如果你既人生好似打機一樣……: 6.5, 夜媽媽坐係公園犯法咩？

「咦？波仔？」佢既語氣就好似從來都無比我整喊過咁。
「呀飯………」相方依一面既我仍然對果件事耿耿於懷。
 
「你做乜係到既？」佢企起身過黎問我。
「我黎上堂囉。」
 
「上堂咁好動？唔似你喎毒男。」佢手肘托係我肩頭然後同我講。
「年假咁長無野做搵野搞下姐。」既然佢都唔尷尬，我都盡量控制自己，令自己既語氣聽起上黎好似無野咁。「你又做乜係到既？」
 
「我？我等人。」




唔通我既同學之中有佢既熟人？
 
「你到左拿？」由我後方傳來既聲音。
「邊到敢要你等呀，女俠。」呀飯即刻走上前。「同你介紹。」
 
我回頭一望，O FUCK COMBO X2。
 
「我同班同學，劉驚波，叫佢波仔就得。」佢介紹我既同時，我亦舉手示意。
「而依一個，就係我咪媽。」
 




女俠，我個導師，亦即係呀飯呀媽。
屌你TVB劇集咩，啲人際關係咁複雜！
 
「哦，原來係個衰女既同學，失敬失敬。」佢連咬文嚼子都好女俠FEEL；若果要想像的話，你當佢係慧英紅啦。
 
《女俠好感度上升》
 
「我失敬就真……」我差唔多想係佢面前鞠躬。
「你兩個咪咁婆媽啦，唔洗買送咩。」呀飯係講野果方面完全無女俠既影子。
 




「咁恕我地失陪先。」
「哦，掰掰。」我道別。
 
「我地走喇波仔，我得閒再搵你玩啦。」呀飯做出一個小惡魔既笑容之後離去，而我就呆企係原地，好似比雷劈完咁。
 
頭先……發生左乜事？
 
到底呀飯要心理素質高到咩野程度，先可以當完全無野發生過？
定係知道呀媽係附近先如此克制？又或者係水牛開解過佢？
 
依個係一個謎，你就算問鄭少秋同埋羅蘭都無答案既謎。
 
我懷住個疑問離開社區中心，我唔敢問水牛，因為我唔知佢會有咩反應。
依家最迫切既係，完成今日既任務。
 




我一路都係到諗緊，點解頭先可以咁自然咁同異性作眼神接觸，而依家就咁困難。
係唔係有啲乜野因素？
 
我依家四圍望，望下下一個目標；為既唔係拖佢入草叢施暴，我想做既僅僅全玩一鋪水管工。
黎到紅綠燈位，等緊燈既時侯你可以做乜？梗係周圍望啦！好機會！
 
打開雷達，按我既目標改變敵人既定義，依家雷達上已經出現左代表少女既綠點。
其中一個就係對面馬路。
 
Let's battle！
 
駁水喉點玩我相信大家都知點玩，如果玩低lv的話，好多時侯都係駁完之後等時間過。
 
但係我眼前既依一個關卡，複雜程度就好似你要幫全中國裝水喉咁。
唔通連個天都唔鐘意我？




 
當我想諗清楚先行既時侯，啲水已經出緊黎！
我屌點玩呀咁？但係咁尻駁，但係駁駁下發覺去左角落到，前無去路。
《Gameover》
 
下一秒，四周回復正常，而我既目標已經同我刷身而過。
 
毒撚永不言敗，但係跟住落黎出現既水管複雜度都超高，而且越靚果啲越高。
唔通依個就係毒撚既命運？上高登嫌三嫌四，現實中比欣宜我我都要屌？
 
於事我開始望啲低LV啲既女。
我望住佢，個水管相比之下無咁複雜，但係個接近即時出既水實在太戇尻，我根本無時間諗！
 
《毒撚度上升》
 




點解同某啲女我連水管都唔洗開，有啲就要？應該同條女靚唔靚無關係。
我行入公園入面，坐係長凳上面，我今日解唔完依個任務我就唔番屋企！
 
女總領袖生出現！等我再次挑戰下難度先，由佢係我視線出現既一刻我就望實佢。
我吞吞口水，期待水管工既戰鬥畫面出現，但係無。
 
佢就係咁，係我面前行過，然後漸漸離開視線。
 
條八婆連眼尾都無望過我一次！
 
FUCK！
我係長凳企番起身，之後一直於公園中徘徊，一有機會就望住啲囡囡，但係一條水管都駁唔到。
點解？我已經唔揀飲擇食，點解仲係唔得？
 
已經七點，我再次坐係公園入面既長凳上面，望住前面既網球場。




 
平時打怪，你會踩怪踩到你覺得煩，唔想踩。
但係作為一條毒撚，依家既我就好似連怪都踩唔到咁。
 
同女有眼神接觸，只係第一步；連依樣野都做唔到就乜撚都唔洗講。
 
「就係果到。」我聽到有人聲，於事我望過去。
係個管理員，對住兩個警察講。
 
個看更隻手仲要指住我。
唔對路！走先！