我去左間 Cafe 打工 , 想溝入面個 Mk 妹女同事: 冤枉啊母親大人！

 
「媽 …… 」餘下的一個字卡在喉嚨，我實在羞得不敢回頭看。
 
「Hi Auntie , 你好啊，我叫小月啊，我係竹生主人既同事啊，好開心見到你，」
 
小月渾不當是一回事，只是笑嘻嘻的往屋內走。
 
「Nice to Meet you , 我係竹生媽咪啊，」母親看來也全不介意，
 
反是很熱情的招呼小月，「仲企定定做咩啊，唔招呼人？」母親向我催促。


 
「哦 …… 係既係既 …… 」我答道，兩眼不敢與媽媽接上。
 
媽媽領小月到飯桌前，伸手拿過我手上的布袋，
 
「你仲整左野比佢食啊，真係細心啦，」媽媽對小月笑得很溫柔。
 
「係啊，小月第一次整，唔知整得好唔好食 …… 」小月說著又開始膽怯。
 
「好食好食，一定好食，煮野食最緊要係個心啊，」媽媽說，「再唔係既，


 
你得閒多D上黎囉，我最好客架啦，」她說罷笑得很開懷。
 
「真係既Auntie？你唔會嫌棄小月蠢 …… ？」小月滿臉感激。
 
「唔會啊唔會啊，邊有人一出世就咩都識架，」媽媽這句話很似曾相識。
 
「好啊，小月細細個就無左媽媽，
 
難得Auntie肯教小月煮野食，小月好開心啊，」小月跟媽媽相處得很融洽。


 
「你得閒多D上黎囉，搬埋上黎都得啊，」母親笑說。
 
我聽著一驚，要小月搬過來，可不是鬧著玩的。
 
 
 
「唔好啦，小月唔想比麻煩人，」小月低下頭說。
 
「唔緊要啦，以後大把日子，你總會搬過黎既，」媽媽說，
 
我聽著又是一驚，怎麼她都把小月當成了是媳婦一樣？
 
「嗯，以後如果Auntie唔嫌棄，小月先再黎打擾Auntie啦，」小月說。
 


「乖女，」母親輕撫一下小月的頭，似是對她很滿意。
 
「係啦，竹生主人，快D食野啦，唔係凍啦，」
 
小月說著給我打開她弄的便當，是一個蛋包飯，
 
我看著暗暗叫苦，怎麼有人一大早就吃蛋包飯啊，
 
但想小月每天混在咖啡店裡，也不會別的，其實她有這份心意已是很好了。
 
「好啦，你地慢慢傾啦，我換衫返工啦，」母親對小月說，
 
然後走到我身旁時，又輕輕在我屁股拍了一下，低聲道，「死仔包，
 
唔聲唔聲咁多女朋友，仲要生米煮成熟飯都唔同阿媽講聲，


 
不過呢個女仔又幾好，PatPat大有生養啊，快D等阿媽抱孫啦，」
 
「其 …… 其實 …… 唔 …… 唔係你諗咁啊 …… 」
 
這些話題與母親不好談，總覺得很尷尬。
 
「怕咩姐衰仔，你阿媽好Open架喎，拿，我就去返工啦，
 
你一陣好同我搞個孫出黎啦，」她臨行前又在我屁股上打了一下。