【真人真事】【微甜】我係自修室識到個女仔: 二十七 長洲篇(一)

原先這個長洲幾日遊，是為了俾機會雙方行多一步，為對方做多一些，使大家都可以真真正正感受到對方的存在，肯定對方的愛。
但這個雙人團卻變成了五人團，還要一男四女。佢班姊妹每分每秒都跟到實，連少少機會都唔留返俾我啦!

去到中環碼頭的時候，女子四人組已經到齊。
她們所帶備的行李呢......嘩，唔講仲以為去錯左機場!
阿怡、細A和Rebecca都各自拖住一個喼，都唔知邊度有咁多野帶!而阿欣的行李就確實輕便，只有一個普通size的背囊，應該係打算幾日著同一件衫吧。

話說架高速船唔快得幾多，只不過係有冷氣同埋搖d咁解
搭了差不多半個鐘頭船，終於見到長洲.......個島，不過仲未到碼頭!




到達長洲，由於她們帶住沉重的行李，落船第一件事當然是去租渡假屋。

我：「五個人租屋幾錢一晚?」
租屋阿姐：「五個人，幾多間房先?」

我轉身望向後面的四個女仔，她們到露出一副既猶豫又害怕的表情，但唯獨阿欣沒有反應。
我：「你覺得我會食左你地4個咩?我似d咁既人咩?」
Rebecca：「似!」
阿欣：「有咩野事的話，我地四個點算?」



我：「租兩間房啦，一間四個，一間一個。」
租屋阿姐：「後生仔，千祈唔好行差踏錯呀!」

於是我們便入房放下行李。
阿欣趁另外三個女仔不為意的時候，便走了過來我間房，急忙從袋中拿出兩樣東西。

阿欣：「呢部，一陣出去玩，一邊行一邊影，影下海影下天咁就得。」
我：「咁我影唔影得妳?」
阿欣：「冇所謂啦，不過記得影得我靚女d喎!」


阿欣：「唔好影我沖涼呀死仔!」
我：「其實......我都唔識用」
阿欣：「咁簡單都唔識，一陣先教你點用啦!」

阿欣：「而呢樣野呢......你袋住先」
她講完之後有少少面紅，不過又幾可愛。

我：「下，唔係咁好掛!」
阿欣：「你袋住啦，以備不時之需呀」
她的臉又再紅一點。
我：「你想點用呀?」
阿欣：「er...睇你想點用啦!」

話說阿欣俾我的兩樣東西，係一部相機，另一盒是紫色細細盒的東西。
大家明白啦!