[處女作][少甜]對不起,KH不是你想中那麼好。: 第三章

「嘩，死變態！你好核突呀！」她連續的粉拳打在我的手臂上！

變態？核突？糟糕，原來希晴看到我小弟弟勃起了。要快想想其他東西分散點注意力。對了想一想肥師奶說「BB」吧...果然立即有效...

「我咁變態妳都鐘意我喎」我捉緊她的手。

「鐘意妳個死人頭呀」她連着我的手打在我的頭上。

「喂！好痛呀」我裝出痛樣子。「等等，講返正經野先。」我樣子一下子認真起來。「妳做咩冇啦啦黎我屋企既？」





她上一次是借故來借廁所洗澡，但現在她的秀髮是乾的，所以她另有陰謀。

「呀！係喎！唔記得左tim。你同我即刻換衫，換完落黎廳搵我。」她用命令的語氣道，然後跑出了房間。這間屋的主人是我，為何卻顛倒了。

微風帶動香氣傳入我鼻。「咁多年黎，妳既味都係無變過。」我自然自語

說實話，每個人身上都有陣味道，但自已永遠都嗅不到。而她身上就有種清新花香味，真令人蠢蠢欲動。打開衣櫃，那種花香就更強烈......

突然想起放了apple飛機，算了，還是給她打個電話道歉吧。





「嘟...嘟...」。「hi Kh」apple搶先道。

「岩岩真係唔好意思，搞到妳依家要自己食。」

「唔緊要唔緊要，遲d食返咪一樣姐。」

「喂！你搞掂未呀，咁鬼耐嫁！」希晴在大廳叫上來。

「黎啦黎啦！」我回應那個鬼精靈。「好啦好啦，我要cut線啦，時間再約呀。」





「Bye bye」雙方齊道。

我以極速更換衣裳，急步行往大廳，卻見到只得她一個，神神秘秘。「波叔呢？唔見佢既？」 -

她緊張道:「佢...佢...佢呀，出左佢買餸掛...」

「哦~咁反正仲有時間，妳賞唔賞面同我行下呢？」我伸出右手禮貌地邀請她。

她低頭道:「嗯...」

我立即將她的手握緊了，然後帶領她離開豪宅。一開始她的臉跟紅蘋果一樣鮮艷，害羞得不敢出聲。過了一會兒，她慢慢習慣了氣氛，所以我主動打開話匣子。

「估唔到妳都有怕羞既一日，不過又真係好可愛既」我發自內心稱讚她。

「咁我亦都估唔到，有個變態仔竟然會主動邀請姐。」雖然她說我「變態」，但我對這個名字莫名其妙地窩心。





「喂，kh望下依邊！」我隨即望向她的方向。

她說:「依到睇日落好靚呀」

「嗯，真係好靚呀」我看呆了。一會兒後我問她「其實妳鐘意日出定係日落？」

「日落！」其實我也是喜歡日落。

我認為日出和日落是循環的，就像美好的日子會出現，然後又會結束。但只要不氣餒，美好的日子一定會再出現。

「點解，明明日落係代表結束喎？」我原以為她說沒有原因，只因為美。

「你錯啦kh，日落雖然係結束，但佢係提我地過左美好既一日，應該要好好感激，期待明天既來臨。」我呆了...





我一直都低估了她。比我小2個月的她，竟然能領略到如此高深的事...

「你又係到發呆！」她將我在幻想中抽出

「無，只係我覺得妳講得出依d野，真係好不可思議。」真的不可思議。

「緊係啦，我都唔係普通人黎，我係林希晴！」算了吧，我收回剛才的言論。

「嘩，有野玩呀，跟我黎啦，跟我黎啦」她牽着我的手跑，一直跑，一直跑。

「喂，妳個日落仲未睇完喎！」我一直給她牽着走

「日落每日都有得睇，但玩呢就唔係日日有，無feel點挽都冇用啦」她停下來，擰轉自己看着我。