【真人真事】【微甜】我係自修室識到個女仔: 二十九 長洲篇(三)

當我們落山，回到張保仔碼頭那邊已是傍晚，接近六點幾，太陽也快將落山。

阿欣：「不如食dinner啦」
細A、阿怡、Rebecca：「好呀!」
我：「咁早食飯?」
阿欣：「咁今晚再食宵夜啦!」

話說這一晚的晚餐是食海鮮，又蝦又蠔，相當豐富。
晚飯之後，我們就在長洲碼頭附近散步，到市集逛逛。
原來入夜後的長洲也很興旺，大多數遊客都出來行街和購物，當然，她們幾個也不例外。



--------渡假屋--------
回到渡假屋，只不過是九點，或者我們都太興奮，不想入睡。
所以提出了一種活動，在我們這一代年青人之中已經不再受歡迎了，就是打麻雀。

我：「不如今晚開枱啦!」
阿欣：「我都想講好耐......」
阿怡：「但係我唔識打牌喎」
Rebecca：「唔緊要，你先睇我地打，睇睇下會學識」 (明顯係唔想教佢啦)
細A：「我冇所謂，橫掂我都係等食宵夜。」



所以，我落樓下租左箱麻雀翻黎。

阿欣：「碰......碰......」
Rebecca：「食!」
我：「頂咩，十三么!」 (話說係我出銃)
Rebecca：「haha，準備今晚請食宵夜啦!」

唔知幾時開始換左阿怡落場，打牌遇著新手是一件好事，因為新手通常經驗不足而出銃，但是她坐了我的位置，要我教她打牌!



我：「嘩，你副牌真係...」
阿怡：「點算呀?」
我細細聲講：「混對啦!」
阿怡：「即係點呀?」
(唉，咁都唔識，你起身啦小姐)
我：「即係咁咁咁......你試下啦!」

結果呢位新手，有我從旁指導底下，當然沒有出銃，不過也沒有食餬。

打到西圈，終於有人口痕想食宵夜喇!
阿欣：「不如去食宵夜呢」
Rebecca：「好呀!」
阿怡：「唉，學打牌真係好難，都係快d去食宵夜啦!」
我：「你地終於打夠?幫手執齊一百四十四隻先好走呀!」



結果呢?依然是我一個人收場!

在長洲食宵夜，通常要到碼頭一帶，還是越夜越旺場。
把麻雀交還之後，我們就一齊行去碼頭附近搵野食。

我：「Rebecca，我想有返少少二人世界......不如我地兩個去食甜品，唔帶佢地三個。」
(雖然我指使她拋棄姊妹，但我很希望有二人的空間)
Rebecca：「咁呀......好似唔係幾好喎!」
我：「咁我都係想留d空間俾我地啫!」
Rebecca：「好啦，我去同佢地講啦!」