我去左間 Cafe 打工 , 想溝入面個 Mk 妹女同事: 女人就係麻煩啊！

我仍是不明就裡，不知文靜何以如此大發脾氣，
 
於是也只有呆呆站住，看她還有甚麼話要說。
 
可文靜如此大發雷霆，咖啡店內的人又怎麼會不知覺？
 
Mark哥便是第一個反應過來，
 
「哈哈，我咁好既文靜都比你激到，叻仔啊，」
 


Mark哥走過來搭著我的膊，一邊引著我到廚房去。
 
我怕文靜生我的氣，想早早把事情交代過就跟她冰釋前嫌，求她原宥，
 
任Mark哥與我拉扯，我卻始終呆立不動。
 
文靜見我看著她，又故意的跟那個客人親近，我看著心裡不好受，
 
「文 …… 文靜 …… 」我輕輕喚一下她的名字，她卻始終不理。
 


「走啦，細佬，入去再講好冇？你知你做洗碗我唔敢炒你，都唔係咁亂黎啊，」
 
Mark哥笑說，一邊又在我膊上拍了兩拍，「行啦，行啦，」
 
我心裡雖是不願，可也沒理由要Mark哥為難。
 
臨行時我回首向文靜看了一眼，見她仍是跟客人調笑著，
 
我看著她還有嬉笑的心情，只覺自己更加淒苦無比，這種感覺實在從來未有。
 


「返黎啦？今日咁遲既？」到了廚房，阿Jude便問我，「做咩啊？愁眉苦面，
 
平時你都唔係咁架，又有唔開心既事啊？」
 
「佢就犀利啦，同小月一齊遲到，又激到文靜死死下，喂，有兩手喎你，
 
睇你個人傻頭傻腦，真係估唔到真人不露相啊，」Mark哥笑說。
 
「我 …… 我 …… 唉 …… 」我仍是想著文靜的事。
 
「做咩啊？同文靜鬧交？佢成日都係咁架啦，你唔好怪佢啊，」
 
Jude怕我跟文靜吵翻，還是先替她開脫，
 
可我又怎麼生氣得下？怕就怕文靜她從此不理我啊。


 
「女既野，好簡單，等我醒返你兩招，包你雙飛都有得起，」
 
Mark哥道，「不過我而家有大事忙緊，一陣再入黎傳你絕世武功，」
 
說著Mark哥便離開了廚房，我心裡卻想他有甚麼大事要辦，
 
就怪剛才我全意在文靜身上，也沒看到咖啡店裡頭有誰在熱鬧。
 
「做咩事啊？得返我地兩個，可以講啦，」阿Jude笑說，
 
還是她人好，不似得文靜般蠻不講理，半點不為人設想。
 
「文靜佢 …… 佢 …… 唉 ……. 佢無啦啦嬲左我啊 …… 」
 


我跟Jude說起話來時容易，如果把Jude的性格換在文靜身上，可就完美了。
 
「係咪你做左D咩激嬲人啊？」Jude問。
 
「無啊無啊，我好地地做咩激嬲佢喎，我未比佢打過咩，」我說。
 
「咁啊，」Jude仰首想了一想，「你唔介意我直接D問架可？Haha，」
 
「你講啦，我同阿Jude你最好傾啦，如果我連你都唔敢講，
 
我就無人可以傾計啦，」我說，有個知己還真不錯。
 
「嗯，咁你鍾意文靜定小月多D啊？」Jude笑問。
 
「下？！」我聽著一驚，實在沒想到此處去，「我 …… 我 …… 我 ……


 
我邊係呢 …… 無啊無啊 …… 我對佢地兩個都無非份之想啊，
 
我 …… 我心入面得 …… 得小草佢咋 …… 但係佢 …… 佢又 …… 」
 
說起小草我又想起一件很重要的事來。
 
「佢又唔理你嘛，佢係咁架啦，Haha，」Jude說，「咁你覺得小草好相處D，
 
定係文靜小月佢地好相處D丫？」
 
「小月都還好，不過講最好相處，梗係阿Jude你啦，」我說。
 
Jude聽著臉上微微一紅，
 


「咁就係啊，如果你將你擺落小草副心機，放落文靜或者小草度，啊，
 
唔係唔係，淨係放落文靜度先岩，咁可能佢以後就唔嬲你啦，」她笑說。
 
「講就易，佢個人都唔講道理啊，我已經對佢好好啦，
 
佢都仲係無端端發我脾氣，」我撅撅嘴。
 
「呢D唔好諗咁多啦，你都係諗下到底文靜同小月兩個既話，你會要邊個啦，
 
呢個問題你遲早要面對啊，」Jude笑說，一邊拿起食材，準備做上幾味菜。
 
我聽著雖不知道她何以要我在文靜和小月間二擇其一，
 
但心裡還是禁不住的想起一個老掉牙的問題來，
 
對了，若是一天文靜跟小月掉到水裡，我會先救誰呢？
 
唉，可幸我不會游泳。
 
 
 
「多謝你啊，Jude，好彩有你咋，」與Jude談過後，總算有點釋懷。
 
「嗯，咁又唔洗，」她笑說，「總之你記住啦，有女人既地方啊，
 
就難免爭風呷醋啦，女人就係鍾意全世界既人圍住佢轉啊，」
 
「係咁既咩 …… ？」我對女人認識不深，就只知道女人與小人一樣難養。
 
「你慢慢就會知啦，Café呢度個個都係女人，係，
 
大家感情係好好，但係啊，有時一去到要比較，或者關男人事啊，
 
就乜都係假啦，女人就係咁既生物，」
 
「但係佢地有咩要比較啊，又有咩男人啊？
 
好似文靜咁，文靜就係鍾意女仔啦，」我說。
 
「唔一定係咁架，Um …… 點講呢，即係可能你本身係鍾意食橙既，
 
但係你見到人地食蘋果食得好開心喎，咁蘋果就得一個，
 
唔係佢食就係你食，咁咪要搶囉 …… 但係搶到啦，你又係咪真係鍾意食蘋果呢？
 
你明唔明我講咩啊？」Jude笑說，「我D比喻麻麻地，」
 
「我諗 …… Er …… 」
 
其實我也不完全聽懂，「即係瘦田無人耕，耕開又有人爭咁？」我問。
 
「嗯，類似啦，又唔完全係咁 …… 」Jude說。
 
「咁你呢？Jude你都係女人啊，點解你無咁既？」我好奇的問。
 
「我？」她微微一笑，「可能你未發現姐，」她說著若有所思的，「做野啦，
 
今日有好多碗等住你洗啊，」