（適量甜）是咁的，我竟然響公園執到本Sex note: 6
「你搵個地方哩埋先！」我gum住佢背脊，推翻佢入房。
「做咩姐..人地想同你玩多陣啊嘛..」佢攬住我手臂，淫蕩既眼神好明顯要求緊我將佢就地正法。
「你隻小淫娃，今晚唔屌你一獲我仲點對得住自己親生父母，列祖列宗。」
「好呀，我等你！」佢兩隻手翹住我條頸，錫左我一啖。
我指住側邊個衣櫃講：「入去哩一陣。如果比阿妹見到你，我就不得鳥啦。」
「OK！」莉莉絲蹦蹦跳跳咁走左入衣櫃，都唔知佢咁興奮做乜。
我清一清喉嚨：「柯緊屎，等我一陣。」
我着翻好d衫褲，心入面倒數十秒，然後行入廁所拉左下水制先再去開門。
「翻黎啦。」我拉開度閘。
宜：「咁遲先開門，搞咩啊。」
我：「柯屎個陣順便思考下人生姐，何況十秒都唔算太過分啦。」
「盒飯係雪櫃入面，有碟菜響個鑊到，自己煮翻熱食得。」我擰轉身，急急腳入翻房。
宜：「等陣！」
我：「點呢…？」
永宜指住我間房問：「做咩要刪房燈？」
我：「喔..岩先有d眼訓，所以刪燈訓陣lo。」
永宜柯南上身，指住我隻腳講：「你呃人，你講大話！」
我：「講大話？痴線我呃你做乜..」
宜：「你平時翻到屋企就即刻除襪，所以根本無可能着住對襪訓！」
我望下自己對腳。
仆你個街，岩先心急得濟連對翻學小灰襪都着埋，呢鋪真係衰大意。
我攤攤手：「喔…今日隻腳有d凍，所以呢..」
阿宜企起身，走入我間房。
「根據我神探宜既推理，呢度一定有古怪。」佢踎低，扒係地下係咁索。
我：「你咁樣似狗多d..」
宜：「比我聞到第二個女仔既味，我一定話比嘉欣姐知！」
唉，希望莉莉絲真係好似死亡筆記入面既死神咁，要摸過筆記先見到啦。
阿宜見無咩發現，有d唔憤氣咁企起身，瞇起對眼望住我。
「哥，話我知..你有無帶人上屋企？」佢專登壓低把聲問。
「無啊。叫左你唔好睇咁多韓劇架啦，捉姦咩依家？」
呢個時候，我見到岩先隨手拋響檯面既sex note，但好快就望翻阿宜。
聰明既阿宜可能見到我眼神閃過一絲慌張，九秒九擰轉身，順住我視線方向望過去。
果然，佢毫不猶疑咁拎起我檯面眾多簿入面最顯眼既sex note。
「Sex note？」佢問。
「喔..岩先呢，就經過樓下文具鋪，我見本簿做緊減價咪買左lo。」
「你講大話！」
「又黎？」
佢啤住我講：「盒飯你響大家樂買既，文具舖係另一個商場，你點會無啦啦經過啊？」
屌，梁永宜你有無咁撚醒啊。讀書又唔見你咁勁..
佢督住我心口講：「你好講啦wor，唔係我話比嘉欣姐知。睇你點收科！」
呢個時候，衣櫃度門虛掩左幾下。
佢托住下巴笑左笑，十足個捉姦在床既偵探。
「原來響入面..」佢行埋去，諗住打開個衣櫃。
仆街，呢獲穿煲啦。
「咪住！」我踩凳借力，快佢一步，大字型咁擋係衣櫃前面。
「行開！」佢指住我。
「唔得。」我更加堅定。
「我話比嘉欣姐知架！」
「無證無據，你講咩都得架啦。」我保持微笑，掩飾心入面既驚慌。
「證據就響衣櫃入面。」佢向我步步緊逼。
「拿！你咪亂黎啊..咁樣係侵犯個人私隱，死罪黎架。」
「死罪？你唔行開睇下邊個死先？」
佢既眼神相當凶狠，我絕對有理由相信如果我唔讓路既話會係一分鐘之內車毀人亡。
但係，以佢同嘉欣既交情。如果比佢知道櫃入面收埋左個女人既話，死就一定走唔甩，分分鐘碎屍萬段都有份。
權衡左利弊之後，我決定堅守防線，直到最後一刻。
「唔走啊嘛？」阿宜拎起我檯面個把長15cm既間尺，應該想用佢鑑生鋸甩我個頭，好似係。
「咪亂黎啊，人在做，天在看。」我戰戰兢兢咁講。
不成功，便成仁。比老豆老母，嘉欣知道我收埋條女，我咪一樣要死。
反正呢獲都仆硬街，不如背水一戰，或者仲有轉機呢？
老實講，呢刻我覺得自己仲man過項羽當年破釜沉舟，打鉅鹿之戰。
正當我雄心壯志，諗住堅守到最後一秒既時候…
背脊突然受到一陣外力衝擊，我成個人被撞到扒左係地下。
「Shit…」我feel到有個人坐左響我背脊上面，好撚痛…
「浩仔！個櫃入面…有曱甴…」
果然..條防線不攻自破，莉莉絲比隻曱甴嚇到跑左出黎…
小強，你好野..
「呯」
面對住宜家呢個情景，正當我以為梁永宜諗住開刀既時候，戲劇性既一幕發生鳥。
佢突然甩手，跌左把間尺..
望住莉莉絲，佢竟然紅都面曬咁恰低頭。我響佢既眼神中見唔到任何既殺氣，只係有少女既情懷….
簡直令我諗起我第一次遇見嘉欣既感覺。
佢怕怕醜醜咁伸出自己既手，對住莉莉絲講：「你好…我..我叫梁永宜..」
莉莉絲跳左起身。好彩佢都算醒目，識得自己響我衣櫃搵衫着。
但件衫個碼太大，佢着上身搞到好似無着褲咁（應該話本來就無着），露出一邊香肩，同一對雪白光滑既長腿。
佢笑左笑，伸出自己既手：「你好，我係浩仔既附屬愛神。我叫莉莉絲。」
What the Fuck？自我介紹？
究竟做乜尻？