（適量甜）是咁的，我竟然響公園執到本Sex note: 26

一路行，一路聽王雅琳唱單機版《相逢何必曾相識》，唔驚唔覺已經翻到屋企樓下。
 
我：「等陣上到去你唔洗出聲，等我黎講就ok。」
 
佢：「得啦煩人。」
 
由入lift個刻開始，我就不斷響心入面做rehearsal，雖然無note card同筆響手，但卻有種考oral前既緊張感。
 
今次既presentation非常關鍵，尤其係individual response既部分。
 


一旦答錯問題，阿妹一定會報串，而我同嘉欣正在萌芽既感情亦會被扼殺於佢既幾句說話之中。
 
黎到屋企門前。
 
我吸左啖氣，講：「翻黎啦。」
 
「浩仔翻黎啦！」開門既係莉莉絲。
 
當佢諗住撲過黎攬住我個陣見到我孭住王雅琳，可愛既笑容響剎那間硬化，呆立響原地。
 


「我…我翻黎啦..」我緊張到又重覆同一次。
 
坐響sofa飲緊牛奶既阿妹望到我孭住一個陌生既女仔，面上亦都閃過一絲驚訝之色，但好快就恢復平靜。
 
以前我夜翻，阿妹通常唔訓教，自己一個坐響廳到等我翻黎。先鬧我一獲，再同我做moral education，多方面咁分析夜歸既壞處同早歸既好處。
 
今次我仲要變本加厲，帶多條女翻黎，睇個樣都係活罪可免，死罪難逃。
 
我行到阿妹面前：「佢隻腳傷左，所以我帶佢翻黎住一晚先..」
 


阿妹飲完最後一啖牛奶，將個空既玻璃杯一野dup落張台，然後用冷漠既眼神直射我既雙眼。

妹：「佢係邊個？」
 
我：「同學，啊..唔係，應該話係朋友。」
 
妹：「答得咁猶豫，究竟係同學，朋友，定…」
 
王雅琳突然插嘴：「我地係朋友！」
 
阿妹戚起條眉，凶狠既眼神直逼王雅琳，佢最憎人響佢講野個陣插嘴。
 
妹：「我地屋企已經無房，對唔住。」
 
我：「但係，佢隻腳傷左…」


 
妹：「傷左唔可以翻屋企透架？」
 
我：「我都孭左佢翻黎啦。」
 
妹：「咁係你問題姐，你孭得佢翻黎，唔可以孭翻佢走架？」
 
阿妹充分繼承左老媽子既習慣，一面鬧一面督我心口，雙管齊下，真好野。
 
正當我諗住回應考官既提問個陣，王雅琳搶先回答。
 
雅琳冷冷咁回答：「我無屋企。」
 
阿妹呆左半秒，講：「所以呢？你意思係你當呢到係你屋企？」
 


「一人少句…」呢一刻，連我都估唔到自己會變左和事佬既角色。
 
雅琳：「放心，我唔會白食白住。你想既話，我可以翻工交租，或者幫你手做野。」
 
正當阿妹想回砲既時候，莉莉絲搭住佢膊頭，向佢打左個眼色，再搖下頭。
 
莉莉絲：「當初我夠係突然出現響呢到，宜家咪同你地相處得好好..」
 
妹：「莉莉你點同佢啊！你咁勤力幫手做家務，煮飯又好食過阿哥！」
 
雅琳：「我都可以幫手煮飯同做家務架！」
 
我：「你咪當比個機會佢證明下自己lo..」
 
「你收聲！」阿妹突然兜野扯落我耳仔，痛到我差d跪低。


 
雅琳：「我頂多住一排，一有地方我就會搬架啦。」
 
莉莉絲向雅琳點點頭：「嗯。我可以讓間房比你，我同永宜訓就得。」
 
阿妹塊面突然泛起紅暈：「莉莉..你..你同我訓一間房？」
 
莉莉絲：「嗯。」
 
阿妹：「但我間房得一張床。」
 
莉莉絲攬住阿妹條腰甜笑，講：「咁我地一齊訓咪得lo..」
 
阿妹即刻恰低頭，望住隻腳，久久未有出聲。
 


雅琳又插嘴：「唔洗比房我訓架，我訓廳咪就得。」
 
阿妹：「唔..唔得！阿哥已經有嘉欣姐，如果一齊訓廳既話，點知你地會唔會..」
 
我同王雅琳同時間講：「唔會！」
 
我：「拿，你講到咁。我當你ok架啦。」
 
阿妹：「你唔好誤會，我無話同意架,只不過..」
 
「我好眼訓啦，我地訓先啦。」未等阿妹講完，莉莉絲已經識趣咁拖住阿妹入房。
 
「莉莉你都未擰枕頭..」
 
「我地兩個人訓一個咪得lo。」莉莉絲推住阿妹背脊入房。
 

就係咁，響莉莉絲既相助之下，我無驚無險咁渡過左困難既一關，而王雅琳亦正式入住我屋企。