隔多少個年代也密密守護你-四年斷續既愛情: 第二章 讓愛從家政室那小小的窗口開始

每次上家政堂，都係我最期待既堂。除左唔洗埋首係書本上既知識，更加可以煮下野食抒發下壓力。而家政室對面就係2e班既課室，望去2e既課室就只能夠透過門上面果兩課小小既玻璃。
上家政堂，我就係透過哩兩塊玻璃去偷望丫c。佢專心上堂既樣，就真係迷倒小弟。之後上堂既動力，就係因為可以偷望丫c。
由於我地中一就識，所以有佢whatsapp。有一日，佢whatsapp我。

whatsapp對話如下佢講：「你上家政堂成日偷偷望過泥做咩丫？鐘意我丫？」
我話:「挑！你唔望我點知我望你丫。我係鐘意你又點喎。」利申：其實我係怕羞仔
佢話：「鐘意人米講囉！」
之後每次上堂，我望住佢果時都發現到佢望住我，大家都會報以好怕羞既微笑，之後又扮繼續上堂。
我地每晚whatsapp，從我地既眼神就好似默認左哩段關係。有人話愛情既萌生係由互相串大家開始，的確我們就是這樣開始的。。。。