（適量甜）是咁的，我竟然響公園執到本Sex note: 24

我拖住王雅琳後退到半場既位置。
 
「再後少少..」我一邊倒後行，一邊自言自語。只要向後退多一步，我就離成功近多一步。
 
「你唔係以為自己會打得贏阿傑下話？你走啦！」
 
「驚啊？」我同時問緊自己。
 
「我撚有驚！」
 


口裡說不，但佢對九陰白骨爪已經刮到我既二頭肌痛苦不堪。
 
阿傑既智商突然爆發，chok兩chok個比比鳥頭，之後大聲講：「屌你退夠未啊！助跑洗撚咁遠啊？」
 
「得啦得啦！」我借d二退多兩步。
 
「除鞋。」我拍一拍王雅琳既手背。
 
「下？點解？」
 


「你對拖鞋高到咁，陣間唔方便跑。」
 
「哈，岩岩仲以為你真係咁夠薑同佢隻dup。」佢fing一fing腳，甩開對厚睇拖。
 
「咪玩啦，大家根本唔同level。」
 
現實生活果然同遊戲世界有段距離。
 
以前玩Pokemon成日用黎洗經（岩岩玩）既比比鳥竟然響現實生活中係個身高米八既大隻mk。
 


我雖然身高體重同小智都無乜分別，但就係差咁一堆精靈做我打手。
 
我dup低頭，拎出銀包。銀包既拉鏈上有串紫色既精靈球鎖匙扣。
 
唔知大師球收唔收服到比比鳥呢？
 
阿傑：「屌你得未啊！慢吞吞，信唔信我宜家就埋去打柒你啊拿！」
 
我：「OK！你數三聲，我衝埋黎！」
 
瘦mk見自己比我地完全無視，毅然插嘴：「我數就得啦！大佬你專心迎戰！」
 
阿傑無出聲，瘦mk就當佢默認，開始倒數。
 
「三！」


 
佢個三字先講到一半，我已經拖住王雅琳不顧一切咁向籃球場既閘門狗衝。
 
「咪撚走！」比比鳥使出高速移動，瘦mk同肥mk亦尾隨響佢身後。
 
「停低啊..仆街..」瘦mk跑兩步停一步，睇黎係同佢平時既食煙習慣有關。
 
我都想停架，但玩pokemon gum左逃走都係無得取消架嘛。
 
當我地衝出閘門，王雅琳毫不猶豫咁將腳向度門一伸。
 
「啪！」一聲巨響。
 
「嗚哇！」隨之而來既係一聲慘叫。
 


我一時好奇，向後望一望。原來個瘦mk隻手夾住響兩度門之間，左搖右擺，好似就甩落黎咁。
 
「仆你個街，扯鳩我件polo啊拿！」我不禁暗爽。
 
「整傷我兄弟？你咪走啊！」阿傑將半跪響地既瘦mk一腳踢，再向住我地狂奔。
 
「加速！」
 
 
 
 
一路跑左七八條街，講左二三十次「加速」，粒seed終於load完。
 
講笑，應該話我地終於擺脫左阿傑既追擊。
 


當然，以我地兩個人既力量係無可能完成到呢項壯舉。
 
我地仲要多謝千千萬萬既瀨屎褲製造商，多得阿傑條瀨屎瀨到上膝頭，嚴重減慢佢既跑速，我地先可以全身而退。
 
其實唔算全身，因為王雅琳損失左對人字拖。不過唔緊要啦，棄車保帥，少少犧牲亦在所難免。
 
擺脫左阿傑之後，我地黎到一個隱蔽既公園仔，平時阿伯都唔會黎捉旗個種。
 
「終於安全鳥..」我用衫袖抹左下汗。
 
「嗯。」佢挨住遊樂場既滑梯喘氣。
 
我向佢望左望，wow，不得了！
 
被汗水濕透既白tee底下，黑色既性感lace bra已經完全表露無違，仲可以隱約看到酥嫩雪白既胸脯，一對c cup微微向上鼓起。


 
過左兩秒，佢發現左我視姦緊佢既身體，於是毫不留情咁一野拍落我個頭。
 
佢：「望望望！死鹹濕仔！」
 
我秒速擰轉頭：「sorry lo..」
 
佢：「睇唔出你條毒撚，日日淨係識響屋企打機，原來都跑幾快wor..」
 
我：「潛能黎既姐，英國有個老母為左救個女夠抬得起架貨車啦，好似係。」
 
佢：「吹到呢..有無咁誇張啊！」
 
佢：「哈哈，你係驚既話，一開始就唔好行出黎懶型啦，死矮仔！」
 
我：「你估我想架咩..如果唔係我食..」

佢：「食左咩啊？」
 
Shit！差d承認左自己就係偷豬賊。
 
我：「唔係我..食..食錯藥既話..我會理你？」
 
佢翹住手：「哼，無膽匪類！」
 
我：「超，幾無膽我都係你救命恩人。」
 
佢：「我有話要你救我咩？」
 
洗唔洗咁串啊死mk妹！
 
我：「唉，事但你點講啦。我想翻屋企先，行得未？」
 
佢呆左呆，然後不情願咁「嗯」左聲。