【現代武俠】每個男人心中都有個武俠夢: 第一節　潛龍勿用

第一節　潛龍勿用 　　

電話鈴聲響起「喂……唔需要啦唔該。真係唔需要啦……妖！」 　　

又是這些電話廣告，平時沒有人會打電話給我，十之八九都是電話廣告……電話鈴聲再次響起

我不耐煩地接電話：「點？……哦！今晚？而家？老地方，好。一陣見。」原來是教主打來約我今晚吃飯。教主不是真的是甚麼教的教主，而是他「口才了得」，經常妖言惑眾，友人們都笑他是像個邪教教主般，事實上他也是我們的帶頭大哥。

我準時到達翔景茶餐廳，翔景是家良心小店，因此我們四個常到這聚，支持一下小店。等了五分鐘，他們總是不會令我失望，每次見面總是遲到，輕則半小時，重則一兩小時。因此我習慣在背包放一兩本書，在等車等人時可以善用時間。我讀了一會，正當入神，忽覺有人看著我，像田鼠被獵鷹盯住的不安。我故作鎮定到處張望，裝作尋找友人身影，其實只是在掩飾不安。此時大食龐大的身驅像輪船靠岸，坐了過來，他住得最遠，但往往比較早到。我們幾個這四年日見夜見，早已習慣免去寒暄客套，我看了他一眼，繼續看書，而他則看著餐牌。





他打破寧靜：「你估教主約我哋出嚟係咪傾嗰單嘢？」

我目光依然停在書本，友人在旁，使我安心不少，冷冷道：「應該係啦。你班人成日唔覆whatsapp，而家唔約出嚟傾，幾時先搞得成。」

他知道我對此有不滿，為了阻止我連珠炮發，轉移話題：「咦！呢間嘢有得預購飯票，不如一齊夾份買幾張幫吓啲露宿者。」

大食家裏環境不錯，這些閒錢他不在乎，雖然我也很想幫幫露營者，可惜今天身上錢不多，我從褲袋掏出一蚊，豪氣的拍在枱上說：「好呀。買夠十張。」他二話不說就付過餘額。此時教主和毛毛也到了，同事我也感受到一股壓迫感，跟在他們身後。那是一位地中海大叔，上身白色鬆身背心，下身短打踢拖，典型街坊裝束，仔細一看，他目光如炬，霸氣外露，只是側側瞄我一眼，已教我迴避不及。 

一把熟悉的聲音把我拉回來：「嘩，大食又派錢呀。不如請埋我地食呢餐啦，無理由益外人唔益自己友啫。」一口油腔滑調的正是教主。 　　大食：「好人好者，食自己啦。係呢，畢業啦喎，諗住撈邊範呀？」





毛毛：「想就梗係唔洗撈有錢收啦。」
大食：「咁啫係炒股啦。」 
教主：「睇相佬就話我要靠朋友發達。」
我：「咁啫係撈保險啦，割𥱊啦我地。」
教主：「咪咁啦，朋友們。我嘅將來喺你地手，唔好割住……咁你呢？」
我：「唔知呀，我都唔知自己想要啲咩，而家香港又咁嘅時勢……」

「一名停職警員傍晚被一名中國籍男子襲擊。休班警員傍晚路過將軍澳厚德商場時，被一名男子襲擊後昏迷，送住將軍澳醫院。男子事後逃去，目擊者表示男子只係打咗一掌，就見到另一個人倒下，並且睇唔到男子逃走嘅方向。警方懷疑係私人恩怨，遭到報復，無線電視記者……」

毛毛：「哈，咁大塊人蔘。啲黑警打人打得咁過癮，法官唔判佢，就由個天收佢。」




大食：「將軍澳厚德商場，咪啫係呢度？仲要係頭先嘅事，唔怪得我嚟嗰時見到又救護車又警車咁，仲以為係交通意外。」
我：「打一掌，又睇唔到點走，係咪得我一個覺得成個武俠小說情節咁？」
教主：「係有啲奇怪，我都認得條友係黑警，雖然平時應該得罪唔少人，但呢件事就好似早兩日都有個警察畀人打到入廠，後尾人肉起底組摷到係黑警，應該係同一個人做。」
毛毛：「係呀，係呀，仲有上個星期四凌晨旺角嗰單，都好似係黑警嚟。」
我：「感覺大事要來了！」
大食：「呢幾日黑警畀人狙擊，話係私人恩怨，當人白痴咩，不如索性唔好報單嘢。」然後一陣靜默，各人都專心吃飯。 
我：「喂，食飽未，食飽一齊試吓呢支新嘢，我親戚喺台中帶嚟。」我在背包拿出一支愛蘭白酒。 

大家聽見有酒都十分雀躍，毛毛：「頂你，有酒你唔早啲拎出嚟。」大食先嚐為快，大家之所以改口叫他大食，正因為他對美味的評論精譬獨到，可能從小就與家人周遊列國，嘗遍各國美食。見他第一口入喉，表情有點疑惑：「喂，水嚟嘅，玩我呀。」我：「咁串，個樽寫四十度喎，你當水飲？」說時遲，那時快，大食面色一轉，雙目瞪大，本來眼就不小的他，此時眼珠瞪得快掉下來，然後又緊緊一閉：「正喎，一開頭真係水咁，冇味，又易入口，過兩三秒，啲酒香就爆出嚟，酒勁又攻返上嚟，我覺得我條脷好畀佢呃咗咁。」三人六目交投，一起舉杯，因為同老闆相熟，所以也分了他一杯，一輪品酒後，剛才那位地中海大叔也走過來，笑眯眯的問我問可否他分他一口，我正喝得起興，豪氣地倒他滿滿一大杯，他見我如此盛情，還拉了張櫈坐了過來，與我們一起舉杯豪飲。

快樂時光過得特別快，酒杯此起彼落間，酒樽原來已經空空如也，我們埋單，準備到我家談正事。怎料地中海大叔跟我們一起離開，跟著我們走到無人小巷。他忽然攔住我們，我心想：「傻的嗎？唔通係露體狂，係都唔係向我地四個露啦。會唔會係一個人攔我地四個呀，雖然我係書生啲，但其他三個都牛高馬大，點睇都唔似好恰呀。」

地中海大叔：「四位小兄弟，其實我觀察咗你地成晚，發現四位都頗有俠氣，有冇興趣跟我學武？」說畢，氣氛凍結了，時空定格了，我腦袋也停止運作了。 

教主：「大叔，我睇你骨格精奇，一定係百年難得一見嘅練武奇才，保衛地球嘅責任就交畀你啦，加油！」說完就避開大叔，繼續走，我們也跟著走。地中海大叔死纏不放跟著來：「你地唔信我？頭先嗰條黑警就係我用摧心掌打嘅，唔信你地之後查吓佢係咪因為心臟麻痺暈低呀……」還未等他說完，毛毛便大叫：「走呀！」我接著說：「唔好直接跑去我屋企呀，畀佢知我住邊，我仲得掂嘅，跟我嚟。」說完我偷偷瞄一瞄後方，大叔沒有再跟來，我一心想回家，就直接帶他們三個跑回家了。四人氣喘如牛，然後不約而同地大笑起來。過了一會，等心情平伏過來。





他們有備而來，一早已打算在家通頂，帶了衣服來更換，跑完後，滿身汗臭，正好沖個涼，然後開始討論我們的畢業旅行。整晚，我們都在認真計劃和一波波狂笑中度過，誰會知道，這次旅行將會改變我們一生。這樣說真老土。

還有一件事一直在我腦裏縈繞不去：剛才大叔說的一番話，如果是真的，這個世界……