《扳倒進擊的巨人》向強國進行金融襲擊!!!: 12

一箱箱既錢進貢俾澳門各大賭場, 賭業利潤當然急升,
再配合炒家推波助瀾, 賭業股股價節節上升,
比起總指揮當初既入貨價, 已經升左四成有多

廠家們最後既希望都冇埋, 走上絕路

有人打趣話, 只要當日報紙見到廠家自殺既新聞, 咁果日既賭業股就會上升

廠家一死, 民間貸款公司借出去既錢亦都成為爛賬
民間貸款公司當然只有破產




市民不但血本無歸, 由於銀行既資金都參與其中, 爛賬自然轉嫁到銀行, 唔少地方小型銀行都頻臨倒閉邊緣
亦因為咁, 其他市民更加唔敢再相信小型銀行, 所以將存款提走, 做成銀行連環倒閉

全國資金鏈斷裂, 工業生產大受打擊, 經此一役, 強國已經元氣大傷,

暴發戶透過電話, 破口大罵: 今次俾你累死呀你老尾! 仲話做咩全國十大富豪, 今次點收科

殺手: 慢著, 你等一等...

暴發戶: 等你老尾呀, 我宜家問你, 今次點收科呀!!





殺手: 搞掂! 呀, 你宜家應該係大街既電話亭打俾我架可?

暴發戶: 你點知?

殺手: 我追蹤到你個電話, 而且剛剛係網上散佈左你既位置, 我諗其他市民好快就要搵你算帳

暴發戶: 點解你要咁做?

殺手: 我只係想引爆全國市民既怒火, 唔單只你, 我對其他貸款公司既老闆一樣, 到時全國既市民應該會發晒狂, 而且會一發不可收拾, 哈哈哈...





暴發戶: 你個............呀!!! 救命...唔好打....呀......

--------------------------
今次殺手們取得完勝, 正當佢地諗住點樣慶祝既時候, 佢地收到總部既通知

總指揮自殺身亡!

而且總指揮留下一段遺言:
「這世界真是無聊得很呢...還以為可以打發一下時間...
我希望, 我的兒子, 又或者將來兒子的兒子, 可以在這個世界上找到多點樂子吧」


殺手A: 「聽講佢依一個血脈, 就係會有種活得不耐煩既毛病...」





殺手B: 「只得三十多歲就輕生, 真係好可惜呢...咁宜家我地點算?」

殺手A: 「有咩點算姐, 宜家唯有去揾佢個仔做我地既總指揮啦」

殺手B: 「咩話? 真係要搵果個十零歲既細路做我地總指揮?」

殺手A: 「希望佢個仔可以長命一點...我唔希望將來俾佢個孫黎指揮我...」

--------<扳倒進擊的巨人>全文完, 最後一段之所以咁寫, 當然有原因
如果你只係想睇個短篇黎打發時間, 咁你已經完成, 大可以按上一頁離開
如果你想知道究竟之後會發生咩事, 咁你就需要睇我另一個故: <傳瞬凶間>
https://www.shikoto.com/article/5699/%E3%80%8A%E5%82%B3%E7%9E%AC%E5%87%B6%E9%96%93%E3%80%8B%20%E4%BD%A0%E8%83%BD%E5%A4%A0%E7%8C%9C%E9%80%8F%E6%89%80%E6%9C%89%E8%BF%B7%E5%9C%98%E5%97%8E%3F.html
明明係兩個風馬牛不相及既故仔, 而且年代相距咁遠, 點解叫你地去睇?
曾經有人問我, 點解要同時寫兩個故仔
我暫時只能夠同大家講, 好戲絕對還在後頭!

打破你地既常規, 就係我既常規!