我去左間 Cafe 打工 , 想溝入面個 Mk 妹女同事: 躲在被窩的男人！

我正烏下身子，躲開防盜眼的監視，
 
那知大門突開，映進眼裡的，竟是一雙雪白的長腿，
 
我看這雙腿，極是修長，皮膚也滑溜得很，
 
一條白色的連身裙子就只及臀部，此人竟是我朝思夜盼的文靜，
 
「啊 …… ！！」我不禁嚇得呆了，
 


見文靜身後紅光閃閃，又有一張破破爛爛的床子，
 
竟與一般一樓一的格局無異，這叫我怎麼受得來？
 
「點解你係度啊？」我問她，
 
「應該我問你先係啊，點解你係度啊？」文靜說著向我兩旁看了看，
 
見三哥同來，「你帶佢黎既？」
 


「唔係啊唔係啊，我無講啊，」三哥連聲否認，
 
怎麼？原來三哥一直也知道文靜在這棟大廈裡頭？
 
「咁點解 …… 」文靜又發覺妹子站在我身旁，
 
見她容貌俏麗，不禁向她多看了兩眼，
 
「係佢地話要跟住 …… 跟住個頭髮五顏六色既女仔，
 


我先帶佢地入黎啊，點知咁岩會搵著你呢間喎，」三哥忙解釋，
 
「你黎搵糖果？」文靜兩眼不住的打量著我，「我唔係度你又打人地主意啊，
 
鹹濕仔，」文靜笑說，
 
「我 …… 」只覺現下的情況太混亂了，混亂得我都搞不清是怎麼一回事，
 
「呢個妹妹呢？係你細妹？」文靜問，
 
「咁 …… 唔係啊 …… 」我答，我跟妹子的關係其實也是複雜得很，
 
她既不是我的同事，
 
我又只把她當作妹妹，但她又不是我的親生妹妹，關係一下子也難以說清。


 
「佢係我姐夫，我係佢姨仔，你就係文靜姐姐啊？你好，」
 
妹子笑說，一邊伸出一隻手來。
 
文靜聽著臉色一轉，但也伸出手跟妹子握了一握，
 
「你又會認得我既？」文靜像呵著小孩子般對妹子說，
 
「竹生哥哥話文靜姐姐永遠著裙就淨係著到個Patpat，
 
所以我一見就認得啊，」妹子說，
 
文靜聽著看了我一看，只看得我尷尬萬分，
 


「我 …… 我無 …… 」這時真是有口難言，
 
「隻畜牲就係鍾意亂講野，唔好聽佢講，」文靜也不生我的氣，笑笑的帶過了，
 
妹子卻聽得格格的嬌笑起來，
 
「係啊，佢個名就係似畜牲啊，點解我諗唔到，」原來她在取笑我的名字，
 
文靜早已叫慣叫熟，但看著妹子笑得如此開懷，也不禁微微一笑，
 
「好啦，你地唔好留係度咁耐啦，我地出去再傾啦，好無？」文靜忽然說，
 
「係啦係啦，岩啦，我地唔好阻住大波怪啦，」三哥說，
 
我此時能再見到文靜，心中早已暢快無比，


 
甚麼糖果的事，其實也與我無關啊，倒是與文靜聚聚好，
 
我正要答應離去，妹子卻突然指著那張床子，叫道：
 
「咦，張床有人係度既？」