點...點解......我一起身變左女仔架!!!!???: 第五章 第一次
第五章 第一次
我一步一步地慢慢走入內衣店，其實係其他人嘅眼中，一個女仔入一間女性內衣店係一個正常不過嘅事。
但係我係一個用女仔身體，男仔靈魂嘅人。
點都會有小小唔自在。
小花：喂，你好似好唔自在咁喎。
我：緊係啦，我咁大個仔都冇黎過女性內衣店。點會覺得自在架。
子如：你又岩嘅。
內衣店入面有一排好整齊內衣同埋內褲，好有多種唔同嘅顏色。附近仲有啲比基尼係到。
行到一半之後，有一位店員行左過黎。
店員：小姐，你要買咩？洗唔洗我幫你？
我：呃。。。呃，好啊，我要買內衣同埋內褲。
店員：咁請問小姐係咩尺寸？
我：其實我冇買過。。。我都唔知。
店員：吓，你咁大個女都冇買過？？？
我：（我即時講左個大話）係啊，平時都係我啊媽幫我買架。（冇理由同佢講我岩岩由男仔變左女仔，所以先唔知自己嘅尺寸）
店員：原來係咁，咁你過黎，我地幫你量左個尺寸先。
店員係我隔離不停用卷尺幫我量緊尺寸，但係搞到我好唔自在。
量左一陣，終於都量完。
我跟住自己既尺寸去買左幾套嘅內衣同埋內褲，雖然大部分都係子如同小花幫眼買嘅，但係我估同平時嘅內衣褲差唔多。
子如就好大方咁幫我比左錢。
就係咁，我完成左我第一次買內衣嘅經驗。
如果我係男性嘅身體，啲人一定會覺得我食軟飯。
子如：唔洗多謝喎，遲啲要還架。
買完之後，我同小花同子如準備去買返一啲新衫，冇理由仲著我呢一身力唔搭八嘅衫。
行到一半果陣，我覺得有啲急尿，我由今朝發生完件事之後都冇去過廁所。
我就問子如：男仔同女仔去廁所係唔係一樣架？？
子如：係掛，我點知你地去廁所果陣係點架姐。
我：又係喎，我都唔記得左。
我：咁我去廁所先啦，你地等我一陣。
佢地兩個嗯左我一聲之後我就行去廁所，雖然我冇用女仔既身體去過廁所（根本冇可能用過）但係我估同男仔差唔多架姐。
啊係，好似要帶紙巾，差啲唔記得左帶紙巾。
拎完紙巾之後，我就行去廁所，死就死啦。
我一入到廁所，就發現好多人望住我。
當我懷疑緊我係唔係塊面係唔係有野果陣，突然之間發現周圍都係男人，係喎！！！！！！！，我依家係女仔既身體黎。
唔怪得咁多人望住我啦，我即刻係男廁到跑左出黎。
行返入隔離個女廁到。。。
我入到去女廁到，就覺得其實男廁同女廁嘅氣味差唔多。
我行左入一個廁格到，用我平時去廁所嘅感覺去柯尿，好順利就去完。
我拎左張紙巾出黎，係下面擦左一擦。我就係到諗，去個廁所都咁麻煩。。。咁今晚沖涼點算。
我洗過手之後就行左出廁所，揾小花同子如。
一見面，佢地兩個就係咁笑。
我：你地做咩笑得咁開心？？
子如：冇啊，有個傻仔頭先做左啲好搞笑嘅野。
小花：真係笑死人啦。
我：邊個傻仔啊！？
子如：個傻仔係我前面。
小花：哈哈哈哈
我：我？我做咩。
子如：唔知邊個去錯廁所呢？哈哈哈。
原來佢地知道左我去錯廁所件事。
其實係不知不覺之間，我已經接受左我依家呢個身體。
我：係啦，係啦，我知好好笑，咁我去左咁多年男廁，好難唔去錯姐。
子如：又係嘅，但係真係好好笑，哈哈哈。
佢地笑到成個傻婆咁。
笑左一陣之後終於停左，小花話要去幫我買返啲新衫喎，又係嘅，我依家啲衫一啲都唔岩著。
於是我地又行返去上次果間幫我買衫嘅地方。
但係我地一邊行，就覺得好似有人跟住我地咁。
我就問佢地：喂，好似有人跟住我地喎。
小花：唔洗理佢地啦，係咁架啦，依家好多變態佬，唔洗理佢地就得。
我：咁好啦。
我同小花，子如佢地又去返上次買衫嘅地方。
但係呢次係我用女仔嘅身體去買衫。
但係時裝嘅野我真係完全唔識，所以好多衫都係小花同子如比意見我。
最後，我都係買左幾ｔ－ｓｈｉｒｔ同幾條牛仔褲，唔好問我做咩唔買裙，因為我根本唔識著。
我地仲去左隔離間ｎｅｗ ｂａｌａｎｃｅ到買左幾對鞋，全部都係子如比錢。
子如同小花佢地話好肚餓，今朝冇食早餐就出左黎揾我，其實我都好肚餓。
所以我地就去左一間茶餐廳到叫食野。
我：食咩啊你地？？
小花：唔知啊。
子如：我想叫Ａ餐，好似好好食咁。
小花：咁我都叫Ａ餐先。
又係每人叫左一個餐食，唔知係唔係因為我變左女仔嘅原因，我連食量都小左好多。
我地食完行左出門口準備各自返屋企先，但係我又覺得有人跟住我地。
我唔想佢地擔心，所以冇同佢地講，我諗跟蹤我地果班一陣就會走。
於是，小花同子如住係另一邊，所以我地要分開行。
我：好啦，我地係呢到分開啦，你地小心啲返屋企啦。
小花：你依家咪又係同我地一樣。
子如：係囉，你都要小心啲啊。
我：好啦，我會架啦，拜拜啦。
小花同子如：拜拜。
我同佢地講左句小心啲之後就自己一個行。
但係我發現跟蹤我嘅人仲係到，於是我就開始跑起上黎。我起勢咁跑，但係因為用女性既身體，我跑唔到好快。
佢地都一直跟住我。
我跑下跑下，一個唔小心就跑左入一條死路到。
佢地一班人就慢慢迫過黎。
我：你地係邊個啊，唔好埋黎啦。
？？？：（冇講野）
我：救命啊！！！！！！
係呢個時候出現左個人。