我去左間 Cafe 打工 , 想溝入面個 Mk 妹女同事: 我地竹家絕後啦今次！

於是三哥走在前頭，文靜和妹子二人並行，糖果似對我有芥蒂，離得我遠遠，
 
就留了小草和我留在最後。
 
「我今日可以見返你，我好開心啊，」此時就我和小草二人，說話也容易一點，
 
「見返又點唔見返又點丫，不過你啊，記住要去睇醫生，知唔知啊？」小草笑說。
 
「嗯，我會啦，」我答，
 


其實能與小草二人在星空下漫步，已是無比快活的事了，
 
至於甚麼性病，生生死死的問題啊，
 
莊子裡頭有所謂：「生死修短，豈能強求，
 
予惡乎知悅生之非惑邪，予惡乎知惡死之非弱喪而不知歸者邪，
 
予惡乎知夫死者不悔其始之蘄生乎。」
 


其實活著也不一定就好，這些日子以來，
 
就是樂天快活得如小月，到文靜、牛奶妹、小草、糖果、阿翔、二哥，
 
她們無不也是可憐人，活著也不一定就享福啊，
 
雖說生性病而死好像有點不光彩，但也沒甚麼可悲可嘆的，
 
「你會唔會怪我啊？」小草忽道，「始終都係我累左你啊，」
 


她說起來有點自責，想那次在浴室經歷過生死邊緣，她也成熟了不少，
 
「我唔會啊，你知我對你點架 …… 」我說出口也有點難為情，
 
但小草她既是一個離家出走的孤女，要是我能給頭一個家，你說多好？
 
成家就是難如糖果所說，只要我肯努力，不就行了麼？
 
所謂世上無難事，只怕有心人，我對小草她誠心誠意，沒有甚麼是做不來的。
 
「唔係啊，我唔係呢個意思啊，」小草卻道，「竹生，我知你係好人，
 
我都知你對我好啊，但係你明？我同你 …… 我係因為Mason既事，
 
先會同你 …… 同你好啊 …… 我個心無你，而你都唔係真係鍾意我架 ……


 
你又唔了解我，世間上有好多比我好既女仔，更加值得你去愛啊 …… 」
 
她忽然說得如此沉重，我想反駁，但想自己對小草的了解確是不深，
 
就是她的所思所想，也是今天才首次聽聞，
 
對她所知的，也就不過限於她的親密男友，除此以外，就再無所知了。
 
只是我的貞操既已給了小草，也總不能任她如此始亂終棄，
 
嗯，對了，她可要對我負責任啊。
 
「我 …… 我係鍾意你架 …… 我由第一眼見你就鍾意你啦，」我說。
 


「呢個世界無一見鍾情架，」她嘆道，「竹生你識既女仔唔多，
 
所以容易鍾意人，但係啊，呢個世界係好大好大既森林，除左我之外，
 
仲有好多其他女仔等你去愛，」
 
「但係 …… 但係你唔係話只要有一個將你放係第一位既男仔你就會好開心咩，
 
我會將你睇得好重要啊，我對你好好啊，」我辯道。
 
「唔，」她搖了搖頭，「你都係唔明啊，有個咁既男仔，我會開心，
 
但係開心，唔代表我會鍾意佢，想永遠同佢一齊啊，
 
我係一個永遠要新鮮感既人，你同我相處你會好辛苦啊，」她又說，「再講啊，


 
我不過係個污糟邋遢既女人，仲惹埋性病，我地一齊唔會有將來啊，
 
但係你放心，我唔會唔記得你對我好啊，咁多年黎對我最好既男仔係你啦，」
 
她說著輕輕在我臉上親了一下，「多謝你啊，但係都好對唔住，」
 
小草她說得感動，可我麼，我卻只有叫苦的份，
 
我都為她惹了性病，難道我又可以有甚麼好生活，
 
我倒是只有跟她在一起才有未來啊，我們大家都有性病，以後就不怕傳染了，
 
這樣豈不是好？她如此把我推開，我這輩子恐怕是要孤家寡人，
 


我們竹家是要絕子絕孫了，唉，難為我是獨子，也不知道要不要跟媽媽說好。