我去左間 Cafe 打工 , 想溝入面個 Mk 妹女同事: 隔牆有耳，隔牆有耳，

這一下實在大出我意料，小月說這麼久了的心上人竟爾是我？
 
我豈不就詛咒自己生花柳了麼？
 
啊喲，這可不得了啊，也幸好我沒有說甚麼不得好死，碎屍萬段的鬼話，
 
不然這次可就萬劫不復了。
 
我也懶理這麼多，只是摟著小月，想跟她好好擁吻，
 


但她的吻，就像蜻蜓點水一般，才則碰到我的唇，就即嚇得退了開來，
 
一張臉紅紅的，很是尷尬，
 
「你 …… 我 …… 」我只覺熱情未滿足，想要再跟她好好多吻一回，
 
但轉念又想自己染了性病，不知濕吻下來，會不會傳染小月，
 
這樣我的罪可又深了一重。
 


「主人 …… 」小月怕得眼淚就要流，「你會唔會嫌棄小月架 …… ？」
 
我聽到有女孩喜歡自己怎麼也是喜歡的，
 
但有Don這麼好條件的在前，她又怎麼喜歡我這麼一個碗碟清潔員？
 
唉，是了，她數次說是高攀不起二哥和Don，
 
定然是覺得我職位低賤卑微，跟她配得上，才選中了我，
 


這也算是因禍得福，該是歡喜的。
 
「我 …… 」我記起小月是二哥的情人，
 
我這樣勾二嫂，可是江湖大忌，所謂兄弟如手足，女人如衣服，
 
但看到小月如花似玉的美貌，又叫我怎麼取捨？
 
「主人你唔鍾意小月啊 …… ？」小月問，
 
「唔係 …… 」我嘆一口氣，想自己已有了清清姊姊，又怎能對其他女人動情？
 
這下是要辜負小月的情義了，
 
「其實個咩阿Don樣樣都比我好啊 …… 你 …… 」


 
我想要勸他回到阿Don的懷抱，
 
「唔係架，」她卻急著打斷，「主人你對小月係最最最最真心架，
 
主人你會同小月一齊傻，一齊玩，一齊笑，其他人就只會當小月係個好蠢既女仔，
 
得主人你唔嫌棄小月咋！」這不是間接說我也是個傻蛋麼？
 
「咁啊 …… 」我一時猶豫不決，怕要傷了小月的心，
 
「定係主人你已經有鍾意既人啦，你鍾意文靜姐姐？小草姐姐？定清清姐姐啊？
 
小月唔介意架，小月可以係主人身邊服侍主人你就滿足啦，
 


小月知道自己都唔係咩好女仔，又點會配得起主人你喎 …… 」
 
「你點會唔係好女仔呢 …... ？」她定是又自責自己的身世，
 
「我同小草係兩個世界既人，佢同我講得好清楚啦，
 
至於文靜呢 …... 我同佢鬧交鬧到佢係唔會同我和好啦 ……
 
同埋佢係鍾意女仔既 …… 」我說著想到二人，不知又要何日方可再見，
 
「咁 …... 咁清清姐姐呢 …… ？小月唔介意做阿二啊，」小月淚道，
 
「唉 …… 」我又嘆一口氣，「我欠佢既野實在太多啦，」
 
她的貞操給了我，還惹了一身性病，這筆債我是一輩子也償不完的了，


 
「或者就好似阿Don對小月你咁啦，我對清清佢都唔知係可憐定係真係鍾意，」
 
聽小月說完，我才認真想想自己和清清的關係，
 
「但係我都總無可能掉低佢地兩姊妹啊，
 
何況佢對我咁好，我又點可以辜負佢呢，所以 …… 」
 
這下感情關係可複雜得理不清了，
 
那知我話剛脫口，就聽「噗」的一聲，一隻膠杯跌在地上，
 
清清竟爾就站在門外，聽到我剛才所說的每一字每一句，
 


「我 ….. 我 …… 」我想起她都說過我不愛她她就要走了，
 
這下真是有理也說不清，何況道理不在我？
 
「我 …… 我講下架咋 …… 唔係真架 …… 」我忙道，
 
清清卻只是不為所動，眼淚流滿了臉，傷透了心。