我去左間 Cafe 打工 , 想溝入面個 Mk 妹女同事: 好彩都仲有人唔嫌棄我：﹝

「竹生主人 …… 」小月見我哭得慘烈，連忙跑過來安慰，
 
我卻想自己變成了個半人半鬼的模樣，那裡還配得上她？
 
「你走開，唔好理我啦，我會嚇親你架，」
 
我本就是個沒甚麼男子氣慨的膽小鬼，此時已然是哭不成人了，
 
「主人 …… 」小月退開了半步，「小月唔怕你啊 …… 你唔好咁啦 …… 」
 


「唔怕佢？」Mark哥詫異，「唔係啦唔係啦，拿，即係阿細佬啊，
 
我呢就唔係歧視人樣衰既，之但係呢，你咁既樣，真係會嚇走晒我D客，
 
你都係留係廚房，無咩事都唔好出黎啦你，」
 
「主人佢好快會無事啦，Mark哥你唔好咁對佢啦 …… 」小月替我求情，
 
「咁係啊嘛，而家做乜野啊？Fantastic Four啊？石頭人啊？
 


我地呢度係女僕Café啊，」Mark哥說，
 
「但係 …… 」小月對我是關心得很，這我很感激，
 
「唔洗啦小月，」我說，「Mark哥佢講得岩架，我咁既樣，
 
我自己見到都嚇親，D客人見到仲有咩心情呢，」我拭拭淚，
 
「所謂己所不欲，就勿施於人，我會收埋自己，唔比人地見到我個樣啦，」
 


我收起眼淚，就走進廚房，想要埋首工作，忘記這件傷心事，
 
可裡頭卻有Jude在等著，我知道自己是要再受一次傷害了。
 
 
 
Jude的反應沒有如我預料般誇張，
 
當她看見我時，先是一楞，然後只是走過來，很關心地問我：
 
「你做咩事啊？傷成咁既？睇左醫生未啊？」
 
「我 …… 你唔覺得我好恐怖咩？」我想自己人不像人，
 
怎麼Jude都沒有嚇得花容失色，放聲尖叫，


 
「再恐怖我都見過啦，」她淡然的說，「點啊，睇左醫生未？
 
就咁睇應該係燒傷？做咩咁唔小心啊，」
 
「唉 …… 一言難盡啦 …… 」昨夜跟姊姊的事，如像夢一場，
 
好比從來沒有發生過，只是她就這樣失身於我，真是冤枉，「睇完醫生又點喎，
 
咪又係一樣爛面 …… 」我說。
 
「你唔痛架咩？」她笑道，「燒到咁傷喎，」
 
「你仲笑得出 …… 」我嘆口氣，
 


其實也好，在我破相以前，總算是被人好好愛過，
 
就是雲雨之事也都試過，這生是無悔了，
 
即使要我下一秒跳樓自盡，也都不枉。
 
「咁我同你係交心架嘛，」她笑道，「你係咩樣又有咩所謂姐，
 
我係擔心你啊，你唔去睇下醫生，一陣手尾就長啦，
 
一個人最重要都係自己既健康啊，」Jude說著很有感慨，
 
「健康 …… ？」我想起父母孔子說過父母唯其疾之憂，
 
媽媽看到我這般模樣，是會傷心死了，竹生啊竹生，你真是不孝，


 
「其實我地咖啡店都有個藥箱既，」Jude忽道，「你跟我過黎啦，
 
睇下有冇咩幫到你 …… 」
 
她說著帶了我到更衣室，從一個儲物櫃中拿出了個急救箱來，
 
「急救我就唔係好識啦 …… Er …… 」
 
她一邊替我找著甚麼可用的藥物，我看著心裡只有感激，「一係我同你包紮住先，
 
你再去同阿Mark請假去醫院睇醫生啦，」
 
Jude說著拿起一卷繃帶，「你真係怕人驚你個樣既，包住佢就無野啦，」她笑說，
 


然後拿起繃帶，往我頭上不停地卷，卷得我就只剩下雙目能隱若視物，
 
「咁 …… 咁樣好似仲恐怖喎 …… 」我想自己都包成這樣，豈不成了木乃伊？
 
「唔係啊，咁樣幾可愛啊，」Jude笑說，「我睇報紙，
 
人地才子都係要用紙巾包住個頭，咁樣幾襯你啊，」
 
「你仲有心情講笑既 …… 」我還是寧可要個像小月般著緊自己的人，
 
「好啦，唔講笑啦，」她笑說，「不過啊，如果你唔包住佢，
 
一陣有細菌感染，或者唔知點樣再整傷D，到時就無得救啦，」
 
Jude說著門外傳來鈴鈴兩聲，想是又有人回來了，「阿Kay未返，
 
你出去同阿Mark請假啦，快D睇完醫生，今晚仲要洗碗啊，Haha，」
 
我正要舉步，卻忽爾想起Mark哥的指令，
 
「我 …... 我唔出得去架 …… 」我說，
 
「點解啊？」
 
「Mark哥叫我無論如何都唔可以離開廚房，出去會嚇走客人架，」我答，
 
「頭先個鈴鈴，應該係阿Kay佢地返黎姐，唔怕架，我陪你出去啦，」Jude道，
 
「唔，」我搖搖頭，堅決不出，「我應承左Mark哥既野，點可以反口？所謂 …… 」
 
「咁唔通你一世留係度咩？」Jude笑說，
 
其實若然我變成這般樣子，我還是寧可一輩子不出來，「好啦，
 
我幫你出去叫阿Mark入黎啦，你個人真係特別，」
 
我都開始分不清「特別」到底是褒是貶，但總之Jude還是替我出去找Mark哥了。
 
Jude離去後，我摸摸自己包著繃帶的頭，
 
想自己昨日還是個英俊小生，今日便成了木乃尹，
 
禍福無常，其實能跳能走，也就該要慶幸了，
 
做人到底還是該要知足，知足才會常樂啊。