我去左間 Cafe 打工 , 想溝入面個 Mk 妹女同事: 都唔洗打我啊。。。

「唔 …… 唔好啊 …… ！！」我想要阻止，卻已然遲了，
 
門開了，妹子又說得響亮，阿希和Kelvin都應聲擰轉過來，
 
我心想不妙，這麼尷尬的場面，如何脫身才好？
 
「竹生哥哥，竹生哥哥，佢地係度做咩啊？」妹子扯著我衣袖，
 
一派天真地問，我心裡暗罵，這小妮子也太狡猾了，還真會裝傻扮蠢，
 


如此想著，心念一動，竟給我想出個法子來，
 
「小弟今日路過此地，得遇兩位，都 …… 都真係緣份，不過啊 …… 不過 ……
 
Um …… 大家入得黎，都知咩事啊 …… 若然 …… 若然閣下已經快活完，
 
不如讓出此地，行個方便好嗎？」
 
我說著自己也覺得鬼五馬六，全不成話，但這樣的場面那裡到我思索？
 


我的戲自然是做得很壞，Kelvin和阿希也只是呆住了的看我，
 
「Kelvin哥哥啊，今次係唔係又係文靜姐姐介紹阿希姐姐比你啊？
 
記住寫返事後報告啊，」妹子的記心還真好，
 
我只把故事大概給她說了一次，她已想出其中的關鍵來，
 
她所問的，正是我心中想要知道的。
 


 
 
「邊個黎架？阿希你識佢架？」Kelvin問，兩眼色迷迷的看著妹子，
 
阿希卻只是搖頭，神志仍是未清，
 
「我係文靜姐姐同小草姐姐朋友啊，呢個係竹生哥哥，」妹子道，
 
阿希聽到我的名字時，兩眼突然睜大，怒瞪著我，
 
「邊個小草啊？」Kelvin站了起來，把褲子整理好，「又咩竹生啊？」
 
我聽著心裡一酸，其實Kelvin跟小草不過是逢場作興，
 
別後就是名字也記不起來，恐怕世間會記著那夜的事，就只有我一個，


 
其實我又何別費心費力去責怪文靜的所為，
 
對他們而言，不過就是平常不過的事，反是我才是最不解風情。
 
「哎喲，咁就奇啦，」妹子看了看我，「小草咪 …… 」
 
我搖了搖頭要她別說，有些事過去了就由它過去好了，
 
反正小草現下人都不見了，說甚麼也是徒然，
 
「呢兩個人奇奇怪怪咁，唔好理佢地啦，」Kelvin哼了一聲，拖著阿希便要下樓，
 
可阿希兩眼卻始終死盯著我，滿懷恨意，我看著大惑不解，
 


我跟她無仇無怨啊，怎麼她的眼神竟如此怨毒？
 
「佢地走啦竹生哥哥，你由得佢地啊？」妹子急道，
 
我想如此一去，以後也未別能再見到阿希，文靜的下落就更難知道了，
 
於是也懶理她的惡意，高聲問道：
 
「文 …… 文靜佢呢 …… ？佢去左邊啊 …… ？」
 
 
 
我們身在後樓梯之中，此話一出，聲音回盪不止，縈繞不絕，
 
阿希一聽，竟立時鬆開Kelvin的手，走過來狠狠在我臉上摑了一巴，


 
「啊？」我大出所料，臉上熱熱的，
 
「你做咩打人啊？」妹子比我還著緊，
 
「你仲好意思問？係啊，文靜比你搶走左啦，你最開心啦，
 
仲嫌我未夠折墮？仲要踩多我一腳？」
 
我看阿希罵起來，當真是由衷的恨我入骨，
 
「我 …… 我 …… 我咩都無做過啊 …… 」我說，
 
「係啊，你咩都無做過佢會唔要我？佢細佬唔鍾意我，屋企人唔鍾意我，
 


我地都仲可以好好一齊，就係因為你，就係因為你 …… 」
 
她說到此處，竟跪地痛哭，
 
我看著不忍，想她畢竟是個女子，對文靜用情又深，當中的誤會好好化解就是了，
 
「你真係唔知文靜去左邊啊？」我借衣袖給她拭了拭淚後問她，
 
「我點知啊，應該係你話我知啊 …… 」她哭道，
 
我心想奇怪，阿希是文靜的伴侶，
 
她如此貿然消失，連阿希也撇下，到底為了何事？
 
「你呢，你知唔知文靜去左邊啊？」我問Kelvin，
 
我雖對他沒有太多好感，但為了文靜，也只有下問，
 
「文靜？邊個文靜啊？」