（適量甜）是咁的，我竟然響公園執到本Sex note: 116

「我隨便叫架，唔知你岩唔岩食。」她笑了笑，然後放下餐盤和自己的單邊袋。
 
「呢度幾錢，我比翻你呀。」我慌忙拿出銀包。連麥當勞要女人在請客，絕對是件令人抬不起頭的事。
 
「三十一個半。」她攤開手掌。
 
我：「兩個餐有咁平咩？」
 
她：「AA呀嘛！」
 


「OK…」我乾笑幾聲，然後將兩張二十元塞進她的手掌，她把剩餘的九個半還給我。
 
她拿起盤上的雙牛芝堡，撕開包紙，雙手托着包的底部，微微張嘴，小口小口地吃起來。
 
她變了。
 
我凝視着她的臉，這種陌生的感覺是我不曾體驗的。那個你曾經熟悉的，爛口粗魯的MK妹竟然成了一個溫文爾雅的陌生女孩。
 
事情來得太快，讓我有點追趕不及，留不住。
 


她：「做咩唔食野既？」
 
我晃了晃神，立刻轉移焦點到盤上，拿起那個至尊漢堡，大口大口的啃進嘴巴。
 
我：「唔係啊。」
 
她：「我知你有野想問我，係咪？」
 
霎時間，我停止了嘴巴的咬吞想不到除了嘉欣以外還有其他人會看穿我的心。
 


我：「我想知…我想知道點解你會變成宜家咁。」
 
她笑了笑，恍惚早就預料到我的問題。
 
她托住下巴，望向玻璃外的街景，行車的倒影在她的瞳孔上滑動。
 
她：「你仲記唔記我同你講過，關於我同我Daddy既約定。」
 
我：「三次離家出走？」
 
她淺淺一笑，點點頭，眼神有種說不出的無力感。
 
她：「我應承過佢，第三次翻屋企之後就會以後聽佢既話，做佢想要既乖女，唔會再違背佢要我做既一切。」
 
我以為有什麼外在因素將她改變了，卻沒察覺造成現在的結局的人反而是我自己。


 
若果當天我有果斷地追逐她的背影，果斷地抱緊她，果斷地將她牽回來。今天跟我吃麥當勞的會是MK琳，而不是王雅琳。
 
我：「對唔住…」
 
「哈，唔緊要啦。所有野都過去左，我幾鍾意宜家既自己同生活。」她吸了口可樂，邊笑邊反安慰我。
 
我：「唔係咁架…」
 
她：「下？」
 
我：「呢個根本唔係你開心個陣既樣！格硬逼自己做另外一個人，你甘心咩？」
 
我握緊拳頭，語氣稍強，旁邊正在看馬經的阿叔用看傻子的眼光瞄住我。
 


她托了下眼鏡，淡淡地說：「唔甘心。」
 
我：「咁點解你唔反抗…」
 
她：「因為你在乎既係過去既我，我唔係。人要向前望，先會睇到唔同既野。」
 
「你唔怕後悔咩？」縱使我失去了MK琳，但我不想她失去了自己。
 
她放下漢堡，說：「呢個問題….我從離開你個刻就一直諗緊….或者有d野真係一早整定。」
 
「個陣我響度諗，點解我地認識之前，你已經有嘉欣。如果唔係佢既話，我地一早就已經一齊左，唔洗經過咁多波折，但最後都係無結果…」
 
「我諗左好多好多，但我終於發現，其實我唔應該去否定宜家既自己。正正因為曾經同你經歷過既開心，痛苦同遺憾，先會有宜家既我。人生就係要錯過左某d野，先會得到反相應既野，包括我同你錯過左對方。只要諗到呢度，我就覺得無怨無悔。」
 
我不了解她的話，真的是半句也聽不懂，只知道她沒有迷戀於過去，堅強地選擇面對現在的自己，但我卻自私地希望她變回我心目中的MK琳。


 
「講真，今日遇翻你我真係好開心，真架，因為你一d都無變到，仲係同以前一樣咁求其，咁懶散。可能你唔知啦，其實我響你間店到偷偷地望望你好耐，你淨係掛住睇書，都唔理間鋪既。」說到這，她笑了笑，眼睛有點濕濕的。
 
一片沉默後，她繼續講：「你宜家一定諗緊，點解以前既MK琳會講d咁既野，但我想同你講，因為呢個就係宜家既我。今日之後，或者仲會發生好多好多既事，所有野都會隨住時間而改變，但我希望你會keep住做翻自己。因為王雅琳鍾意以前既你。」
 
「一直以黎都好想同你講呢番說話，但個次之後都無勇氣再搵你，但我想你知道，正正因為有你陪響我身邊，先會有宜家既我。所以….所以我想同你講聲多謝，多謝你…」她脫開眼鏡，拿出紙巾往眼眶輕印。
 
過了一陣，她低頭看了看手錶，再望出街外。
 
她：「我要走啦。好好保重。”
 
我心中一驚，慌忙道：「走？咩意思啊？」
 
她：「Daddy幫我買左機票，我要去個邊讀書。」
 


我：「咁突然？今日啊？」
 
「嗯…」她放下吃剩的漢堡，緩緩站起。