（適量甜）是咁的，我竟然響公園執到本Sex note: 73

「唔…等我諗下先…」
 
她摸着下巴，瞇起眼睛，擺出一副思考的模樣。
 
「我會等你。」
 
「等我？」
 
「嗯，我會一直等到你唔鍾意個女仔為止。」
 


「咁如果我永遠都唔會變心呢？」
 
「哈…咁咪證明我無揀錯lo，起碼你夠專一！」
 
她敲了一下我的額頭，嘴角微微上揚，露出一排潔白的牙齒和淺淺的酒窩。
 
「專一」兩字像一顆綁在我背上的石頭，背上的重力不斷將我往水裡拉，直到我沉到無底深潭。
 
「做d訓啦，聽朝仲要翻學架。」
 


她溫柔地輕撫我的頭髮，手指與髮絲間的觸感帶給我莫名的安全感。
 
「嘉欣…」
 
「嗯？」
 
「我真係好好好好鍾意你！」
 
我一下子將她擁緊懷裡，用盡最大的力氣將她抱緊，因為我怕說完下一句，她便會飛走，飛到我視線不能觸及的天邊。
 


「哈哈，知道啦，肉麻怪…做咩今晚奇奇怪怪咁既？」
 
柔弱的她嘴巴雖說我肉麻，卻沒有掙脫我的懷抱，反而將頭往我的胸口埋的更深，她在笑，那是幸福的笑容。
 
「就係因為我鍾意你，所以我想向你坦白。」

她假裝生氣地瞪着我：「哼，係咪唔記得做mark比你既mc！」
 
「唔係…」
 
「哎呀，唔通你又將d污糟衫dum曬響廁所？」
 
「都唔係。」
 
「我知啦，一定係星期日約左肥輝佢地打機，所以唔翻得教會？」


 
「我好似鍾意第二個…」
 
她一瞬間的笑容硬了起來，嘴角慢慢下垂，眼睛的神采變得暗淡，甜美的笑容失去了剛才的活力，縱使她還在堅持微笑。
 
「唔緊要架…」
 
我無奈地看着她的側臉，那雙手已經失去繼續抱她的勇氣，褪到腰間。
 
她：「學你話齋，拍拖都係為開心咋嘛。」
 
如果她現在打我，罵我，我毫無怨言，甚至感到半點虛假的心安理得。
 
然而，她卻淡如止水，這種平靜令我更加悔疚，自責，心裡有種被人掏空的感覺。
 


她：「我地一齊呢幾年，我每日都過得好開心，真架…所以你要走既話，我無怨言，因為你帶比我既已經好足夠…」
 
她突然沉默不語，空氣間散播着沉重而死寂的氣氛。
 
我正想開口道歉，她突然說：「我比你鍾意其他人…但你唔可以掉低我。」
 
「我…我…」
 
我少有地犯起口吃，莫名的緊張害我將本來想說的話忘了一大半。
 
「你知自己幾懶架啦...我唔響度你一定日日掛住打機…」
 
「成日將d衫褲亂咁放，鞋同襪又周圍擺...」
 
「翻到屋企淨係着住件背心打機，咁樣好易感冒架嘛...」


 
「仲有呀.....個次掛住出門口仲要唔記得熄火，好彩後尾記得翻咋...」
 
她的聲音開始模糊起來，夾雜着半點鼻音。
 
她一邊數我的小毛病，一邊輕力地捶打我的胸膛，複雜的眼神裡充滿着顧慮和憂傷。
 
「成日都唔顧自己，你叫我點放心呀...所以就算你唔同我一齊，至少...至少都要比我留響你身邊，繼續照顧你...」
 
說完，她的眼眶泛紅，一滴豆大的淚珠從眼角流出，順着她的臉旁滑到我的T shirt上。
 
嘉欣哭起來沒有聲音，身體連震都不震，可憐的她不想讓哭聲感染其他人，只容許自己默默流淚。
 
「sorry..」
 


我將她的頭抱在胸前，輕輕地掃着她的背，直到她哭完。
 
待她冷靜下來
 
我：「我知咁會令你好難受，對唔住，我真係好鍾意你…」
 
她：「咁點解你會諗第二個女仔..？」
 
我：「我唔肯定自己係咪鍾意佢，但我覺得對你隱瞞既話會好唔公平，所以我先要坦白。」
 
她：「我寧願岩先你講既全部都係大話..」
 
我吻了一下她的額頭，說：「放心啦，我唔會再比自己對佢再有任何感覺。」
 
她：「咁樣真係好咩…」

我：「嗯，因為我最愛你，我相信呢個就係最好既結果。」
 
她拉起我的手，細力地揉捏每一根指頭，柔聲道：「只要你開心，我點都無所謂。」
 
我：「我唔會再諗佢，所以你都唔好再胡思亂想啦，早d訓。」
 
她吻了一下我的下巴，說：「浩仔早抖..」
 
我：「早抖。」