人神魔戰•撒旦使徒: 重生

「其實四年前，我唔係讀緊宜家呢間學校，個陣係舊個間識左個女仔，叫成日教我做功課，叫我上堂專心聽書，又幫我補習，平時又成日約我岀街一齊食飯，我知道佢鐘意，而我對佢亦都有意思。本來事情發展得好好，但個晚同佢岀完街返到屋企之後，老豆老母無啦啦話幫我退校，我問點解，佢地話因爲佢地要去第二區返工，為左方便返工所以已經決定搬屋同轉校。初初我覺得轉校其實都唔會點影響我地感情，最多咪見少d，但我發現自從我轉左校之後，我地聯絡少左，whatsapp又hea覆，傾電話又成日話好攰。以前都唔係咁，直到我有一次岀街，見到佢同個男仔拖住手行街之後又kiss，我就好嬲佢同我老豆老母。之前我有一晚發夢，見到有個好型嘅西裝友同我傾計，佢問我係咪好唔甘心，我梗係話係啦，佢就話比一對可以殺人嘅眼比我，但代價係殺完人之後個靈魂要歸佢，我心諗我要個靈魂都冇鬼用啦，我係想殺左個條友姐，就係呢股仇恨，我應承左佢，第二朝起身照鏡個陣對眼真係紅哂，而且個種血係又迷人又靚個種，之後我返學個陣搵個憎嘅人試下係咪真係可以用對眼黎殺人，我捉住我好憎個條友，然後雙眼望實佢，突然我感覺到我雙眼有一種力量，將佢成個魂魄抽岀黎咁，雖然好似拍戲咁，但真係有個種力量。」
聽完他說，我就更加肯定他那雙就是撒旦使徒其中之一的噬魂之眼，但我正在想，應不應該現在告訴他撒旦的詭計和地球的未來？
「呢種感覺對於我黎講就好似重生一樣，有左呢對眼，我就要對所有睇我唔起同睇小我嘅人付出代價，我講左咁耐，你都冇講過你自己，你點樣得到殞落王者力量架？」
「同你差唔多，都係係同撒旦做交易，不過唔係撒旦搵我，係我自己去搵撒旦。」
他聽完後，表情頓時有種驚訝的感覺，我想他怎猜也猜不到這這世界竟然有一個跟自己同齡的少年會大膽到獨自召喚撒旦，
但他也沒有繼續問下去。談著談著就已經到了凌晨三點多，我跟他們拿過電話號碼後，就離開了。
站在他們家的門口，總覺得他們給我有一種零捨不同的親切感。