（適量甜）是咁的，我竟然響公園執到本Sex note: 4
「無，呢排天氣咁熱，地板易降溫啊嘛。」
屌，其實我都唔知自己講緊d乜。唔通答你岩岩搞完你個女，宜家仲要柒到踩到自己灘精咩。
伯母：「唉呀，傻仔黎既。快d起身啦，地下污糟啊。」
「喔。」我一個鯉魚翻身，秒速彈起。
呢個時候，下體突然有種真空既感覺，清爽又涼快。
嘉欣啤左我一眼，我心知不妙，即刻check下自己條丁。
頂你原來我無拉褲鏈，成條丁響出面fing下fing下，好似小新隻大笨象咁，唯一不同之處就係我呢隻係有頭髮既。
好彩露丁前一秒，伯母拎起兩袋豬肉走左入廚房，如果唔係我呢獲真係水洗都唔清。
唉，都唔知on9定好笑，我梁永浩竟然比幾舊生豬肉救左一命。
伯母一邊塞袋豬肉入雪櫃，一邊問：「浩仔，你今日留唔留低食飯啊？」
我：「唔洗啦。今日我梁永宜夜翻，我要煮比佢食。」
伯母：「唉呀，洗乜咁客氣wor，我煮埋永宜個份咪得lo。」
我：「成日黎痴飯食，唔係咁好意思既。」
我走入嘉欣間房，發現自己條底底掛住左響電腦台個mon上面。我拿拿林拎翻佢落黎，然後塞入褲袋。
好彩伯母入左廚房先姐…
如果佢經過間房，無啦啦見到個mon到多左條底褲，呢獲嘉欣既乖乖女形象咪比我完全破壞晒？
我：「auntie，我走先啦。」
伯母：「同欣欣玩多陣先啦，唔洗咁急走架。」
岩岩同你個女玩一半個陣，你又無啦啦走翻黎搞破壞。你叫我點玩落去啊，伯母？
「唔啦，聽日我先過黎呀。」 我着好對皮鞋，孭起個裝得一個筆袋既geography。
伯母：「咁聽日煮埋你飯架啦。欣欣，你送浩仔走啦。」
嘉欣：「嗯！」
我地兩個住同一個屋苑，都算幾近，所以嘉欣通常都會一路送我翻到屋企樓下。
一路上我地都無點講過野。或者係因為岩先既處境真係太尷尬，大家都仲未抽離到。
就黎行到屋企下個陣，我終於開口。
我：「sorry啊，岩先我明知伯母就翻都要格硬做..」
嘉欣細細力咁拍左一下我個膊頭：「知衰啦咩，成日掛住做個d野。」
我狡辯：「男人係比下體操控既生物黎架嘛，遺傳基因呢家野，我都無辦法改變架wor。」
嘉欣：「一開始識你個陣都無咁鹹濕架，宜家就淨係識諗埋d衰野！」
我：「我快樂時，你快樂。一舉兩得啊嘛，哈哈。」
嘉欣將個頭擰向一邊，唔憤氣咁講：「哼，你想滿足自己咋嘛！」
我細細力咁搣左下佢面豬：「咁咪順便滿足埋你lor，嘉欣姐姐。」
嘉欣：「我一d都唔滿足wor，唔好意思。」
「咁你又叫得咁大聲，哈哈。你係咪想我下次再大力d呀？」我摸住下巴，chok個咸濕樣。
嘉欣好似比我督中死穴，一時三刻塊面又紅起上黎，咬牙切齒咁望住我。
我：「拿拿拿，又面紅啦，即係講中左啦！所以話，口裡說不，身體卻很誠實。」
嘉欣嬲爆爆咁打左我一拳，然後頭也不回咁走左去。
我衝上前拉住佢隻手：「講笑咋喂，你唔係嬲下話。」
「係啊，我好小氣架。」 佢作勢掙開我隻手，但又唔夠我大力。
「OK，fine. I am sorry .」我再次chok出我既必殺死狗樣。
佢鬧：「次次都話sorry架啦，咁大個人把口都唔識得檢點下！」
嘉欣唔係一個小氣既人，但唯獨關於性既諷刺或者玩笑佢係接受唔到。
「咪係，把口臭到咁都有，唔掌嘴我都原諒唔到自己。」
我舉起隻手，扮到好似猩猩捶胸咁打落自己塊面度，仲要一路打一路喘氣。
我見嘉欣無咩反應，然後變本加厲：「我賤格，我抵打。」
果然，周圍d人開始望住我地。嘉欣覺得有d唔對路，終於捉住我對手。
佢拖住我行埋一邊，然後難為情咁講：「喂呀咪玩啦，好樣衰啊。」
我：「拿，我當你嬲完架啦。」
佢笑左笑：「你個傻佬當街當行掌嘴，人地唔知實以為係我逼你咁做啦。到時我咪仲衰過十八巴港女？」
我：「如果挨十八巴可以令你開心d既，我打夠一千下，一萬下又點話啊。」
講完出黎，我都覺得自己好假。但我知道嘉欣一定好受落。
「成日都口花花，都唔知你出面仲有無第二個。」 佢笑笑口咁彈左下我額頭。
「一個就夠晒數，何況我女友咁高質。」
「算你啦。」佢gut高錫咗我塊面一下，然後揮揮手，轉身離開。
嘉欣走左之後，我去格離街間大家樂買左兩個盒焗豬，兩棵菜就行翻屋企。
呢度要講少少家庭背景先。
早兩年，老豆玩股票賺左少少錢，跟住帶埋我老母翻左大陸同朋友開廠，搞成衣。
個陣佢地有諗住帶埋我同梁永宜（舍妹）翻去，但最後都係無咁做，好似係因為拐子佬問題。
所以我同阿宜三年前就開始自己住，姑媽得閒都會黎睇下我地兩兄妹，象徵式咁照顧下我既生活，但老豆老母就大概半年先會見一次。
望下隻錶，宜家七點幾。我拎部電話出黎，whatsapp阿宜。
我：「今晚幾點翻？」
過左差不多三十秒。
宜：「我同個fd睇緊戲，阿哥你自己食住先啦。」
我：「OK。」
屌，又要自己一個on99咁睇愛回家送飯，真係慘過Sad Frog。
不如去樓下公園陣？反正咁快翻屋企都係托，不如去個度gup下d mk妹好過，多個條女望下，感覺無咁寂寞啊嘛，好似係。
我搵個靚位坐低，點知個屎忽好似比d薄薄地咁既野墊住。
我企起身一睇，張凳岩先明明乜都無，宜家竟然多左本簿。
桃紅色既簿皮，中等大小，上面用銀漆刻上左一個類似標題咁既野。
「Sex note？」
What the Fuck？