【無甜純愛】一直只重視她，從來沒有正視過妳..........: 四

今天已經是正式上學了，人家的學校一星期後才正式上課，我這間學校第二天就要人正式上課，我幹！

剛回到班房就看到家慧的笑容，她的笑容真的可以把苦悶的校園生活添上色彩

「早晨阿偉，你今日咁早既」

「早晨呀，家慧！我今日唔想再遲到啦」難道我會告訴你，我一大早回來就是為了看你的笑容嗎？

我剛坐下來，泳珊就走了過來





泳珊微笑道:「阿偉早晨」

「唔！」

「喂，要你同我講聲早晨好難為你呀！」

「唔係，早晨啦」

「哼！」





怎麼啦，平常我也是這樣的啦，泳珊你今天做什麼啊？

我轉向後方，只是看到志傑一個人坐在椅子上發呆

「志傑，做咩呀，你大佬呢？」

「佢今日好早就出左門口，好似同敏兒去左食早餐」

「係？」





過了一會兒，真的看見志康和敏兒一起有說有笑地回來

志康一坐下來，我立即問道:「wow...洗唔洗一早就同敏兒拍拖呀」

「痴線，你講乜呀，只係敏兒話請我食早餐..我咪同佢食囉」

「得啦，唔洗唔認既，我明架喎，地下情呀嘛，我唔同人講」我拍拍志康的肩膊

志康沒好氣道:「唉，你鍾意點講就點講啦，廢事同你講」

上了一個早上的課堂，真的沉悶得很，如果不是家慧每一堂都對我微笑，我真的睡著了

到了下午吃飯時間，泳珊已在問我吃什麼，我走到家慧身旁

問道:「家慧你有無約人，如果無...不如一齊食？」





家慧若有所思:「哦，我無約人呀，可以一齊食呀！」

正當踏出校門，泳珊走到我身旁

「阿偉，你叫埋周家慧一齊食呀？」

「係呀，有咩問題？多個人傾下計嘛！」

泳珊發悔氣地道:「哦，無問題，你鍾意啦」

路途上，我和家慧都有說有笑，只見泳珊走左我身旁，不發一言

泳珊怎麼啦，平常都是我們四人一起吃的啦，現在只是加多一個人而已，你發什麼小姐脾氣呀





突然，一把聲音把我們叫停了！！

「喂，等埋啦」敏兒在遠處向我們方向跑過來！

只見志康目定口呆地望著敏兒跑來

我立即道:「今次你都幾麻煩，唔係咁易甩到身，你自己執生啦」

敏兒跑到過來，立即拍打志康的肩膊:「做咩唔等埋我呀！」

「我好似無話同你一齊食喎」

「我唔理呀，你去邊到食，我都跟埋黎呀」

志康沒好氣道:「下，唉...你鍾意啦，我地都係行快啲啦，唔係就無位架啦」





去到茶餐廰，我們找到個六人坐位，便立即坐下來，我們的位置如下

志傑．志康．敏兒
_________________
泳珊．我．家慧

等待食物到來的時候，我們都是在低頭玩電話

到食物來到，我們才收起電話，繼續有說有笑

「家慧，你試唔試下啲餃子呀？」我夾了一隻餃子放在家慧的碗內

泳珊也在我的碟內夾走了一隻餃子





「喂，你做咩？」

泳珊瞪著我:「我又想食，係咪唔得呀！？」

「得！」我還是不要激怒她比較好

當我望向志康他們那邊，就看到敏兒喝了志康的涷奶茶一口

志康馬上叫道:「喂，你做咩飲我杯野呀，你自己無得飲咩」

敏兒立即駁道:「咁我個杯同你個杯都唔同，飲你一啖咋嘛，咪咁小器啦」

志康馬上把飲管掉出來，敏兒看到馬上嗔道:「喂，我有菌咩，洗唔洗咁呀」

「我先唔想飲你啲口水！」

「超，黑人憎！」

我看到志傑正在一邊偷笑，這個午飯就是在這個氣氛下結束~！