妳的名。我的字: 楔子、三

看着她走遠的身影，忽然有人拍他。
「喂，仲未走既你？」

「係喎‥我到底番黎做咩，明明頭先係想番屋企。」他看來也不懂自己在做什麼。

「家強？岩喇你有遮，遮埋我走啦。」他與家強小學時已認識，住在同一棟樓但層數不一樣。

「好呀行囉。」

一路上二人如膠似漆的說個不停，說的當然是電腦遊戲。





忽然王寶兒想起一件事。

「家強你讀C班？」

「係呀，岩岩咪因為要做個專題所以遲左放囉。」

「通識丫嘛。」

「你點知？」家強一臉驚訝的樣子。





「咁你係咪識一個叫程寶兒既女仔？」他沒有理會家強的問題。

「識呀。仲幾靚悿..咪住。你係咪玩野呀？」家強想起一些事情。

「做咩‥」寶兒不明白他的意思。

「小四果時同過班架喎？你問我識唔識佢？」

「‥‥」寶兒無語了，只因小學時6年他兩人都是同班，沒道理自己一點印象都沒。





「岩岩講果個專題我咪同佢同組囉，佢岩岩出左去買卡紙所以我做住佢d野先，佢岩岩番左黎所以我咪走得。做咩無啦啦咁問既？」

「因為我岩先係九場果度因為某d原因同佢開始傾計。之後一齊番黎，但係我完全唔認得.‥」寶兒想的卻是另一回事。

「下‥認真呢咁搞笑？」

「死啦岩岩咪樣衰到笑出黎‥‥」

「咩事呀？」家強看似興趣很大。

「我當左佢係一個新識既同學咁傾計‥佢都冇提起過我同佢小學同過班‥」

「哈哈哈哈——不過佢好似之後轉左校啦。」





「咁都冇理由認唔到架喎‥」

「梗係啦人地靚左咁多。佢以前個樣好平凡架，邊會留意丫，何況細細個點會咁注重呢d野喎。」

「你又好似幾岩既‥」

之後，他倆之後就聊起別的事情，

小聲講大聲笑是他倆的寫照，惹人側目。

回家後，王寶兒沒有如常開電腦打電玩。只是呆着坐在床上，程寶兒的身影在他心中揮之不去。直到他媽走進來。

「喂，食飯喇。」

「下？」





「仲下咩呀八點喇，叫你食飯都仲要下。」他媽有點不耐煩。

「係係係，即到。」他不知他媽在外已叫了他不下十次﹐更不知自己已在床上坐了接近兩小時。