戀愛沒有那麼甜(18+) 低糖作品 女同小說: 7.

2013-12-20
18:00  灣仔駱克道
ISO 800

 我同S擺好車後, 到附近搵野食, 預備8點去伊館睇卓韻芝的talk show

「呢度有咩好食呀」S望住食肆滿佈的openrice邊行邊道
「唔食辣野就得」我放好頭盔及揸車的手套後, 追上已經行遠的S道
「唉, 尋日先食過日本野, 你又唔食辣, 附近無野好食喎....」S幾時開始咁咀尖
「好似附近有間德國野, 不過要行到去集城個邊」


S: 「咁遠, 行返來伊館好麻煩, 會唔會食唔切架....」佢總愛將問題提出
「咁....轉角個d茶餐廳囉, 呢度幾間都係日本野食」我望一望附近, 其實行過一個街口就到集城
S:「算啦, 就呢間啦」佢走入一間日本野食

「無諗到呢間的帶子刺身幾好食」我咬住第6粒的凡立貝道
S:「都無味....尋日去食個間個焗帶子好食好多」 
「尋日??你唔係返晏咩??」我突然記起
S:「呃......」佢無言左陣「呀, 班同事叫外賣嘛, 咪食到囉」
「喔.....係咩....」佢講緊大話



卓韻芝的talk show已經係第3次, 由於我喜歡佢講野夠直又爽快, 一直有睇
「若果要去偷食, 你講大話時係要第一個說服到自己, 呢個心態係你出軌前的一種心理準備, 扼唔到自己, 又點去扼人」
卓韻芝永遠係你諗緊野的時候, 硬係有幾句能夠打入你心

當晚我地無再提起焗帶子的事雖然大家同床, 仍然係習慣多年的相擁姿勢入眠但好似之間有塊膜，隔開左我同S
我只能更加緊地攬住S, 希望能用佢的體溫驅走我的不安

翌日早上, 我被S的電話鈴聲嘈醒
「唔.....邊個咁早?」由於我一向醒訓, 每次鬧鐘都係會先嘈醒我, 再去叫醒S
「電話?」沒有戴con的關係, 令我一時睇唔到來電


找來我的黑框後, 對方已收線 
「光 未接來電」S的iphone 上顯示住

當時係清晨0515, 我很清醒..... 
我叫醒了S, 想知答案佢如常賴床, 要求俾佢訓多5分鐘
5分鐘後, 我叫佢無反應, 眼看佢性感酥胸半露的睡姿, 我心頭一緊

 光, 係同佢前晚食焗帶子個位??
記得個晚我係studio留到成11點幾先走, 問佢洗唔洗接放工, 佢話唔洗....
大約3點幾先返來, 記得當時我係梳化等佢等到訓著左, 佢話同左同事去宵夜....... 
諗到呢度, 發覺自己視線迷糊, 我低頭吻著佢幾乎外露的乳暈, 狠狠的在上面留低只屬於我的吻痕