（適量甜）是咁的，我竟然響公園執到本Sex note: 29

不做第一，也不做最後。
 
呢個係我學數學既大原則。
 
因為我好清楚不論自己付出幾多努力做數，呢個世界總有比你更勤力既人。
 
而當大家既數學成績都穩步上升既時候，雙方之間既差距根本唔會有任何變動。
 
與其白費努力追過人地，不如守好本分，穩步不退，咁樣先係讀好數學既最佳策略。
 


好啦，其實講咁多廢話都係想掩飾自己平時懶得做數。
 
Form test呢家野，過眼雲煙黎既姐，都係裸考算啦..
 
同嘉欣翻到學校之後，我一邊搵藉口慰藉心靈，一邊恰眼訓，唔驚唔覺迎黎左今日既最後一堂，數學堂。
 
呢個時候，我地班主要分開三大派別。
 
第一類就係平時完全唔做數，但今日突然發奮，由朝早開始做到宜家都無停過手做數既人。
 


第二類就係淡定到好似看透世事，但其實只係平時一直有做開數既讀書撚。
 
最後一類就係我呢類數學界既中游份子，反正最後成績都係唔上唔落，不如襯宜家訓下教，養足精神，等陣自然會有相當水準既發揮。
 
「你真係唔溫啊？」肥輝一邊講，一邊挑戰緊equation of straight line 既 level 1題目。
 
我：「宜家溫黎作用不大。」
 
肥輝：「屌，咪扮灑脫啦你，明明尋晚先同我打完rank黎..」
 


阿信：「浩J可能一早溫好左都唔定呢？」
 
肥輝：「莫非你條仆街一早溫好曬書先陪我打機？」

我：「無啊！你咪誤會，我從來都唔係溫書狗。」
 
「狗」字一出，左排幾位看破世事既同學隨即轉身啤住我，面上沾上怨恨，又再落入凡塵。
 
「sh..你細聲d啦…」阿信拍下我膊頭。
 
「Ok..」
 
肥輝：「你估下莫太會考重邊個chapter啊拿？」
 
莫太係我地班既數學老師，年僅五十多歲，有豐富既教學經驗，相貌就不必多講啦。


 
我：「都係得兩課姐，二分一機會。」
 
阿信：「我估應該會考重d circle，話曬都係dse常出，加上比較難。」
 
肥輝：「咁恐怖！我連圓心係centre，center定central都未搞清楚wor，點考啊？」
 
當我想答「central」既時候，比circle更恐怖既事情突然發生….
 
鞋踭敲打地面既聲音從門口傳出，一個着住一身黑白OL服既女人行入班房，全班既目光都比由檯面，書本，轉移到佢既身上。
 
肥輝聲都震曬咁講：「乜莫太整左容啊..？」
 
「Maybe..」
 


我之所以比出一個似有若無既答案係因為連我自己都比眼前既景象震懾到。
 
面前既女子有一頭黑亮濃密既秀髮，完美既V面，動人既酒窩，當然唔少得一對電力十足既大眼同凹凸有致既身材。
 
「wonderful！」我敢講佢係我咁大個仔見過最索既miss！
 
 
佢行到教室台，然後擰轉身響黑板寫左自己個大名。
 
「我叫張天欣，大家可以叫我Miss張。尋日莫老師請左產假，所以由今日起，我會係你地數學科既代課老師。」
 
「產假？」
 
我承認，比起見到咁正既新miss，莫太再度懷孕既消息實在更加震撼。
 


「不得了，不得了..」肥輝d口水好似水龍頭漏水咁滴落件衫到。
 
我：「做咩姐你。」
 
「佢…佢..佢簡直係..」佢將隻手伸入褲袋，然後成隻手臂猛咁震。
 
阿信即刻gum住佢隻手講：「翻去先打啦..咁樣會比人發現架。」
 
「妖，你死開。」肥輝一野推開阿信，拎部手機出黎，響圖片庫掃左兩下，然後將電話遞到我手上。
 
螢幕上係一個全身裸露，擺出m字腳淫賤pose既女人。
 
見我同阿信呆左五秒，肥輝終於忍唔住出聲：「立花里子都唔識？」
 
阿信：「邊個黎？」


 
我：「立花道雪個妹掛..」
 
肥輝：「你唔覺Miss張同佢好似咩！」
 
我：「似姚子羚多d。」
 
阿信：「我就話似台灣個個鄭麗文。」
 
肥輝：「邊撚個鄭麗文啊？無人識佢wor！」
 
正當我想講野時候，Miss張突然向問：「點解我聽到聲？」
 
我突然心血來潮爆左句：「因為你有耳。」

Miss張呆左半秒，然後翹住手行到我面前。
 
「你講多次？」
 
佢注視住我既雙眼，一對勾人既電眼就快攻陷我弱小既心靈。
 



然而，真正既危機其實係我收埋響背脊既立花里子…