（適量甜）是咁的，我竟然響公園執到本Sex note: 81

「玩到咁大，唔係咁好掛..」 我特登壓低把聲講。
 
「好，就曬你欄！」阿信一口答應，嚇到我當堂打左個突。
 
犀牛：「哈，夠爽快。打六分，一球一分，三分當兩分，有無問題？」
 
我：「我反對…」
 
阿信：「反對無效，宜家即刻開波！」
 


犀牛叫練緊射波個班低form散開，讓出半場比我地2on2。
 
阿信退左隊之後一路有繼續打波，所以技術同體能應該唔會差太遠。
 
但我退左隊之後基本上連波皮都無掂過，咪話打波，連搾波都未必搾得好。
 
周圍開始有學生停響度圍觀，大部分都係女仔，唔洗審都知係建峰d女死忠。
 
「好型呀…」
 


「如果佢肯比我做佢條女，我一定乜都比曬佢..」
 
「憑你兩地兩個大番薯同陳先生就想同我建峰鬥，等下世啦！」
 
「建峰岩岩對住我笑呀..」
 
「真架？」
 
場外班痴女個個發曬情咁呻吟，濕到漏曬水就不在話下，差在未除埋條裙即場做DJ。
 


阿信行到罰球線上講：「一針。」
 
建峰直接將個波拋到我手上，對眼啤到我實一實。
 
佢：「唔好曬時間，你地開。」
 
睇黎佢仲對以前既事耿耿於懷，呢個心結未有隨住時間而解開..

我同阿信行到三分線外，佢向我點一點頭，然後專注咁望住籃框。
 
「check ball。」我將個波拋比建峰。
 
「NO check。」佢用力咁將個波dum翻落我身上。
 
「好型呀…」，「佢傳波個樣好man呀…」，「好想同男神瘋狂傳波呀..」


 
呀你老母咩，傳個波你都咁9叫法，入埋波仲得了既？
 
一開始，我先傳波比阿信，然後兜入禁區搵機會。
 
建峰貼住我既步伐，嚴密既防守令到阿信連比波我既機會都無。
 
阿信突然運球向前，犀牛亦跨步趕上。
 
因為犀牛大隻過自己成個size，阿信知自己打唔到入底，於是一個急停jump shot。
 
犀牛反應不及，遲遲先跳起身阻擋，但粒波已經「chop」一聲入左籃框。
 
一比零！
 


場外既女女全部報以一陣噓聲，一個二個西口西面咁換
 
我鬆左口氣，起碼有條腸，唔洗比人炒蛋咁柒。
 
「無生疏到wo，睇黎我要認真少少。」犀牛佩服咁將個波交到阿信手上。
 
阿信：「你都唔差啊。」
 
按慣例，由輸既個邊開波，於是發球權交左去佢地手上。
 
我同阿信入翻三分線內嚴陣以待。
 
建峰一拎起波，即刻做左個插花，然後一個流暢既假動作。
 
我反應唔切，比佢食左個身位，於是佢單手托住波，輕鬆上籃。



一陣歡呼聲即刻傳遍成個球場。
 
籃球隊班低form直頭拍曬手掌：「好撚精彩呀！」
 
建峰呢次醒水，佢有意讓少少空位比我，方便同犀牛一齊夾阿信。
 
「浩J，波！」阿信進退不能，於是將波傳左比我。
 
我接住個波，on99咁企響原地，一時三刻腳軟起黎，呢d就係太耐無打波既後遺症…
 
「射啦！」阿信大叫一聲。
 
一言驚醒洛克人，我見建峰跑過黎回防，連粒波未拎好就求推左出去。
 


粒波撞落籃板，連框都high唔到就直接彈左出去。
 
犀牛成功槍板，然後將個波交比三分線外既建峰，佢一拎到波就射，我連手都未抬得切，粒波已經飛左入框…
 
三比一！
 
呢下顏射打擊太大，個感覺就係好似比人兜星黎咁，一掌打碎曬你既自尊同自信。
 
我：「sorry…」
 
阿信拍下我膊頭：「唔緊要，我地仲有機會，慢慢打翻好就得。」
 
之後雖然我地有好唔少進攻機會，但全部都白白斷送響我既手上。
 
唔係air ball就比人偷波，總之粒波未帶到入禁區我就已經甩左手…
 
當比賽黎到五比一既時候，我已經無心機再打落去，但阿信仍然抱住一絲希望，佢既眼神從來都無認輸既意思。

「認輸算啦，你地點同我男神鬥呀..」
 
「哈，你睇下個矮仔，球球都唔入。」
 
「翻去練多十年八年，下世先再黎打啦！」
 
「係我就認輸算啦，輸咁多唔醜架咩…」
 
又係一遍打擊既聲音，睇黎呢場波既結局已經顯然易見….