女神嘅心，正所謂出奇制勝勝於奇嘛。」 肥仔托一托副太陽眼鏡。
 
「咁你要出奇，你唔著到熊本熊咁去，仲可以攞正牌咁抽水啦，反正你身材又似喎，可能女神鍾意熊本熊呢。」 我說。
 
「潮流呢味野你識條鐵咩！」
         
 「發夢就早啲訓啦。」
 
番到學校，雖然仲係暑假，但都已經有幾十個人係操場熱熱鬧鬧咁。被圍係中間的圓心就是自然係我們嘅4朵級花──淇淇，J me，呀喬同Pinky。每當她們四個一聚，周圍一定圍著一班人。
 
講講她們四個－
 




淇淇，性格外向，朋友多，嗜好多，當然兵仔都多。女童軍隊長，再帶有允兒的外表，黑長直的頭髮，是很多男生的夢中情人。今天穿上純白色長裙，背向太陽，好像令她散發著光芒。
 
J me 是四人中身材最好的。有著全香港男人夢想的 36D-24-36（後來才知道）。平常用毛衣藏著，但今天天氣很熱，她只穿了一件白色T-shirt，配上熱褲，好像跟所有人說自己的名字－J me吧。拜倒石榴裙下的不計其數，猶如翻版的少時Sunny。
 
呀喬有著很多女生都夢寐以求的42串長腿，並有著清新脱俗的外貌，同年級的人都公認她像少時的秀英，亦係高佬千方百計想追的女仔。
 
Pinky 佢單靠著俞利的臉孔，甜美的笑容已經可以吸引很多男生，但一說話的她，側漏的傻氣足以掩蓋女神的形象，瞬間就能俘虜不少男生。
 
正因為妳們是女神級的人物，身旁總會有著不少小兵為了吸引女神的注意而服兵役。而妳這公主般的風頭人物，與我這毒撚，就好像一對平行線，永遠也不會相遇，亦不應該相遇。可笑的是，那個球體正把我們逐漸拉近……。
 
我們到達營地放好行李後，主持人集合了我們說
 
「係未來個三日，你地都會地分成三組，而今次分組嘅方式就係抽籤。袋入面有三種顏色嘅波子，分別係紅藍綠，每個人出黎抽完之後就俾我們記錄番。然後大家保存著粒波子，完左成個camp再還番俾我地。」
 
呢次抽籤仲緊張過出去攞成績表，希望可以同高佬或者係肥仔一組，等呢三日有個伴，如果唔係我就要孤獨三日啦。




 
第一個上去抽的是淇淇，她上前抽了，主持人看之後就在白板上面，紅組的一個column寫下淇淇的名字。然後是J me，她抽到的是藍色。呀喬的是綠色。Pinky就抽到藍色。慢慢地就抽了一大半，差不多輪到高佬的時候，聽到他不停唸唸的說
 
「綠色…綠色…綠色…綠色…綠色... 綠色…綠色…綠色！」
 
「你駛唔駛呀，係咪真係咁鍾意呀，你又唔愁冇囡。」 我說。
 
「你知唔知好難得遇到一個酷似天使嘅人，當堂係完美嘅化身。份人又斯文，又係學校長跑隊，讀書又唔錯，正宗文武雙全，真係不得了！你諗下，如果我每日都可以同佢練跑──完美！再者，拍拖容易，遇到一個你愛嘅人，一生人可能只有一次。」
 
果然，能夠俘虜毒撚嘅心，非一眾女神天使嘅臉孔，亦非魔鬼嘅身材，而係佢地對於女神嘅憧憬，憧憬著未來，憧憬著美好；呢種憧憬，就算係偽毒，就算係閱囡無數嘅籃球隊隊長想避都避唔到。你一有愛，你就會想為了對方做些什麼。你想犧牲自己，你想服務。
 
當高佬不斷思春個陣，肥仔已經抽左啦，他抽到同兩個女神一樣既藍色。佢抽到個下，一轉身射番兩個勝利同警告嘅眼神，以人生勝利組嘅姿態暗示「唔好阻我起雙飛」。
 
跟著輪到高佬，佢抽嘅時候又不斷咁碎碎唸，一抽，佢起碼呆左2秒。然後望向我，慢慢由目無表情變成Cheshire cat咁樣，好似一切只係發生係夢入面咁，當我見到高佬嘅名同呀喬同一個column，真係「有冇咁撚啱呀」。
 
終於到我。我至少有三份二嘅機會可以同朋友一組，多出黎嘅，叫運氣。但係當我諗著唔要紅色個陣，成個腦就只係得翻紅色。將粒波子抽上黎之後，唔知點解，睇落去都好似紅色咁。不！係紅色，我抽到嘅係紅色，又係咪咁撚啱呀……就係咁，呢顆紅色嘅球體，將兩條平行線拉埋一齊。