屍。生活: 序章 第一節 開學

哈囉 大家好，我叫李棟男，大多數人都叫我做
啊男。我個性格係對所有野都抱住無所謂嘅態度，即使係梁振英做特首，飲水思鉛又好，劉江華做局長又好，我都係無所謂。

唯一令我覺得有所謂嘅野就係趕唔切係聽日交暑期作業。

我望住張閱讀報告，我睇唔透，我到底點先可以用一本唔存在嘅書寫不少於800字，
我真係睇唔透。望一望個鐘，仲差少少就10點半，
「不如去洗頭沖涼，冷靜下。」我心想。

或者我介紹下我自己，我讀中四，家中兩老經常打麻雀，唔到天光唔走。




我雖然係一個對所有野都無所謂既人，但係人地唔係，佢地咁樣唔會麻煩到人咩？

就係水聲之中，我依稀聽到野獸既叫聲，「樓下就係山，有野狗好正常。」我心想
「反正都餓，去煮個麵順便睇下。」

當我係露台望落去，我見到一個人，或者類似人既物體，
就好似日本都市傳說入面既扭來扭去(注1：くねくね)
因為恐懼，所以我無再去理佢，
只係個心裹面有一種不安既感覺慢慢升起。
可能係道友或者飲大咗，我安慰自己。





注1：http://news.gamme.com.tw/830094

我帶住碗麵入房，開住伍公子既twitch back up，一路睇佢玩fallout3，一路食麵，
用粗口黎減少自己既不安。
但係我個心一直都思考緊。

「叮噹，叮噹，叮噹... ...」一連串門鈴響起，將我由沉思中拉出來，

「咁急，咩事啊？唔通係冷氣機滴水？唔係啊，今日落咗成日雨，我都無開冷氣...」





「落雨...咁...頭先...究竟...咩事...」我雙手和全身開始發抖，我雙腳卻不期然走近窗邊。

係我望落去嘅時候，一道閃電劃過天際，突如其來的強光吸引了「它」的注意，
我和「它」一個深情對望。

「你與我湊巧經過　就像在咖啡座 一個兩個三個　太悶或是太多」

我腦海中出現了這一句歌詞，因為這次不只是一個，而是三個，
「它們」同時以鮮紅色的眼眸看著我，
如果你們看過新世紀福音戰士的話，
就如同三個凌波麗望住你一樣。
一樣恐怖。

「 不過都係去開門先。」原來人類習慣了之後，無論是多麼不合常理，都不會覺得奇怪。




港豬就是這樣演變出來，我心想。



第一節 完