《我見到你老母係街邊奶叉燒啊！》: 012

12.
在高俊言的堅持下，我們只好把握時間，走過去問一問。

「有冇人啊？」高俊言在門外大聲呼喊。

我走到石屋旁的窗戶偷看進去，見到有人影在屋內晃動。

「有冇人啊？我有啲問題想問下你哋嫁？」我在窗邊大喊。

「係……黎緊。」屋內傳出聲音。





一位老伯打開木門，他的臉色很差，蒼白如紙。

「係你……」老伯說。

我認得他，在進入鎖羅村前，見到他帶著一個女孩路過。

「老伯，你住係依度嫁？」我不知道幹嘛會問這樣愚蠢的問題。

老伯神情有點古怪，說：「唔係……」





不是在這裡住，那你在這裡幹嘛？

「老伯，你依排有冇聽到怪聲或者見到生保人？」高俊言緊張的問道。

老伯沒有回答他，只是目不轉晴的看著我，他一動不動的樣子使我感覺到有一點心寒。

「爺爺……邊個黎嫁？」

小女孩從屋內步出，站在老伯身旁。





「爺爺，兩位哥哥係度做乜啊？」

老伯臉色一變，低頭看著女孩，輕撫她的小腦袋，「佢哋做乜……？佢哋只不過係路過。」

「哦……爺爺，我肚餓啦。」

「爺爺知道，乖孫你返入去坐陣先。」

「係！」

小女孩邊跳邊跳的回去石屋之內。

老伯轉過頭，用他那對被眼皮遮掩的眼睛看著我，「小兄弟，時間唔早啦，你好快啲落山啦。」





我吐吐口水，「係嘅……我哋走嫁啦。」

我轉身帶著高俊言離去。

「咪走住……」老伯抓著我的手，很冰冷的手掌。

「咩…咩事啊？」

「你要小心，七月好猛鬼嫁……」老伯瞪大眼睛（縱然只見到他垂下的眼皮）說。

我推開他的手，「我會小心嫁啦。」

我扯著高俊言的手，盡快逃離老伯的魔掌。

我們趕及在日落前離開鎖羅盤，去到小巴站乘著小巴返回粉嶺。





我坐在車上，按起衣袖按著手臂，也就是被老伯抓著的地方。那個地方開始泛起紅疹，好像是敏感似的。

「你無事啊嘛？」高俊言問道。

「無事，只係有少少痕。」

……

家中，我先去洗澡。

手臂變得更加紅腫，除了痕癢外還有點痛，也許要去看看醫生。

「我～死～得～好～～」





「屌！沖緊涼唔好搞啦！」我快速抹乾身體，換上一套家居服就走出大廳。

「媽！！你點啊！！」

高俊言熱淚盈眶，他對著還沒化為人形的女鬼叫喊。

「媽……你……」高俊言哭得不能把一句說話完整說出。

胖女鬼化為人形，用沒有瞳孔的眼睛看著我們。

「我～死～得～好～慘～啊～～」

「媽！我知道你好慘……我一定會將兇手繩之以法！」

胖女鬼看著高俊言，腦袋往一旁側去，「言仔～點解～～」





「吓？」

「點解你～～啊！！！！」

胖女鬼一聲悽厲慘叫，就消失不見。

「阿媽！！」

我坐在沙發上，「俊言，我哋聽日一定可以搵到線索嘅……或者我哋應該分頭行動，你未話你老豆唔見咗，不如你去搵下你老豆。」

高俊言點頭，吸了一大口氣，「我聽日會返去睇下嗰個女人。」

「唔好啊！你唔見咗兩日，佢一定會知道你懷疑佢嫁！」

高俊言掩頭道：「唔緊要，就算佢知道咗又點？唔通殺埋我？」

「唔怕一萬只怕萬一。」

「放心，我唔會有事。」