（適量甜）是咁的，我竟然響公園執到本Sex note: 32

「洗潔精同消毒水都唔識分..？」我擰起支萬滌響佢面前搖左兩野。
 
「哼。」佢搶走我支洗潔精，然後笨手笨腳咁帶上膠手套。
 
我：「你唔係同我講你咁大個人都未洗過碗下話..」
 
佢：「on9，老娘洗碗個陣你仲飲緊奶咋！」
 
「我幫下你啦。」我擰起兩對筷子同碗。
 


「妖，咪撚搞啦，出去打你既機。」佢撞開我，再狠狠地啤左我一眼。
 
「OK..」
 
難得你咁有恆心，都係一件好事黎既，就當比個機會你條mk響我屋企學下做人啦。
 
我翻出廳開着電腦，點知連張sofa都未坐暖就已經聽到佢既慘叫。
 
莉莉絲即刻開門：「咩事呀？」
 


「你翻房先，我去睇下。」我秒速衝入廚房。
 
求神拜佛，佢千奇千奇唔好打爛我套lovelive碗碟啊！
 
入到廚房，見到王雅琳除左膠手套，雙手掩眼，挨響雪櫃側邊。
 
我：「搞咩呀你？」
 
佢：「d洗潔精入左眼…」
 


我：「屌，你咪捽對眼住先啦，越搞佢越痛架。」
 
佢聽我講，即刻鬆開對手，但仍然好擔心咁皺起條眉。
 
「跟我黎。」我拖佢入廁所。
 
 
洗潔精入眼呢家野細個試得多，通常老母用水幫我洗兩野就無事，連排公立既錢都摼翻。
 
不過洗眼容易，最大問題係開眼個下真係好撚痛，唔係個個都有咁既勇氣同膽量。
 
我：「你打開對眼先啦，唔係我點洗呀。」
 
佢：「點開呀，咁撚痛！」
 


我：「抵死，鬼叫你洗洗下碗捽眼咩。」
 
佢：「死矮仔，你究竟串我定幫我架？」
 
「你唔開眼我點幫你冲呀。」我擰住個花灑，終於感受到以前老母哄我開眼係幾咁麻煩既一件事。
 
面對王雅琳呢種硬頸既人，只有一種方法可以對佢有效。
 
我：「你唔係連少少痛都驚下話，雅琳姐。」
 
佢：「on9，我幾時有驚過呀。」
 
我：「哈哈，你宜家咪驚緊lo..連望人都唔夠膽，有本事你就打開對眼！」
 
「屌！驚你呀！」佢吸左啖氣，然後打開眼。


 
就響個一秒之間，我把握機會，成個花灑隊落佢個頭到。
 
「呀！！」佢一邊尖叫一邊掙扎。
 
「好快好快，忍多陣。」我攬實佢條頸，繼續幫佢洗，印象中老母以前都係咁逼我。
 
大概十秒到，我先再鬆開手，刪花灑。
 
「你痴線架，成個花灑隊落我塊面到！」佢一野推開我，再伸左我一腳。
 
我：「哈，咁你對眼宜家仲痛唔痛呀？」
 
佢呆左兩秒，凶狠既眼神隨即變得柔弱，然後捉實拳頭，尷尬咁恰低頭。
 


佢：「唔該你..」
 
「講呢d。」我表面扮無野，查實內裡已經暗爽緊。
 
佢：「你幫左我，咁今朝件事當無數啦。」
 
Shit！佢一講起，我個腦又開始浮現佢裸體既影像，下身又開始有少少扯扯地。
 
我秒速插住褲袋，gum住條丁，廢事大家尷尬。
 
我：「不如我幫你洗埋d碗？」
 
「唔洗啦，我換套衫先再洗埋佢。」
 
佢直接除左件濕左一半既白背心，拋到sofa，露出性感既lace bra同瘦削既小蠻腰。


 
我：「下次記住洗完手先捽眼。」
 
我將條丁gum得更實，但小浩浩就好似知識分子咁，越鎮壓就反抗得越勁。
 
「得啦，煩！」佢擰轉身行翻入房。
 
明明頭先多謝完我，宜家又屌我煩，女人真係難觸摸。
 
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
 
尋晚同肥輝打左兩鋪rank，第二日翻學即刻變翻老死。所以話，兄弟呢家野是無隔夜仇的。
 
不過我就比Miss張以份卷考得太差為由，逼我留堂做數。
 
咁都好，總算有時間比我用sex note黎奪回立花。