（適量甜）是咁的，我竟然響公園執到本Sex note: 35

我地一邊着衫，一邊做賽後檢討既時候，Miss無意中透漏原來佢已經有個未婚夫。
 
但礙於對方唔響香港，加上思想比較保守，唔肯玩sm，所以欲求不滿之下先會搵我做主人。
 
Miss着翻衫之後即刻恢復翻一貫冷靜逼人既氣勢，同岩岩既天欣判若兩人。
 
我：「電話。」
 
佢乖乖咁將電話交到我手上，然後用指尖掃左下我既下巴。
 


佢：「我地幾時先可以再玩過…？」
 
我：「友誼賽姐，你想既話我隨時都ok。」
 
佢：「你話架，咁天欣請主人以後多多調教…」
 
調你老母交！講到我成個變態佬咁…
 
佢挨個頭落我心口，我縮左少少，下意識想避開，但最後都無咁做。
 


佢：「主人有無女朋友..？」
 
我：「有。」
 
佢：「咁點解你肯同我做？」
 
我：「你夠有未婚夫啦，咁點解你又要撩我？」
 
佢：「因為…天欣鍾意背叛愛人偷食既感覺。好刺激，好爽，比曖昧既關係更爽..」
 


Never judge a book by its cover，嘉欣教我寫文最鍾意用呢句，而我今日先清楚明白呢句話既含義。
 
Miss冷艷既教師look下原來隱藏住受虐偷食狂既一面。唔知佢條仔究竟帶過幾多頂綠帽呢？
 
佢：「你仲未答我點解會背叛你女朋友wo。」
 
我：「我唔知，但我好愛佢。我覺得只要我內心無背叛，咁就唔算真正既背叛。」
 
Miss沉默左兩秒，再若有所思咁點點頭。
 
我地收拾好chem lab之後，我就獨自翻歸，而Miss就繼續留低響學校繼續改簿。
 
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
 
一路翻屋企，我一路思考緊一個問題。


 
點解Miss同我做完之後又無暈低，又無失去記憶呢？
 
經過一輪艱苦既思考之後，我終於得出答案。
 
因為我on9到直接響sex note到寫左「Miss張」，而唔係寫「張天欣」，所以sex note既內容根本未觸發。
 
不過點都好，既然目標都達成，就同選完特首先發現佢有僭建一樣，繼續追究落去都無乜意思。
 
行到屋企樓下個公園個陣，突然陣聞到好大陣煙味，原來有幾個mk妹翹住腳，坐響張長凳到煲緊煙。
 
一眼掃過去，個個都係mk妹既經典造型，背心，熱褲，厚底人字拖。
 
得一個係着住校服既，而個個就係王雅琳。
 


同時間，佢亦發現左我。
 
我地既目光短暫咁接上，然後秒速分開。
 
「靚仔，望過黎姐姐呢邊。」
 
我呆左兩秒然後擰轉頭，見慣風浪既我第一次比女仔街頭搭訕，心入面都有d緊張。
 
叫我既係一個紫毛既MK妹，五官普通，個鼻仲要有d扁扁地，塊面層粉仲厚過富士山d積雪，仲要有d雪崩既跡象。
 
「hi..」我尷尬咁揮手。
 
「哈哈哈哈….」佢身後班mk妹即刻笑到見牙唔見眼，我都唔知佢地笑乜春。
 
王雅琳同個紫毛mk講：「喂呀，阿雪你咪玩佢啦。」


 
阿雪：「做咩姐，你心痛呀？」
 
雅琳：「痴線，我撚有心痛條仆街！」
 
我：「條仆街指我？」
 
雅琳：「係呀，死矮仔！」
 
其餘兩件mk妹一邊掃走脾上既煙灰，一邊掩住口鳩笑。
 
阿雪向雅琳講：「聽你講到佢咁好，原來又矮又毒，佢究竟邊忽好過阿傑啊？」
 
雅琳：「屌，我邊有話過佢好呀。」
 


阿雪奸笑：「哈哈，唔知尋晚邊個響電話開口埋口都矮仔，矮仔呢？」
 
王雅琳塊面突然紅到上耳仔，面上既淡妝掩蓋唔到心入面既尷尬。
 
「妖，再講我嬲架！」佢細細力咁拍左阿雪背脊一下，然後擰轉身。
 
阿雪：「哈哈，咁小氣架，唔玩你啦..」
 
「OK，咁走先，得閒飲茶。」mk妹既笑聲令我有種想狗衝翻屋企洗耳既衝動。
 
「哈哈哈哈哈….」又係一陣笑聲。
 
「雅琳，你條仔幾風趣呀。」
 
「屌，都話佢唔係我條仔！」