肥宅 點溝女神啊: 第七章 第二節 啊軒不得了
呢幾日，我無論小息，小休，放飯，放學都見到個ｍｋ仔癡埋啊言到，佢地一直手拖手，我最唔明點解我會每次我都見到，佢好似係有心比我見到，而啊言卻好似好享受，佢面上既笑容竟然係因為個個ｍｋ仔而黎，個刻我真係好想走過去同啊言講，佢一腳踏兩船。
幾日我鍾意左聽香港流行曲，特別係比較舊既歌，希望可以同我內心作個緩衝，有日上網我聽到一首好有feel既歌，我倒係聽到流眼水，同個日啊軒比我聽既歌一樣，啲歌詞真係入心入肺。
落力為你好 得不到分數
你決定要跟他日後同步 他不懂愛惜你
我樂意操勞 我決意愛他
祝我愉快吧 你最明白我痛極亦留下
傷得很重也不怕 我願意等他 還看著你（他會感動嗎）
看你在懸崖走路（他已跑掉嗎） 他卻放下你 只照顧自己
我慣了愛他你怎樣做 在懸崖還是我無退路
對你好 無人稀罕我好 無人欣賞我好
原來你習慣他一套 從來沒有愛我
看得清楚 我知道 不必得到 不妨陪襯 但願為你好
你決定要跟他日後同步 他不懂愛惜你
我樂意操勞 我決意愛他
祝我愉快吧 你最明白我痛極亦留下
傷得很重也不怕 我願意等他 還看著你（他會感動嗎）
看你在懸崖走路（他已跑掉嗎） 他卻放下你 只照顧自己
我慣了愛他你怎樣做 在懸崖還是我無退路
對你好 無人稀罕我好 無人欣賞我好
原來你習慣他一套 從來沒有愛我
看得清楚 我知道 不必得到 不妨陪襯 但願為你好
從小我同我家姐就好鍾意鄧麗欣同方力申呢對螢幕情侶，以前聽佢地既歌係純粹係聽而聽，但係我呢種處境，卻是另一番滋味。落力想佢同個ｍｋ仔分手，都係因為個死人軒同人搏野搞到我既大計完敗，反而佢更享受同個ｍｋ仔既時光。看你在懸崖走路，他卻放下你，只照顧自己。我諗佢早就習慣佢個一套，我倒是被擱在一邊，不必得到，但願為你好。好似係賴偉大，但我只係一個肥宅，永遠都抬不起頭。
呢幾日我地班主任竟然無調位，其實我真係幾失望，因為啊言坐係我後面，作為偷望學家既我，就是算我偷望技術有幾高，但係佢坐係我後邊我就算點用盡我眼尾既極狹窄視點都好，都係睇唔到，唯有扮下同後面既人傾計，係拎頭既一刹那，偷望佢，搞到成日好似啲死變態，要望佢既同時唔可以有眼神交流，係一樣好高超既技術，真係唔係一般既變態可以做出黎。我成日諗，如果佢知道我成日日好似個變態咁偷望佢，唔知會唔會被討厭呢？不過成日咁偷望係人都知啦，就算無0.1秒既眼神接觸，但點都有0.01秒，有時碰到一刻既眼神，我個人腎上腺素突然上升，唉，無恥既自卑。但我享受望佢既時刻，每日如是。自開學，我同啊言唔好話傾計，就連講超過十秒既對話都無，有時我係到諗，究竟係咪我個人太黑人憎定點，定係平安夜個日......「 你個死肥宅！」，可能呢下就係佢既心聲都唔頂呢！
每日上堂做既再唔係數學練習，英文填充，中文寫作，而係偷望，其實偷望一個人係好辛苦，有時見到佢靚既一面，就會恨自己點解襯唔起佢，點解明明我只係個普通肥仔，點解個晚要口出狂言。種種既後悔就好似比人打咁，我唔知幾時開始，番學期待既再唔係我一年前鍾意既個個啊言，反而好怕見到佢，每次見到佢就好似兩個係命運永不接觸到既人，硬係要相見，男不願，女不愛。只可是聰明一世糊塗一時。
每日就見到個ｍｋ仔同啊言恩愛，自己卻在偷望熱戀中既佢，但佢永遠都唔知，他從來都比我差，但你為何仍然死心愛他。同平常一樣，多愁善感既我一直望住啊言同個ｍｋ仔放學，心有不甘卻無能為力......同時啊軒出現係我眼前，佢個樣仲慘過含完自己條撚，個樣再唔滑稽。
「搞咩啊？柒頭！」我搭住佢膊頭。
「屌，咪撚搞啦！」佢一手就撥開我隻手以我無戀愛既人黎講，都睇得出佢係情傷。
「比個死ｍｋhurt？」我無再用平時既語氣，因為我睇得出佢傷得唔淺。
但佢無再出聲，我都無在煩佢。
平時瀟灑不羈既佢，今日顯得份外無活力。我無放低個好基友，我諗住帶佢去食下野，把悲憤為食量，順便將我個份悲憤轉做食量雖然我幫唔到佢啲咩，只可以安慰下佢。
「算啦，你都扑完佢，咪算囉，諗下諗下你仲有賺添。」
「但係我......」「條ｍｋ妹都唔撚珍惜你，你愛佢托咩？」
個定食店啊叔走左過黎，放低左碟炸魷魚
「屌，你自己都係啦！明明個啊言都唔撚鍾意你，咁你仲暗戀佢托咩！」
「咁......」我突然變得無言以對其實啊軒都講得岩，啊言佢都講埋出口唔會鍾意我，但係我就死心不惜，成日去偷望，關係越漸惡劣，就連朋友都無得做，成日搞到面左左，唉，肥足一生，宅足一世。
跟住既三個月啊軒上堂都無動力，我就上堂玩偷望，我地兩個直頭無聽書。女人天生就係男人既剋星。成績就不斷退步，但我兩人有心無力，力不從心。但係好奇怪既野係啊軒身上發生有日我番到屋企，我電腦就直入召喚峽谷，諗住叫啊軒一齊玩，點知......「白金ｖ，唔瀨係啊！」佢竟然爬到上白金！簡直係唔相信，平時佢打機仲廢過我，突然爬到上白金，我無法去相信眼前我所睇到，我即刻攞起電話，打比佢。「你白金ｖ啦？幾時爬上去，我點解唔知嫁？」我用最快既語速去問佢「尋日囉，打完通宵機就上左。」佢好淡定咁答我「以前覺得好難爬，唔知點解尋日突然好勁，咁就上左。」「你...無事啊？」我諗佢情傷太深所以將潛力都激發出黎，我好擔心呢個變得咁快既兄弟。一個人係面臨逆境既時候會將潛在既力量都爆發出黎，睇黎呢個逆境對啊軒黎講都係幾大「唔講啦，我繼續。」佢平時既語氣無咁沉，聽得出佢真係變左。我再開佢戰績，「屌！」我見到咁既戰績都不禁屌左聲十連勝！！仲要每場都好勁。但係佢越係勁，我就越係擔心！