（適量甜）是咁的，我竟然響公園執到本Sex note: 8
我秒速扯高張被，遮住自己同莉莉絲既身體。
莉莉絲仲未從剛才既快感中抽身，雙眼依然緊逼，身體微微抖震，額角既頭髮都被汗水沾濕。
果然，神原本都係人，都會呻吟，都會流汗，都會發春。唯一差別就係無毛。
過左十幾秒之後，廁所有d沖水聲，應該係阿妹半夜起身柯夜尿。
等佢入翻房之後，我偷偷地先拉翻開張被。
呢一刻既我已經比剛才既突發情況嚇到丁都縮埋，已經無心戀戰，加上今晚出左五次，所以我決定暫時停火。
「今晚不如到呢到先啦。」我將佢條睡裙撿起，然後遞比佢。
「下…但係我地都未做…」欲求不滿既莉莉絲只好死死氣咁着翻起條裙。
我：「乖啦，我聽日仲要翻學，好眼訓啊..」
莉莉絲：「玩到一半先停，叫人點訓wor..」
我：「放心，我聽晚實同你打埋個下半場。」
莉莉絲：「你話架。」
我：「得啦，快d訓。」
莉莉絲：「呀，仲有。浩仔你聽朝想食咩啊？」
我：「乜野食咩？」
莉莉絲：「早餐呀。」
我：「我煮得啦..」
莉莉絲：「唔得咁呀，快d講想食咩。」
我：「唔知啊，早餐呢家野我畢嬲都玩開即興既。」
莉莉絲：「我識煮公仔麵，腸仔加蛋，同埋雞…雞雞..」
我：「雞翼下話？」
莉莉絲：「嗯！唔記得左個名tim，哈哈。」
我呆左呆，天界竟然有公仔麵，有蛋有腸，但無雞翼。
莉莉絲：「或者…你可以食我都得..」
「就食你啦。」我輕輕力咬左下佢個鼻，然後將佢擁入懷。
「嘻。」
我地幾乎面貼面訓，佢柔軟既胸部貼住我既胸肌，彼此之間近到我可以清楚feel到佢既鼻息。
佢就成隻樹熊咁，一隻腳夾住我條腰，一隻疊住我隻腳，兩隻手臂又纏住我條頸。
基本上我透唔透到起都成問題，不過事但啦，都係訓左先算。
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
由於尋日射足五次既關係，今朝起身真係眼訓到仆街。
至於莉莉絲就好似精力旺盛咁，天都未光就起身入廚房整早餐。
時間七點，我一起身就見到已經見到莉莉絲同阿妹響到食緊早餐。
莉莉絲：「早晨呀浩仔！」
妹：「阿哥早晨。」
我象徵式咁回左兩句之後就坐低食莉莉絲為我準備既雞翼公仔麵，加一碟腸仔煎蛋。
我：「哇，你真係三樣都整曬啊？」
莉莉絲：「嗯，我見無野做咪整埋lo。你鐘唔鐘意呀？」
莉莉絲雙手托住頭，甜滋滋咁望我食野。
我：「我塊面痴左d野啊？」
莉莉絲：「無呀，嘻。」
老老實實，比佢咁樣望多陣，我真係怕自己連個心都融埋。
阿妹既眼身閃出一絲不快，然後啤左我一眼。
妹：「喂！你當嘉欣姐死架。」
「OK，fine..」我恰低頭，將成條腸塞入口。
阿妹好快食完，所以出門口先。我秒速咁刷牙洗面，換套校服，執左幾本書同sex note就出門口。
莉莉絲好乖咁為我開定門。
佢挨係鐵閘旁邊講：「浩仔，我可唔可以跟埋你出去？」
我：「你留響屋企啦，我好快翻。」
「嗯..」莉莉絲失望咁點點頭，然後響背脊拎左個保溫飯盒出黎。
莉莉絲：「我今朝幫你整架，一定要食曬呀，知唔知？」
莉莉絲依依不捨既眼神令我差d以為自己比人徵左去打仗。
其實佢都算溫柔體貼，加上外形又靚。 如果本性唔係咁淫既話，分分鐘升幾個grade變女神都仲得。
「OK！」我錫左佢一啖，然後就狗衝出門口gum lift。
我讀既學校係區內既一所band 1英中。
每級分別有A，B，C，D，E，五班。每班差不多三十人。
通常所有學生都響開學第一日都好心急知道自己今年咩班。
我都唔例外，一翻學校就衝入禮堂，睇下自己分到咩班。話曬都係form 5，讀多年書就要走人，最好梗係可以同班fd一齊啦。
千辛萬苦之下，我突破重重既人群，終於黎到前排。
5C，算係不過不失，意料之內啦。
我再望下嘉欣，5A。
唉，估唔到連個天都注定我地form 2之後就從來無同班過。
講笑，實情係嘉欣年年都差唔多考頭三，最差個次都第四，我根本拍馬都追佢唔上。
「浩J！」一把男聲傳至。
浩J係我form 4既花名，起源於我既英文名，Jack。
佢係我既老死。一個高我足足一個頭，條褲吊腳到無得再吊，身高米八八既四眼仔，阿信。
我：「今年又同班lu。」
阿信搭住我膊頭講：「所以話，兄弟呢家野真係好講緣分，哈哈。」
「早晨！」我屎忽比人用力拍左下。
我擰轉頭。屌，原來係我另一個老死，肥輝。
「Form 5啦，咪咁gay啦死肥仔。」
可能係我太認真，但我真係對打屎忽呢種打招呼方法有種莫名既反感。
「yeah..好衰架..」佢作勢挨埋黎，但比我一野推開左。
肥輝：「尋晚叫你陪我打鋪rank都唔得肯，唔夠兄弟啊你！」
「喔..去左做兼職啊嘛..」實情係我個個星期日都要比嘉欣捉翻教會彈聖詩。
阿信：「我陪你打啦肥仔，我自問技術都ok架。」
肥輝諷刺：「練好d先啦銅學。」
我地三個麻甩佬企係原地吹左陣水。
突然，左方傳黎一把女聲。
「行開。」