（適量甜）是咁的，我竟然響公園執到本Sex note: 89

自從個次之後，我無再理過所有關於沈日筠既事。
 
話知佢食仔又好，逼人幫佢奶西都好，總之咩都唔關我事。
 
即使大家響學校見到面都唔會打招呼，係頭眼尾都唔會望下對方個隻。
 
加上球隊臨近學界，所以佢繼續佢既生活，我有我既練波，大家河水不犯井水。
 
一黎，我用note食女既次數少過佢百幾倍（最少），莉莉絲根本無足夠既力量同個男人隻抽。
 


二黎，沈日筠呢個女仔城府極深，一眼就睇穿人軟弱既個面，絕對唔同一般既豬腦港女，日日淨識課金比d泡菜仔。
 
唉，建峰個邊實在恕我無能為力，以塊臭西食仔當食菜既性格，應該奶多一兩次就唔洗再受苦…我希望。
 
好啦，回歸正傳。
 
我同阿信響籃球隊打滾左一兩個月，佢份人夠勤力，肯跑肯跳，總算搶到正選中鋒呢個位。
 
但我就仲係後備一個，與板凳同坐，騎響我頭上既係個細我一年既低form。
 


佢技術雖然無我咁好，比賽經驗更加係零，但勝在體能搭救，成場波跑足三十幾分鐘都無喘過氣。
 
呢日練完波，我同阿信好似以往咁坐響場外既木凳邊透氣，邊吹水。
 
阿信：「點啊，隊長大人，打咁耐都未搶翻個正選。」
 
我：「講真，有無正選我真係唔care…」
 
其實講就咁講姐，有得揀邊個想做後備架？有得比你揀阿雪，你會揀孫慧雪定盧覓雪啊？
 


突然，我個頭比人從後拍左一下，唔洗審就都知係MK琳啦。
 
「你唔care，我care wo！」
 
我：「哎呀，又關你事既。」

MK琳：「唔關我事呀嘛，咁你唔好飲啦。」
 
佢將一支寶礦力拋比阿信，再將另一支收到背脊，突登擰轉面唔望我。
 
我：「講笑姐，拎黎啦衰鬼。」
 
MK琳：「收皮啦，麻甩佬。」
 
佢擰開蓋，一野隊左小半樽，再將支野比我。每次佢幫我買野飲，我講錯野都要預左定支野得翻三分二。口賤真好。


 
MK琳：「次次睇你練波都坐響張凳到拍蚊，你到底有無落過場既架？」
 
我：「屌，你企響天台咁高都望到？」
 
MK琳一腳踩落我對鞋到，講：「全場最矮就係你！點會望唔到呀，on9！比心機d打啦！」
 
阿信一野扯高我件衫，指住我個肚：「老？你六舊腹肌流架？」
 
我：「幻覺黎架姐，唔洗怕既。」
 
「幻覺呀拿！睇你夠唔夠膽死再講多次。」MK琳一野meet落我塊面，一時扯向左，一時扯去右。
 
「痛痛痛….我下次一定比心機，雅琳姐你放手先。」我舉起手扮投降。
 


佢放開手，抱住手臂講：「哼，平時嘉欣黎睇你練波就咁落力，但我黎睇你個陣就un un腳坐板凳，偏心！」
 
阿信迅速抽水：「係lo，表妹就當透明，女友就扮曬型。」
 
我批左阿信一掙，即刻解釋：「嘉欣黎睇個幾日都係練體能，我梗係要落場啦…」
 
「我唔理呀，總之下次老娘要見到你落場打，唔係既話….」佢無講野，然後啪左兩下手指，好似隨時開我片咁款。
 
「yes，madam…」為免小命不保，細佬我唯有再度舉手投降。
 
之後我同阿信入左更衣室換衫，MK琳出學校門口等我地。
 
阿信一邊除波衫，一邊講：「真心講句，其實你有個表妹都幾好呀。」
 
我：「傲嬌岩你咩？」


 
阿信頭dup dup，無奈咁答：「起碼有人黎睇你練波呀..我都想shirley幫我買寶礦力…」
 
我：「屌，說這些。」
 
阿信：「唔說這些說邊寫姐…」
 
我：「你諗下，人地文人雅士黎架嘛。點會黎我地呢d波牛既地方呢？如果佢黎既話咪有損佢文青既形象？你話係咪啦？」
 
阿信諗左兩秒，然後笑住答：「你又岩wo！原來佢因為咁先唔黎睇我練波…」
 
當我地換好校服，準備出去既時候，更衣室度門突然打開…
 
犀牛拎住兩粒波，身水身汗咁行入黎。雖然話肥仔易出汗，但佢係誇張到好似着住件波衫游左五，六個塘先上岸咁。
 


「bye bye。」我同阿信異口同聲咁講。
 
犀牛：「咪住！」
 
我：「有咩貴幹啊牛哥？」
 
犀牛：「阿信你出先，浩J你留一留低。」
 
我難以置信咁指住自己塊面：「我？」
 
現任籃球隊隊長，加上米八身高，接近二白磅既體重，凶狠既眼神，唏噓既鬚根，神乎奇技嘅搶板大法，同個件濕到可以扭出水既波衫。
 
呢隻就係犀牛。
 
先唔提佢攝人既霸氣，佢淨係棟響門口已經連半個人都zip唔出去…
 
阿信：「咁…我出去等你。」
 
阿信出左更衣室，留翻我同犀牛響度困獸鬥。
 
犀牛：「浩J，我想你幫下我…」
 
我：「幫你？我有咩可以幫到手…？」
 
犀牛：「但你要答應我，唔可以將呢件事講出去。」
 
我：「咩事咁神秘啊？建峰知唔知？」
 
犀牛：「總之我淨係同你講！」
 
佢突然轉用嚴肅既語氣，雙手搭住我膊頭，將我推到牆角，嚇到我即刻用手護住自己朵菊花。
 
我：「你唔係想出櫃下話…」
 
犀牛呆左兩秒，然後講…..
 
「痴線！我想你幫我追你表妹啊！」
 
「王雅琳？」