如果你既人生好似打機一樣……: 1.3, 每個人身邊都總會有個『綠葉』朋友

莫非我逃唔過係公屋後樓梯比福伯屌屎忽既命運？
我帶住好似岩岩比人雞姦完既心情，呀方已經係出面等緊我。

「波仔早晨。」佢帶住一個睇左都覺得訓醒既衰小臉同我講早晨。

「早晨。」
「你個樣做乜咁差呀？比人爆菊黎呀？」

我廢事理佢。
途中呀立一路講緊佢聖誕假既所見所聞……當然比我厄左點卡果單野佢係唔會提起。





而我就一言不發，但唔代表我有聽到佢狗Up。
我目光呆滯咁望住隔離空地上面打緊太極既呀婆，見到佢地隔離出現左個對話框。

「太極呀婆A，

健康度B、攻擊力C、防禦力D-……」

咦，竟然有得睇人地既能力咁仆街添？
於事我就望實呀方，而比我望實緊呀方竟然開始緊張，視線有Ｄ亂。





我屌你果然係死毒男，比ＦＤ望都會緊張。
「游立方，

健康度C、攻擊力D、防禦力D-、智慧F、幸運度B、耐性D、靈活度C……

總體評價D-，若需要詳細評價請繼續……」
廢柴果然係廢柴。
「呀波仔……你唔好咁望住人啦……就算你因為溝唔到女而中途轉機都唔代表我會架……」





你都係柯督尿照下個樣啦，我要搞基都唔會搵你啦！
可能有人會問，點解我要同依條廢柴做朋友？
Well，邊個想同廢柴做朋友？但係係班上面，大部份人都準備緊會考，所以對我依個除左打機乜話題都無既我黎講，呀方係最佳既傾訴對象。
除此之外，鮮花都要搵綠葉扶持；企係條廢柴隔離我覺得自己自信都會多啲。
而最後既原因係，如果連我都唔同佢做朋友，佢就會係班上面完全無存在感；即係將來影左畢業照果陣，同學A拎出黎睇，指住佢個頭都講唔出佢個名，以為張相係靈異照片果種。
所以同佢做朋友，唔多唔少都係有一份責任、承擔。

我唔係一個最無恥既朋友，而係一個有承擔既朋友。
話咁多就黎到學校門口，門口企住一對男女總領袖生同個訓導呀Sir。

女總領袖生出名係高級女神，除左做領袖生之外仲係學生會會長，樣靚身材正，成績仲要幾好。

係咁高條件既女之下，令隔離果個想撩佢講野，本身條件都唔係幾差既男總領袖生都顯得甚為狗公。
等我查下佢能力先。
「女總領袖生，波士級角色。」





健康度A、攻擊力C、防禦力C、智慧B+、幸運度A、耐性B、靈活度D、33C、24、32 …

整體評價Ａ，若需要詳細評價請繼續……

但係依啲機會都唔係屬於你架喇，死毒撚。」
屌你老母，點解我既能力會連身材都睇到先？點解應該係中立既對話框都要我收皮先？
個女Head P見到我望實佢，即刻擺出一副好高姿態既樣。

你咁叻又點？大個出黎咪又係要比男人屌？見到ＬＶ咪一樣打開雙腿比人屌到啪啪聲？不過依種咁高姿態既囡囡征服起上黎係最有成就感。
入左學校上樓梯果陣，呀方同我講：「晨早流流你就視姦個Head P，你真識食，不過我勸你都係放棄啦，這些機會……」

當佢講到個會字果陣我就推開佢，好彩我仲有一點理性，唔係我真係推左佢落樓梯到時我就見報。
係我成功控制理性之後終於入左久違半個月既班房。





非常不幸地，坐我隔離既依然係毒撚方。
「呀波早晨。」水牛向我打招呼。

「水牛早晨。」
我都係唔查水牛能力住，我怕睇左之後自己會自悲頂唔順。房室係四樓，而且ｄ窗無裝窗花，我處境非常危險。
「今日調位喎。」身為男班長既水牛，講出黎既料應該非常可靠。

「Yeahhhhhhhhhhhhhhhhhhhhhhh」我係心裡面嗌左出黎，終於唔洗同條死毒撚坐。但係我要扮到無野咁，廢事惹人懷疑。
「咦，咁咪要同波仔分開？」呀方好似好唔開心，因為班上面得我同水牛同到佢傾計。

係呀死毒撚，終於可以同你分開喇！我已經將自己表情控制得好好，但係嘴角都係不自覺咁向上揚。