【現代武俠】每個男人心中都有個武俠夢: 第十六節　見龍在田（上）

第十六節 見龍在田
 
這是我們四個待在杭州的最後一天，起床時，他們三個都坐在床邊，沒有電話在手，只是靜靜坐著，不交談，不對望，也不叫我起床，是在想這幾天的事吧。
 
「你地喺度做咩，出去食早餐囉？」我裝作陽光地說。
 
「好嘢！你輸咗，早餐你請！」大食精興高采烈地說，我一臉疑惑。
 
教主：「我地啲銀包同電話都喺均均度，冇錢食早餐，所以諗住鬥唔郁唔講嘢，輸咗就要請食飯。」
 




毛毛：「最後一日，梗要食好西。」
 
我：「你地冇錢，我都冇錢嘎。都去搵均均囉返啲嘢。」話未說完我就走向門口，一邊向著他們說話，一邊開門。門一開，頭一轉，唇就貼在均均的額上。
 
毛毛：「嘩！早晨之吻呀！我同我女朋友都未試過。」他們三個又是一致不懷好意的奸笑。
 
我：「均均，乜咁啱嘅。仲諗住去搵你，你就出現喺我面前。」
 
均均：「係咩？我係搵你地食早餐……係呢，你搵我做咩呀？」
 




我：「冇，我掛住你，想話搵你食早餐啫。」我該是瘋了才會說這種輕浮的話，我用眼角偷瞄他們三人，已捉成一團，我故作鎮定，看著均均原本已經發紅的臉變得更紅。
 
「呀！你地都就走，俾返啲銀包同電話你地先。」她把整個布袋遞到我面前，毛毛：「唔得，講咗話要自已一對一贏返嚟，你就咁俾我地，當我地係咩？睇我地唔起呀。」
 
均均：「唔係呀，唔係呀。」我搖搖頭，示意均均不用理他。
 
大食精：「咁不如我先，你地唔準抄我，我同均均玩包剪揼，我出包。均均嚟！」他果然真的出包，而均均也有心讓他就出了揼，大食精拿回銀包和手機後就坐到一旁，教主和毛毛開始著急了。
 
教主：「我先，我同你拗手瓜。」當然也輕易地取回了，接著又說：「毛毛，到你啦，講到咁威，玩大佢呀！」毛毛受不住挑釁：「好呀！有咁大得咁大。」教主：「咁又唔好，都要就住均均嘅！咁啦你地一人提出一樣嘢，自己先做，對方就要跟住做，做唔到就輸。」教主使勁地打眼色，他們三個似乎圖謀不軌。看均均的表情，好勝之火燒得很旺盛，毛毛這次不會輕易脫身。