[處女作][少甜]對不起,KH不是你想中那麼好。: 第六章

叮噹:sosad_steven在instagram發佈了新相片！？

「搖一搖手中的杯，它的聲令我心如止水。

嗅一嗅它的香氣 ，我的鼻已被它牽着走。

品嚐一下淡紅的酒，舌中的苦中帶甜，卻令我回想過去。

那種觸感久久不能在喉中散去，就像和妳親吻，滑滑的，調皮的。」





他的比喻令我再次想起希晴！於是我在他的post留言。

我:「你為左邊個作依段文？」

叮噹:「一個叫淑晴既女仔！」又是晴字，他一定又有一段動人心靈的故事了...

我:「你地既愛情故事一定好精彩。」

叮噹:「你就錯啦，我地四個月就分開左。」





我:「對唔住...提起你既傷心事。」

「傻啦，都過左去啦...放低左。」如果放低了，又為什麼作一段這樣的文章？

我:「我見你ig成日都po d愛情語錄出黎，給某人的話個d，其實你係咪性聖黎...」

「哈哈，情聖真係唔敢當啦。其實我係個玩家，只係同淑晴認真過一次。」

我:「如果你仲鐘意佢，有無諗住搵返佢？」





「無呀。正確係話，我無辦法再搵到佢，佢block曬我所有野，連電話都set左拒接。」究竟他的女友有多憎恨他？

「竟然佢都做到咁絕，咁我都應該好好咁面對現實，將佢放低。可能下一個會更好呢...」

我:「咁我想問下你一個感情問題，希望你可以比下意見我。」

「嗯，你即管講。我答到既，實會答。」

我:「如果有一個女仔同你係青梅竹馬。你地又互相愛大家，同時又好似情侶咁，又會周圍去挽。咁你會等佢定係追佢？」

「仲等佢？緊係去馬啦。你地係青梅竹馬，即係互相好了解啦。但係咁了解，你地都肯去愛對方，証明左依段係真愛。值得一試！」

「加上如果發生係我身上，我晨早就吃左佢啦。係你先咁蠢，係到猶疑不決。機會無左就係無左，佢唔會返黎搵返你。」

我:「但係我驚講完之後，連朋友都做唔到。我唔想失去依個咁好既女仔。」





「死蠢！你都講到咁，仲有咩好驚？你依家唔去，遲下比人搶左咪仲死。唔通好似我咁，默默咁睇住佢咩！」

「加上緣份係累積返黎既。如果你依家唔得，唔代表將來都唔得。但如果真係講完就會失去，咁你搵過第二個啦，依個唔係屬於你。更何況後者唔會發生。」

「等你既好消息。」

真的可以嗎？我慢慢離開了公園，向着大宅前進。看着月亮高掛在天上，還有數顆星星襯托。

叮噹...門迅速打開了。波叔情急地道:「少爺，你地仲於返黎啦...疑？小姐呢，佢唔係同你一齊出去既咩？」

「係呀！咁擔心做乜，希晴都返左黎啦。大驚小怪。仲有叫我做KH！」我步入大廳。接着波叔關上大門。

波叔道:「唔係...小姐佢無返過黎...」





「吓！我叫佢返黎先嫁喎...你係咪又夾埋希晴玩我呀」接着我步上二樓，在睡房門前大聲叫:「出黎啦，同一個遊戲玩唔到我兩次嫁蠢人。」

波叔再道:「小姐真係無返過黎。」

我進入房間後關上門。才發現，真的沒有了她的香味。再打開衣櫃。糟糕，她真的不見了...她是否出了意外...我不想還沒表白就失去她。我立刻拿出電話撥給她...

「680xxxxx，依家唔能夠...」電話傳出一把女聲...「680xxx...」「68...」我打了數遍。

我緊張道:「做乜唔聽電話呀，唔好依家先黎挽喎。」我跑下大廳，對波叔說:「我依家去搵下佢，如果佢反黎，你第一時間打比我。」

我沒給時間波叔去回應， 像箭一樣飛出門口。我將我們行過的路都找了一遍。但什麼也沒發現。

「佢係咪返左自己屋企呀！？」我再跑去她的家。其實她的家就在我的家附近，所以很快就跑到了......