我去左間 Cafe 打工 , 想溝入面個 Mk 妹女同事: 出黎行，著紅鞋，你咩料呀？
此時Kay媽也已經追了出來，看見地上的嬰孩，也是嚇得花容身色，
直撲在地上，跪地狂哭，
「我 …… 我真係唔知 …… 我點知你會抱住個BB喎 …… 」我開脫，
大哥好好的一個未婚漢子，又那裡弄個孩子出來？
但若真是出了人命，又叫我這輩子怎麼安落？
我正自內疚，卻忽聽地上傳來「呀呀」聲的嬰兒哭喊，
「佢未死啊佢未死啊，」我喜道，知道自己至少不是殺人兇手，
但想當年三國時，劉阿斗就是這麼一摔，都摔成是個傻子了，
也不知是活著好還是摔死了好，
「無事啊 …… 」Kay媽大喜過望，只是摟著孩子哭，
我看她那神色，直是一個母親對兒子的關愛，
「唔得啊，頭先咁樣一跌，都唔知有冇跌壞，都係去醫院Check下好，」
大哥雖然胖胖的，樣子甚是滑稽，但這下說起話，竟叫人覺得很可靠，
「嗯，」Kay媽點點頭，似是很感激他，「無左你我都唔知點算 …… 」
「哈哈，洗乜講，」平時豪氣的大哥，
竟爾被Kay媽說得臉都紅了，學起我伸手搔搔後腦，
「不過啊，都係你衰，唔係你要抱走佢，佢又點會跌左落地喎，」
Kay媽說起話來總是帶著一種風情，就是被她責怪，也叫人心甘情願，
「係我唔岩，係我唔岩，我以後唔會啦，」大哥說，
我卻想他怎麼被人馴服如此啊，「不過啊，都係佢撞到我 …… 咦 …… ！！」
他說著才記起我和妹子，「你地點解係度既？！！」
「我 …… 我地 …… ？」其實我也是胡里胡塗的跟了妹子過來，
「你頭先咁樣係咖啡店大吵大鬧，我地咪跟過黎囉，
點知你會對人點架！你地男人都係衰人黎！」妹子說，帶點文靜的口氣，
「我係衰人？！」大哥反應很大，「我係衰人，佢老公唔係人，係畜牲，係禽獸，」
「佢老公？我唔係佢老公啊，」我聽著奇怪，畜牲不就是我麼？「邊個老公啊？」
「你咁都聽唔明？」妹子又說，與大哥也同時看著Kay媽，
「啊？！！」這叫我如何不意外，「Kay媽你 ……. 你有老公？！！」
Kay媽不答，只是點了點頭，
「你 …… 你一早知？！」我想這麼大的秘密，怎麼就只有我蒙在鼓裡啊？
「你見到咁大個BB，都仲估唔到，人地仔都生埋啦，點會未結婚喎，」妹子說，
「仔 …… 仔都生埋添 …… ？！」我又是一驚，
難道Kay媽的「媽」字也不是小月亂起的，她這麼年輕竟就生了孩子？
Kay媽又點了點頭，算是直認了，
我聽著失望，唉，我那後宮的拼圖是要永遠少了一塊了，
她既成了人妻，我就是再壞，也不忍要人家夫妻骨肉分開，
正想著，忽又聽大哥道：
「你以後都無理由再跟返個衰男人，我有錢，我會照顧你啊，」
大哥他輕輕摟著Kay媽，我心裡吃醋，想這真是現實版美女與野獸，
但人家既是真心相愛，又那容得你這小畜牲啊？真愛是不計較外表的啊。
「邊個衰男人啊？」我還是沒有聽懂此節，
「哎呀，你仲係唔明，真係好蠢啊，」
妹子撅撅嘴，「肥仔叔叔講緊Kay媽老公啊，」她又說，
「Kay媽老公係衰男人？」怎麼事情變得如此離奇，
「唔好再講啦，」Kay媽拭拭淚，與平常女店長的模樣活像兩人，「我返入去啦，
你地走先啦，我無事啊 …… 」
「你仲返入去做咩啊！」大哥很著緊，「我唔可以睇住你返入去比人打啊！」
「咁 …… 咁 …… 咁 …… 」我見大哥和一個有夫之婦如此拉拉扯扯，
實在太不規矩，決定出言阻止，「大哥啊，人地兩夫妻，床頭打交床尾就和啦，
我地都係唔好多事好啦，」我說，想要早早脫身，
「佢地唔係床頭打交啊，咳，係佢老公日日飲醉酒就打女人，
打到佢成身傷，你叫我點樣睇住佢返入去啊？」大哥說，
我想起Kay媽身上確是有著條條血痕，原來是他丈夫所打的，
「咁打女人又真係唔岩 …… 」我點了點頭，
想起日前知道小草被馬醫生掌摑，已叫我很是氣惱，
只不過Kay媽既為人妻，又是另一種算法，「所謂呢：夫，天也；妻，地也，
天尊而處上，地卑而處下，咁Kay媽比佢老公打 ……. 都係情有可原既 ……
再講啊，出嫁左就要從夫，當初又係佢自己揀嫁比呢個老公既 ……
咁鬧交永遠都唔係單方面啊 …… 大家都有唔著 ……
兩公婆唔岩就講到岩啊 ……」
我想這麼一說算是公道得很，夫婦和順是最重要的了，
「你係咪講緊人話啊？」妹子怒道，「我以為你係蠢姐，你咁無人性既，
總之打女人就係點都唔岩，哼，第日都唔知你會唔會打我家姐架！」
我說的其實也是實情，妹子年少不懂事，我也不怪她，
「唉 …… 你大個就明啦 …… 」我說，
那知話才脫口，一個拳頭即往我面上招呼過來，
「啊！」我臉上一痛，整個人已仆倒在地，
「我無你呢D咁無人性既兄弟，」大哥也站在妹子的一方，
「我 …… 我 …… 」我傷心得眼淚都要湧出來了，
我不過就是依書直說啊，這樣也要打我，實在太橫蠻無理了，
「你有冇事啊 …… 」Kay媽眼淚未止，見我被大哥打了一拳，
也趕緊走過來看我的傷勢，「你成世人就係咁架啦，D脾氣都唔肯收下，
你咪一樣會打人，」Kay媽反指大哥的不是，「竹生講得岩架，
我都有唔岩架，一定係我唔好佢先會咁對我，你地走啦，
你咁樣上黎嘈完，佢一陣以為我同你有野，佢又唔開心啦，」
Kay媽處處維護自己的丈夫，總算有個人與我同一陣線，
「佢再敢郁手打你，你睇我打唔打死佢！」
大哥氣沖沖的又要走回屋內，狠狠的與Kay媽丈夫打一架，
Kay媽此時跪在地上，連忙抱住大哥那小腿，
「你走啦，唔好再搞咁多事啦，我知你對我好，
但係你唔好理我咁多我已經好多謝你啦，」Kay媽淚道，
大哥想要出口反駁，卻被Kay媽打斷，「你再係要咁多管閒事，
我以後都唔見你，我就連工都辭埋都要避你啦，」
Kay媽說得決絕，大哥只有啞口無言，
「你 …… 咳咳咳 …… 」大哥被氣得呼吸都不順，「我多管閒事 …… ？」
說到最後只聽他聲音都沙啞起來，妹子見勢色不對，連忙把大哥拉開，
「我地走先啦，以後有機會再講就係啦，唔好搞到咁僵啊，」妹子勸道，
一邊跑回去按下升降機，拖著我們二人離去，
臨行前我只見Kay媽抱著孩子又要往屋內走去，
我不知道她丈夫是否真如大哥所說般壞事做盡，
在前方等著她的是甚麼我更不知道，
但這既是她所選的生活，其實也只有由她是了。