【真人真事】【微甜】我係自修室識到個女仔: 三十八 The end,the begin
拖住阿欣，見到Rebecca差點想哭的樣子，其實我仍是有點痛心的。
或者是一切都來得太急快吧，我才剛剛習慣了與Rebecca一起，轉過頭來就換上了阿欣，其實我還是不習慣現在的狀況。
我與阿欣在岸邊走著，我一直都在心裡質問自己：
到底自己是不習慣與阿欣拍拖，還是仍然放不下Rebecca?
阿欣：「做咩野個樣咁呆啊bb?」
我：「冇呀，諗緊野啫!」
阿欣：「覺得自己欠左Rebecca，放唔低佢?」
我：「嗯」
阿欣：「傻豬黎既，你同Rebecca岩岩先發展，依家咪當係兩個夾唔黎分開囉!」
阿欣：「況且你已經用行動表示左你既諗法」
我：「其實我係咪好撚仆街?先前先應承過佢，仲有細K唔會拋低佢，但琴晚就樣hurt佢」
阿欣：「都唔係既，呢個社會汰弱留強係常識啦，佢條件唔及我好，就自自然然俾人取締，就正如巴士俾地鐵取締咁，初初都可能有人對巴士有d感情，但後尾都會慢慢習慣」
我：「我怕自己放唔低佢，以後唔知可以點面對佢」
阿欣：「唔洗理佢啦，你慢慢會學識放低，你要知道錯不在你，而係個天俾佢既條件唔夠好」
我給了一個如此仆街的反應：「都係既」
阿欣：「唔好擔心啦，佢邊會咁易有事?」
之後阿欣再給我一吻。
雖然我對阿欣說會放低Rebecca，但我內心處仍是放不下她，在阿欣和Rebecca兩個之間，實在太難作出抉擇。
一個是我在自修室認識的女朋友，一個是願意讓我破處，現在拖著我的「女朋友」，在肥妹仔與長腿女神之間，這一刻我是毫不猶豫地選擇了長腿女神，但這會是一生一世的伴侶嗎?
和阿欣在海旁長椅上坐著，望著前方的藍天白雲，還有靜靜的海水，一片晴朗，我和阿欣都忍不住拍下來。
但願我、阿欣和Rebecca這個三角關係有如今天的天氣般，最終能得到一個晴朗的解決。
回到渡假屋，我和阿欣都執拾好行李，正打算離開長洲這個既叫人開心，又叫人擔心的地方之際，電話突然響起。
是Rebecca。
阿欣想阻止我接聽這則來電，但我卻接聽了。
Rebecca：「Calvin，我知道你仲好愛我，你依然唔捨得放低我......(電話傳來哭泣聲)只不過係我地最近少左見面，感情淡左......(電話又傳來哭泣聲)又有阿欣插入想乘機搞散我地，你都係一時貪新鮮啫，我唔會怪你咖! 」
Rebecca：「你可唔可以依家講聲愛我?返返黎我身邊?求下你」
其實我真的很不忍心聽到自己曾經心愛，儘管今天仍存有一絲愛意的女仔，為了我自己而哭得這麼辛苦。
但在我身邊的阿欣卻只想我收線......
在這關口，到底我應該怎樣做?
這時在我旁邊的阿欣對我說：「收線啦，你同佢都分開左啦，佢係生係死都唔關你事啦!」
我始終不願收線，隔住電話聽到曾經一時親密過的Rebecca悲傷的哭泣聲，還是有點心痛。
在旁的阿欣見到我有點不知所措，便搶去我的電話，對著電話說：
「死撚左佢好過啦，一了百了，唔洗阻住個地球轉呀肥閪!」
之後她便收線。
我也來不及阻止阿欣說這些說話。
接著阿欣坐在床上對我說：「唔好再為佢而覺得心痛喇，當初佢洗橫手搶走細K，佢有冇顧過我感受?」
阿欣：「依家我只不過係以其人之道還治其人之身，咪當俾佢感受下橫刀奪愛既滋味」
我：「咁我地係咪以後都唔再見佢地?」
阿欣：「唔見就最好啦，唔洗篤眼篤鼻」
之後等待我和阿欣都收拾好行李之後，我們便帶同行李，準備到碼頭搭船......
其實阿欣也很為食的，在去長洲碼頭的途中見到芒果糯米糍就喊著要食。
阿欣：「bb，試唔試下芒果糯米糍?」
我：「妖，葵涌廣場都有得食啦!」
阿欣：「點同啫，依家話晒喺長洲食，唔同d既!」
我：「唉，冇你辦法」
當我們正在品嚐芒果糯米糍，我一啖，阿欣又一啖的時候，阿欣的電話突然響起......
「The sound gets better when you feel the bass
The sound gets better when you feel the bass
You feel the bass, You feel the bass
You feel the bass, You feel the bass」
這是我第一次聽到她的電話聆聲，是JW的Feel the Bass。
阿欣接過電話之後，只對著電話講了兩句說話便收線。
「你要點做我都控制唔到，總之依家佢就同我一齊好開心，唔好阻住我地啦!」
我：「咩事呀阿欣?」
阿欣：「冇事，我唔信佢會咁易死!」
雖然我倆的心情或多或少都因為剛才這則來電而影響，但我們還是很多就恢復過來。
我們一路走向碼頭，沿途依然嘻嘻哈哈，阿欣就像上次在ikea行街時的細路女一樣，真的很可愛。
當我們走到碼頭旁，只見海旁的人和碼頭上在等船的乘客都望向海上。
我和阿欣都很八卦地想知道發生了甚麼事，於是愈擠愈前，只聽見圍觀的人在說......
「岩岩個後生女跳左落去，依家都唔知沉左去邊?」
「唉，後生女為情自殺」
又有一個師奶在對著旁人說：「睇住個女仔喊晒口咁跳落海，拉都拉唔住，依家都唔知去左邊」
我拖著阿欣愈走愈前，好像很緊張在發生甚麼事般，阿欣還要用相機拍下消防員救人的過程。
只見一個有少少肥，已經沒有知覺，不會爭扎的女仔被消防抱起......
我問阿欣：「係咪Rebecca?」
消防員把她抱到岸上，我們走近看清楚一點，是Rebecca。
我拖著阿欣到海旁的長椅上坐著......
我哭泣著說：「我地係咪害死左佢?」
阿欣：「係佢自己跳落海，點講都唔關我地事啦」
我：「其實我好唔捨得佢，畢竟曾經愛過熱戀過，點解當初有機會果時，我唔好好抱緊佢?」
我：「到依家佢已經為左我而死，連再攬佢既機會都冇喇，以後再見到既再唔係一個識郁識笑既Rebecca，而只係一條屍或者一堆骨灰」
阿欣：「唔好咁啦，冇人知道會搞成咁咖」
阿欣：「唔好喊啦!」
我：「對唔住，我好唔捨得佢!」
阿欣沒有出聲。
過了不知道多久，我也沒有再哭泣，而阿欣也慢慢放開了她的手，不再拖著我。
阿欣對我說：
「你根本就忘記唔到Rebecca，個心仲掛住佢，只不過貪我有得屌，當我免費雞啫係咪?」
我當然不敢答「係」
我：「唔...唔係」
阿欣：「你d男仔講就咁講，但係個心唔係咁諗」
之後阿欣摑了我一巴，並說：
「呢一巴我送俾你，當係俾你既教訓!」
我呆著了。
之後阿欣繼續說：「依家你鍾意既，就留戀Rebecca條屍啦!我以後同你冇拖冇欠，冇任何關係」
我：「咩野話?」
阿欣：「聽唔明呀?我話，你只不過係我隻棋子，依家你都幫我整死左Rebecca，以後都見唔到呢條肥婆，你功成身退喇，以後我同你冇拖冇欠，冇任何關係喇!」
之後連阿欣也離開了我。
或者自此以後就只剩下我一個，又再一如在自修室遇見Rebecca之前，自己一個獨自生活，又再是一個普通的中學生，只不過曾經擁有過一個「殺人犯」的罪名。
------完------