《與一見鍾情的女孩成為鄰居》: 第一章--彩色的回憶(上)

未介紹自己添,我叫周樂臣,大約高170,中五學生,正如大家所見,開學不夠一個月已經食左多次老師們的粉刷.
 
放學後…
 
「其實我做錯咩要陪你條hihi一齊比BBQ罰?」陸靈一臉不憤和不解地問
 
所謂BBQ即是啱啱請我食粉刷的老師兆SIR.
 
「你頭先係BBQ面前用左大技『粗口嘴』呀嘛」
 




「有咩?......」
 
「有!你仲已經達到左粗口之神…甚至係粗口嘅化身至啱.」
 
喱個白痴叫陸靈,人人叫佢60,係我唯一一個校內知己,由中一至中五都同班,雖然比我矮小一點,卻擁有一幅挺帥氣樣子.
 
不過.….非常爛口.
 
而『粗口嘴』是他會經常無意在說話中添加『配料』的特殊技能
 




「而且多得你,我天日要神咁早起身呀!」我扮似一副憤怒的樣子
 
「怕咩啫,早睡早起身體好呀,哈哈!」
 
「好你條命,你住得近學校,但我葵涌過青衣要差唔多45分鐘呀!」
 
「唉,最多天朝請你食早餐lor.」
 
「Deal!唔好走數呀.」
 




「得喇得喇」
 
學校位於青衣,而我卻住在葵涌,每天都要早起.雖說經過五年的中學生活己漸漸習慣,但…仍然好『攞命』!
 
「到車站喇,天日見喇.」
 
「記住返到去帶我爬上白金呀.」
 
「 知喇,拜拜!」
 
「See You!」
 
跟陸靈道別後,獨自乘上回家的巴士.
 
經過一番波折後我終於回到家的升降機,機門一打開,只見一箱箱物品在我眼前.




 
但我卻無閒理會,只因答應了帶陸靈爬上白金.,所以我輕巧地避過物品,在物品中左右穿插.
 
「惡魔蝙蝠幽靈!!!!!」我大叫
 
「安全達陣!」我感覺似『衝鋒21』內的小早川瀨那,喜悦感隨之上升
 
抱歉,我的中二病又發作了,哈哈…
 
正當我準備打開家的閘門時,旁邊發出一陣把重物放在地上的聲音.
 
我抬頭一看,原來旁邊的單位有人新居入伙,那難怪升降機大堂有一箱箱物品
 
旁邊的單位己空置多時,現在有人入住,不知是美麗的大姐姐還是……都别亂想了,我還有事情要辨….『LOL』我黎喇,!!!
 




經歴你『屌』我,我『屌』你之後,終於幫陸靈升上白金了.
 
「又carry咗一場.」陸靈說
 
「你就carry!無我同你雙排,你仲係金牌仔咋.」
 
「知你勁喇,臣哥.」
 
「既然爬完,我去洗洗睡喇.」我伸一伸懶腰,鬆展一下根骨.
 
「天朝見喇柒頭.」
 
「嘟-----------------」喱條爛口仔竟然敢CUT我Skype,天日屈多杯雪榚先.
 
爬完分之後, 漸漸被睡意控制




 
我調好鬧,準備明日向BBQ報到.然後慢慢入睡…
…………………………………………………………………………………………
 
「喂!不如入無印良品喇.我啲筆唔Q見哂.」陸靈說
 
「吓…好喇.」經歷完五小時網吧的我累得不能抵抗
 
無印良品內有不同便宜文具,一格一格整齊排列,而店內鮮艷的背景帶給人清爽的感覺.
 
「Hey,樂臣哥,邊枝筆好睇.」二年前的他的確有淘氣的一面
 
「兩枝都一模一様啫,有咩好簡.」真搞不懂他,一模一様也要花心思簡
 
「一枝紅一枝白架!唔…………一於就白色喇!」而且也挺可愛的.




 
「…..」只是顏色而已,大驚小怪,我心想
 
在購買完畢後,我倆一同正想離開店鋪途中
 
「喂!樂臣,你四點鐘方向有女呀!」陸靈以我能聽到的聲音叫我
 
「女?邊撚度有女?睇過…」
 
當我一個華麗轉身,正想以迷倒眾女的姿態望去時…
 
有種似曾相識的感覺…..
 
那個女孩,比我矮一個頭左右,給人一種小鳥依人的感覺.
 
一頭黑色長髪,差點過眉的前陰,微尖的瓜子臉以及櫻桃小嘴加上純白色連衣裙.
 
雖稱不上女神,也足以一直吸引我的眼球.
 
和她只對望一眼也難以自拔.
 
而且有一陣的薫衣草香味在她身上發出
 
她…..周圍充滿不同色彩,為我黑沉沉的世界倒上顔色的染料.
 
色彩…多麼的美.
 
她…..令我心跳莫名加快.
 
她…..令我難以忘記這一天
 
「喂!周樂臣,清醒吓喇喂!!!」陸靈捉住我雙肩用力前後搖擺
 
「…..喺……..」被陸靈強行拉出幻想,真不爽
 
「咦.嗰個女仔呢?」一下子發呆就不見了…
 
「吓,走Q咗五分鐘喇.」
 
「五分鐘……」一個女孩竟令我沉迷其久
 
這…大概就是一見鍾情吧…
…………………………………………………………………………………………