我去左間 Cafe 打工 , 想溝入面個 Mk 妹女同事: 文靜你係衰人黎架！

「你地 …… 你地鬧左交？」我驚問，
 
「係啊，所以佢搬走左，去左個醫生度住囉，」文靜說，
 
「你地好地地做咩鬧交啊？」我問，
 
「唉，講起黎又係一言難盡啦總之，」文靜嘆道，「咁你知阿翔鍾意佢架嘛，」
 
我點點頭，「咁本來都無野，但係佢地兩個小朋友，日日係屋企日見夜見，
 


你估真係可以咩事都冇咩？」
 
「即係 …… ？」
 
「即係 …… 即係佢食左我細佬囉，我都唔明啊，
 
佢根本就唔鍾意佢，點解仲可以同佢搞，佢個人係咪開放成咁啊？
 
佢比人搞大一次個肚都唔知死，佢要搞都唔好搞我細佬啊，我細佬係好仔啊，」
 


現在還能聽出文靜有多氣憤，「都算啦，佢搞完都算啦，
 
但係啊，就難為左阿翔個傻仔對佢咁痴心，你自己當玩玩下，
 
但係人地唔係啊，佢係要搞到人地泥足深陷，抽唔到身，
 
唔鍾意人就一早講啦，無謂比個假希望人啊，你叫我點樣唔嬲啊？」
 
我卻想其實阿翔也不吃虧啊，我也想試試牛奶妹那稚嫩的身體，
 


唉，若換了是數個月前的我，定會要責怪牛奶妹負心，
 
但細想之後，我跟小草不也如是麼？
 
她也不愛我，還不是又脫得光光，與我睡覺？
 
其實啊，甚麼守身如玉，不出閏門的規條，早已過時了啊，
 
現在的女孩都不是那個樣，有幾個性伴侶是平常得很的事啊，
 
守舊如我也懂得這道理，文靜怎麼還看不出來？
 
「咁阿翔為左一個女仔出走英國，其實都好任性啊，」我說，
 
想他給了文靜這麼多負擔，也不好好考慮下她姊姊。


 
「佢又唔係為左牛奶既，」文靜說，「佢識牛奶之前已經一路話要過去啦，」
 
「係香港就好地地啊，做咩要去到咁遠喎，」我說，「價錢又貴啦，
 
又要同自己既親人分開喎，所謂啊，父母在，不遠遊 …… 」
 
「咁係阿翔佢志向大啊，男仔梗係要出去闖下先係啊，」文靜當成是理所當言，
 
「佢成日話香港已經變晒樣，其實啊，佢講得好岩啊，
 
就算佢想留係度，我都唔制啊，」文靜說，「係香港讀大學，
 
不過就係一間唔洗著校服既中學啊，每日群埋同一班人，做埋同一樣野，
 


話題總係講八卦，比一舊錢出黎，等3 , 4年過去，
 
跟住就要過住d反反覆覆，一式一樣既生活，
 
真係學到既野又唔係多，倒不如由佢出去見下個世界啊，
 
我見到阿翔佢開心，我就開心啦，」文靜說到最後滿意的笑了一笑，
 
「難為你咁辛苦搵錢供佢啊，其實有心既，去到邊度都係一樣啊，」我說，
 
「點同呢？」她說，「你睇啊，係香港出既就係你呢種古板，
 
唔識變通既傻瓜啊，同人相處又唔識，衰既就真係一無是處，
 
好dd又淨係識成日扮高深，雖然你係可愛，但係我先唔要我細佬似你啊，」


 
我聽著暗暗傷心，我真是那麼的不堪麼？
 
「咁你開心就得啦，」她既是說得我一文不值，我還可以怎麼反駁？
 
「我開心啊，見到細佬開心，我就開心，一家人就應該係咁啊，」她笑說，
 
「一家人應該係咁 …… ？」我不以為然，文靜在家中可沒有甚麼好待遇呢，
 
都是她一人為弟弟供書教學，自己卻要打兼職扮女僕給人佔便宜，
 
又要挺而走險賣冒牌貨，這真的公平麼？
 
「佢係男仔，爸爸媽媽由細都寵佢既，無計啦，
 


但係我得呢個細佬，我做得佢家姐就有責任啊，」文靜說起阿翔都會笑得很開懷，
 
我卻想這重男輕女的社會當真是害人不淺，
 
其實文靜如此才華美貌，畢業後前途無可量啊，再不是去選美也都可以啊，
 
怎麼會落得跟我一般？唉，我也替她可憐，
 
但她既是甘心樂意，我一個外人又那有資格指指點點？
 
「係呢，唔好講阿翔啦，阿希呢？你同阿希佢點啊？」
 
「阿希 …… ？」文靜一楞，「佢做咩啊？」
 
「無啊，我 …… 我又撞到佢啊 …… 」我說，想我的奇遇也真多，
 
「你 …… 你撞到佢？佢點啊？」文靜大為著緊，
 
「佢好好啊，你有心啦，」我又撤了個謊，
 
文靜跟阿希的感情終究是不淺啊，我怕文靜她知道後要不開心，
 
又怎能把阿希跟Kelvin的事跟文靜坦白？
 
但 …... 對了 …… 有個更重要的問題等著我 ……
 
「係呢 …… 文靜啊 …… 」我說，
 
「阿希佢有咩啊？」文靜似乎對阿希還是很著緊，
 
那她又何必把人家撇掉，找一個喜歡自己，而自己又喜歡的人很難啊，
 
「無 …… 阿希佢無野啊 …… 」文靜聽後鬆了一口氣，「我係想問 …… 我 …… 」
 
「嗯？你講啦，你頭先講野都正正常常架，做咩又變返口疾疾，」
 
「我 …… 」這個問題實在不好開口，但這次不問，更待何時？
 
終於我鼓起勇氣，「我想知點解你要出賣小草比Kelvin！！」